ຫວຽດນາມ ໄດ້ມີການປະກອບສ່ວນຢ່າງຕັ້ງໜ້າ, ຢັ້ງຢືນບົດບາດຂອງຕົນຢູ່ເວທີປາໄສດ້ານປ້ອງກັນຊາດຫຼາຍຝ່າຍ

ຫວຽດນາມ ໄດ້ມີການປະກອບສ່ວນຢ່າງຕັ້ງໜ້າ, ຢັ້ງຢືນບົດບາດຂອງຕົນຢູ່ເວທີປາໄສດ້ານປ້ອງກັນຊາດຫຼາຍຝ່າຍ

ADMM ແມ່ນເວທີປາໄສເພື່ອໃຫ້ບັນດາປະເທດໄດ້ແບ່ງປັນ, ສະແດງທັດສະນະ ແລະຄວາມເຂົ້າໃຈເຊິ່ງກັນ ແລະກັນແນໃສ່ເພີ່ມທະວີການຮ່ວມມືຢ່າງເລິກເຊິ່ງກວ້າງຂວາງໃນບັນດາຂົງເຂດຢ່າງລະອຽດ. ເປົ້າໝາຍຂອງ ADMM ແມ່ນເພື່ອແນໃສ່ຊ່ວຍໃຫ້ບັນດາປະເທດສະມາຊິກເພີ່ມທະວີການຮ່ວມມື ເພື່ອຮັບມືກັບບັນດາສິ່ງທ້າທາຍຄວາມໝັ້ນຄົງທີ່ພວມເກີດຂຶ້ນຢ່າງມີປະສິດທິຜົນ; ຮັບປະກັນການຮັກສາສະພາບແວດລ້ອມສັນຕິພາບ, ສະຖຽນລະພາບໃນພາກພື້ນຜ່ານການເຈລະຈາ ແລະການຮ່ວມມືດ້ານປ້ອງກັນຊາດ, ປະກອບສ່ວນສ້າງຄວາມເຊື່ອໝັ້ນ, ເພີ່ມທະວີຄວາມສາມັກຄີພາຍໃນອາຊຽນ ເພື່ອພ້ອມກັນສ້າງ APSC.

ADMM ໄດ້ປະກອບສ່ວນສໍາຄັນເຂົ້າໃນການເພີ່ມທະວີຄວາມສາມັກຄີພາຍໃນ, ເສີມຂະຫຍາຍບົດບາດເປັນໃຈກາງ, ຊຸກຍູ້ການຮ່ວມມື, ຮັບມືກັບບັນດາສິ່ງທ້າທາຍຄວາມໝັ້ນຄົງລວມ, ເປັນຕົ້ນແມ່ນສິ່ງທ້າທາຍຄວາມໝັ້ນຄົງທີ່ບໍ່ແມ່ນການທະຫານ, ສະແດງໃຫ້ເຫັນຢ່າງຈະແຈ້ງກຳລັງແຮງພາຍໃນ ແລະຄວາມຕັດສິນໃຈຂອງບັນດາປະເທດອາຊຽນ ໃນການຊຸກຍູ້ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບໃນພາກພື້ນ.

ຜົນສໍາເລັດທີ່ພົ້ນເດັ່ນເປັນໜ້າເວົ້າເຖິງຂອງ ADMM ແມ່ນການສ້າງສໍາເລັດບັນດາພື້ນຖານນິຕິກຳສໍາຄັນຮັບປະກັນໃຫ້ກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນເປີດກວ້າງ (ADMM+) ໄດ້ປະກົດເປັນຈິງ, ຜ່ານນັ້ນສ້າງເງື່ອນໄຂໃຫ້ກອງທັບບັນດາປະເທດອາຊຽນ ມີກາລະໂອກາດຮ່ວມມືກັບກອງທັບບັນດາປະເທດພາຍນອກອາຊຽນ, ຊ່ວຍອາຊຽນ ດຶງດູດ ແລະນໍາໃຊ້ແຫຼ່ງກໍາລັງທັງພາຍໃນ ແລະທັງພາຍນອກເພື່ອແກ້ໄຂບັນດາສິ່ງທ້າທາຍຄວາມໝັ້ນຄົງລວມ.

ຫວຽດນາມ ແມ່ນສະມາຊິກຂອງອາຊຽນ, ໄດ້ເປັນເຈົ້າການເຂົ້າຮ່ວມກົນໄກນີ້ ແລະມີການປະກອບສ່ວນຢ່າງຕັ້ງໜ້າ, ປະກອບສ່ວນສ້າງສັນ, ຮັກສາສະພາບແວດລ້ອມສັນຕິພາບ, ສະຖຽນລະພາບ ແລະຮ່ວມມືືເພື່ອອາຊຽນພັດທະນາວັດທະນາຖາວອນ. ຫວຽດນາມ ໄດ້ມີບັນດາການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ວິວັດທະນາການພັດທະນາຂອງ ADMM ຕາມກົດບັດຂອງອາຊຽນ ແລະສະເໜີບັນດາຂໍ້ລິເລີ່ມໄດ້ຮັບການຕີລາຄາສູງຈາກບັນດາປະເທດ, ປະກອບສ່ວນນໍາເອົາການຮ່ວມມືໃນ ADMM ນັບມື້ນັບເຂົ້າສູ່ແທດຈິງ ແລະມີປະສິດທິຜົນ.

（ໄຊພອນ）