| ຊາວຫວຽດນາມຢູ່ຕ່າງປະເທດໄດ້ເຜີຍແຜ່ຄວາມເຫັນອົກເຫັນໃຈໃນໄລຍະເກີດການລະບາດຂອງພະຍາດ COVID-19 | |
| ສະມາຄົມຊາວຫວຽດນາມ ຢູ່ ກວາງຕຸ້ງ (ຈີນ) ໄດ້ບໍລິຈາກເງິນເກືອບ 100 ລ້ານດົ່ງເພື່ອຊ່ວຍເຫຼືອຫວຽດນາມໃນການຕໍ່ສູ້ກັບ COVID-19 |
 |
| ເວບໄຊ The Diplomat ໄດ້ເຜີຍແຜ່ບົດວິເຄາະໂດຍສາດສະດາຈານ Zachary Abuza |
ທ່ານ Zachary, ສາດສະດາຈານ ຢູ່ ມະຫາວິທະຍາໄລສົງຄາມແຫ່ງຊາດ ຢູ່ ນະຄອນຫຼວງວໍຊິງຕັນດີຊີ (ອາເມລິກາ) ໄດ້ກ່າວວ່າບັນດາປະເທດອາຊີຕາເວັນອອກສ່ຽງໃຕ້ ໄດ້ຕອບໂຕ້ທີ່ແຕກຕ່າງກັບການປະກົດຕົວ ແລະ ການແຜ່ລະບາດຂອງເຊື້ອໄວຣັດ Corona, ເຊິ່ງສະແດງໃຫ້ເຫັນເຖິງຄວາມແຕກຕ່າງກັນຢ່າງຫຼວງຫຼາຍກ່ຽວກັບຈໍານວນກໍລະນີຕິດເຊື້ອ.
ທ່ານ Zachary ໄດ້ປະເມີນວ່າ ຫວຽດນາມ ແລະ ສິງກະໂປ ເປັນສອງປະເທດທີ່ມີການນຳພາທີ່ຖືກຕ້ອງໃນການລະບາດຄັ້ງ ທຳອິດ. ສະເພາະລັດຖະບານມີຄວາມຕັ້ງໃຈທີ່ຈະປະຕິບັດມາດຕະການກວດກາສຸຂະພາບສາທາລະນະ, ຕິດຕາມການຕິດຕໍ່, ກຽມພ້ອມທີ່ຈະປິດການທ່ອງທ່ຽວທັງພາຍໃນ ແລະ ຕ່າງປະເທດ, ປິດທຸລະກິດທີ່ບໍ່ຈຳເປັນ, ເຖິງວ່າຈະຮູ້ພື້ນຖານ ເສດຖະກິດຈະໄດ້ຮັບຜົນກະທົບບໍ່ດີໃນໄລຍະສັ້ນ.
ທ່ານ Zachary ຕີລາຄາການຮັກສາສຸຂະພາບສາທາລະນະຂອງປະເທດພວກເຮົາແມ່ນຂ້ອນຂ້າງດີ ແລະ ມີລາຄາຖືກ. ຄ່າໃຊ້ຈ່າຍໃນການປ້ອງກັນພະຍາດແມ່ນໜ້ອຍກວ່າຄ່າໃຊ້ຈ່າຍໃນການປິ່ນປົວພະຍາດ.
ທ່ານ Konstantin Vnukov ເອກອັກຄະລັດຖະທູດສະຫະພັນລັດເຊຍປະຈຳຫວຽດນາມໃຫ້ຮູ້ວ່ານັບແຕ່ຊຸມມື້ທຳອິດໃນການປ້ອງກັນ, ສະກັດກັ້ນໂລກລະບາດ, ພາຍໃຕ້ການຊີ້ນຳນຳພາຂອງພັກ, ລັດ, ລັດຖະບານຫວຽດນາມໄດ້ນຳໃຊ້ບັນດາມາດຕະການປ້ອງກັນແລະສະກັດກັ້ນໂລກລະບາດຢ່າງຄົບຊຸດ, ທັນການແລະມີປະສິດທິຜົນ.
 |
| ເຂດແຍກປ່ຽວຢູ່ຫວຽດນາມ. (ພາບ: baoquocte.vn) |
ມື່ອຕີລາຄາກ່ຽວກັບມາດຕະການປ້ອງກັນ, ສະກັດກັ້ນໂລກລະບາດ Covid – 19 ຂອງຫວຽດນາມໃນໄລຍະທີ່ຜ່ານມາ, ທ່ານ Jaime Chomali ເອກອັກຄະລັດຖະທູດຈີເລປະຈຳຫວຽດນາມໃຫ້ຮູ້ວ່າໃນຊຸມວັນທີ່ຜ່ານມາ, ເລື່ອງຫວຽດນາມບໍ່ກວດພົບກໍລະນີຕິດເຊື້ອພະຍາດລາຍໃໝ່ຕື່ມອີກນັ້ນ ໄດ້ຊີ້ໃຫ້ເຫັນວ່າບັນດາຄວາມມານະພະຍາຍາມໃນການປ້ອງກັນ, ສະກັດກັ້ນໂລກລະບາດແຕ່ຂັ້ນສູນກາງລົງຮອດທ້ອງຖິ່ນໄດ້ນຳມາເຊິ່ງໝາກຜົນທີ່ແທດຈິງ.
ທ່ານ Jaime Chomali ຊີ້ແຈ້ງວ່າ, ກ້າວເຂົ້າສູ່ໄລຍະທີ 1 ຂອງການປ້ອງກັນ, ສະກັດກັ້ນໂລກລະບາດ Covid – 19, ບັນດາຄຳຕັດສິນສຳຄັນຄືຄວບຄຸມບັນດາເສັ້ນຊາຍແດນຢ່າງເຂັ້ມງວດ, ປິດຊົ່ວຄາວໂຮງຮຽນແຫ່ງຕ່າງໆ…ໄດ້ຊ່ວຍໃຫ້ຫວຽດນາມຢຸດຕິຈຳນວນຜູ້ຕິດເຊື້ອພະຍາດ Covid – 19 ຢູ່ຕົວເລກທີ່ 16 ໃນໄລຍະຍາວ, ບັນດາການດັດປັບໃນໄລຍະຕໍ່ໄປ, ພິເສດແມ່ນວິທີການແຍກຫ່າງໃນສັງຄົມເຊິ່ງເລີ່ມແຕ່ວັນທີ 1 ເມສາແມ່ນຄຳຕັດສິນທີ່ສຳຄັນປະກອບສ່ວນເຂົ້າໃນຜົນສຳເລັດຂອງການສະກັດກັ້ນການແຜ່ລາມຂອງໂລກລະບາດໃນຊຸມຊົນ. ທ່ານ Jaime Chomali ເຊື່ອໝັ້ນວ່າໃນປີຈະມາເຖິງ ຫວຽດນາມຈະມີການຟື້ນຟູເສດຖະກິດໄດ້ຢ່າງວ່ອງໄວກ່ວາເມື່ອທຽບໃສ່ກັບບັນດາປະເທດອື່ນໆໃນພາກພື້ນ.
ໜັງສືພິມ Standard ຂອງໂອຕາລິດ ໄດ້ລົງພິມບົດວິເຄາະໄຈ້ແຍກດ້ວຍຫົວຂໍ້ວ່າ “ບໍ່ມີກໍລະນີເສຍຊີວິດຍ້ອນໄວຣັດໂຄໂຣນາ ແລະ ມີ 2 ກໍລະນີຕິດໂລກລະບາດໃນເວລາ 11 ວັນ - ຫວຽດນາມ ໄດ້ເປັນແບບຢ່າງໃນການປ້ອງກັນ, ຕ້ານໂລກລະບາດໂຄວິດ- 19”. ບົດຂຽນເນັ້ນໜັກວ່າ, ໂດຍແມ່ນປະເທດພວມພັດທະນາ ແລະ ມີແຫຼ່ງກຳລັງຈຳກັດ ສາມາດຄວບຄຸມໂລກລະບາດໄດ້ເປັນຢ່າງດີ ດ້ວຍບັນດາມາດຕະການທີ່ມີລາຍຈ່າຍຕ່ຳ ແລະ ບໍ່ຕ້ອງນຳໃຊ້ບັນດາມາດຕະການເຕັກ ໂນໂລຊີປິ່ນປົວໃຫ້ສິ້ນເປືອງ. ບົດຂຽນໄດ້ສະຫຼຸບວ່າ, ຮູບແບບການປ້ອງກັນ, ຕ້ານໂລກລະບາດໂຄວິດ- 19 ຂອງຫວຽດນາມ ແມ່ນເປັນໜ້າ ໃຫ້ບັນດາປະເທດຕ່າງໆ, ນັບທັງບັນດາປະເທດພັດທະນາຮ່ຳຮຽນຕາມ ໃນສະພາບໂລກລະບາດໂຄວິດ - 19 ຍັງບໍ່ທັນຄວບຄຸມໄດ້ເທື່ອ.
| ໄລ່ຮອດ ວັນທີ 26 ເມສາ 2020, ຫວຽດນາມ ບໍ່ມີກໍລະນີຕິດໂລກລະບາດໂຄວິດ - 19 ໃໝ່ຕື່ມອີກ. ມີຜູ້ຕິດໂລກລະບາດໂຄວິດ - 19 ຈຳວນ 225 ຄົນໄດ້ຮັບການປິ່ນປົວຫາຍດີເປັນປົກກະຕິ, ກວມເອົາ 83% ຈຳນວນຜູ້ຕິດໂລກລະບາດໂຄວິດ- 19 ຢູ່ຫວຽດນາມ. ປະຈຸບັນ, ຍັງເຫຼືອພຽງ 29 ຄົນທີ່ຍັງຕິດເຊື້ອໄວຣັດ SARS-CoV-2; ໃນນັ້ນ 13 ຄົນໃຫ້ຜົນກວດເປັນລົບ 1 ຄັ້ງ; 3 ຄົນໃຫ້ຜົນກວດເປັນລົບ 2 ຄັ້ງ. 5 ຄົນໃຫ້ຜົນກວດເປັນບວກກັບໄວຣັດ SARS-CoV-2 ຄືນໃໝ່ ແມ່ນສືບຕໍ່ໄດ້ຮັບການປິ່ນປົວຢູ່ໂຮງໝໍແຫ່ງຕ່າງໆ. |
 | ຊາວຫວຽດນາມຢູ່ຕ່າງປະເທດໄດ້ເຜີຍແຜ່ຄວາມເຫັນອົກເຫັນໃຈໃນໄລຍະເກີດການລະບາດຂອງພະຍາດ COVID-19 ຍສໝ -ໃນໄລຍະທີ່ຜ່ານມາ, ໜັງສືພິມສາກົນໄດ້ກ່າວເຖິງພາບພົດຂອງຫວຽດນາມ ແລະ ປະຊາຊົນຫວຽດນາມເປັນແບບຢ່າງໃນການຮັບມືກັບໂລກລະບາດ Covid – 19… |
 | ນາຍພົນທະຫານ ຫວຽດນາມ ໄດ້ກ່າວປະນາມການກະທຳ ຂອງຈີນ ຢູ່ ທະເລຕາເວັນອອກ ຍສໝ - ທ່ານພົນຕີ ຄວັດຢີວຕຽນ, ທ່ານພົນຕີ ຫງວຽນກວກເທືອກ ໄດ້ກ່າວປະນາມການກະທຳຂອງຈີນ ທີ່ເຮັດໃຫ້ສະພາບການເພີ່ມຄວາມສັບສົນ ຢູ່ ທະເລຕາເວັນອອກ ແລະ ພາກພື້ນ ໃນໄລຍະມໍ່ໆມານີ້. |
 | ປະຊາຄົມຊາວຫວຽດນາມຢູ່ Irkutsk ບໍລິຈາກຜ້າອັດປາກ 4.000 ອັນ ໃຫ້ແກ່ຂະບວນການອາສາສະໝັກ ຢູ່ ລັດເຊຍ ຍສໝ - ເມື່ອບໍ່ດົນມານີ້, ຊຸມຊົນຊາວຫວຽດນາມ ຢູ່ ເມືອງ Irkutsk ໄດ້ມອບຜ້າອັດປາກທີ່ສາມາດນຳໃຊ້ໄດ້ຄືນ ຈຳນວນ 4000 ອັນ ໃຫ້ຫ້ອງການບໍລິຫານງານຂະບວນການອາສາສະໝັກ "ພວກເຮົາຮ່ວມກັນ" ຂອງແຂວງ Irkutsk, ລັດເຊຍ. |
ໄຊພອນ
