ຕອນບ່າຍວັນທີ 20 ມີນາ, ຢູ່ຮ່າໂນ້ຍ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ (VUFO) ໄດ້ຈັດພິທີມອບຫຼຽນໄຊທີ່ລະນຶກ “ເພື່ອສັນຕິພາບມິດຕະພາບລະຫວ່າງຊາດ” ໃຫ້ແກ່ທ່ານ Umeda Kunio ເອກອັກຄະລັດຖະທູດຍີ່ປຸ່ນປະຈຳຫວຽດນາມ ເນື່ອງໃນໂອກາດທ່ານສິ້ນສຸດອາຍຸການປະຕິບັດງານຢູ່ ຫວຽດນາມ.
ຕາງໜ້າໃຫ້ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ທ່ານນາງ ຫງວຽນເຟື່ອງຫງາ ໄດ້ມອບຫຼຽນໄຊມິດຕະພາບໃຫ້ແກ່ທ່ານເອກອັກຄະລັດຖະທູດ Umeda Kunio ເຊິ່ງເປັນລາງວັນສູງສຸດສຳລັບເພື່ອນມິດສາກົນ.
 |
ທ່ານນາງ ຫງວຽນເຟື່ອງຫງາ ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ມອບຫຼຽນໄຊໃຫ້ ທ່ານເອກອັກຄະລັດຖະທູດ ຍີ່ປຸ່ນ. (ພາບ: thoidai.com.vn)
ກ່າວຄຳເຫັນທີ່ພິທີມອບຫຼຽນໄຊດັ່ງກ່າວ, ທ່ານນາງ ຫງວຽນເຟື່ອງຫງາ ໄດ້ສະແດງຄວາມຂອບໃຈຢ່າງເລິກເຊິ່ງ ສຳຫຼັບ ທ່ານ Umeda Kunio ເອກອັກຄະລັດຖະທູດຍີ່ປຸ່ນປະຈຳຫວຽດນາມ, ເພື່ອແນໃສ່ ແລະ ເຊີດຊູບັນດາການປະກອບສ່ວນອັນມີຄ່າຂອງທ່ານ ໃນການປັບປຸງ ແລະ ເພີ່ມທະວີຄວາມເຂົ້າອົກເຂົ້າໃຈຊື່ງກັນ ແລະ ກັນ, ການພົວພັນມິດຕະພາບ, ນ້ຳໃຈສາມັກຄີ ແລະ ການຮ່ວມມືລະຫວ່າງປະຊາຊົນສອງປະເທດຫວຽດນາມ ແລະ ຍີ່ປຸ່ນ.
ໃນໄລຍະເວລາ 3 ປີເຄິ່ງທີ່ປະຕິບັດງານຢູ່ຫວຽດນາມ, ທ່ານເອກອັກຄະລັດຖະທູດ Umeda Kunio ຍາມໃດກໍ່ໄດ້ປະກອບສ່ວນຢ່າງຕັ້ງໜ້າທີ່ສຸດ ເຂົ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດເລິກເຊິ່ງກ້ວາງຂວາງລະຫວ່າງ ຫວຽດນາມ ແລະ ຍີ່ປຸ່ນ, ພັດທະນາຮອບດ້ານໃນບັນດາຂົງເຂດການເມືອງ, ການຕ່າງປະເທດ, ການປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການລົງທຶນ… ທ່ານເອກອັກຄະລັດຖະທູດ Umeda Kunio ກໍ່ຕັ້ງໜ້າຊຸກຍູ້ການພົວພັນຮ່ວມມືດ້ານເສດຖະກິດ, ການຄ້າ ລະຫວ່າງບັນດາວິສາຫະກິດ, ທ້ອງຖິ່ນສອງປະເທດ; ຊຸກຍູ້ການປະຕິບັດການຊ່ວຍເຫຼືອຫຼ້າໃຫ້ແກ່ບັນດາໂຄງການອຸປະຖຳຂອງລັດຖະບານຍີ່ປຸ່ນ ຢູ່ບັນດາແຂວງ, ນະຄອນຂອງຫວຽດນາມ.
（ຄຳຮຸ່ງ）
