ເຂົ້າຮ່ວມງານບຸນດັ່ງກ່າວ ມີຄະນະຜູ້ແທນຈາກສະຖານທູດ ແລະ ບັນດາອົງການຈັດຕັ້ງອ້ອມຂ້າງສະຖານທູດ; ສະມາຄົມຄົນຫວຽດນາມຢູ່ລາວ; ພະສົງສຳມະເນຫຼາຍຮ້ອຍຄົນ ແລະ ພຸດທະສາສະນິກະຊົນ; ພີ່ນ້ອງຊາວຫວຽດນາມ ທີ່ກຳລັງດໍາລົງຊີວິດ, ສຶກສາ ແລະ ເຮັດວຽກ ຢູ່ ນະຄອນຫລວງວຽງຈັນ ໄດ້ມາເຂົ້າຮ່ວມຢ່າງພ້ອມພຽງ.
 |
ພີ່ນ້ອງຊາວຫວຽດນາມ ຢູ່ລາວໃນງານບຸນໃຫຍ່ວັນວິສາຂະບູຊາ Vesak 2019 ໄດ້ຈັດຂຶ້ນ ຢູ່ ວັດ ບາງລອງ. ພາບ: TTXVN
ເປັນປະທານໃນພິທີ ໂດຍເຈົ້າອາວາດວັດ ຖິກ ຖໍ້ ລ້າກ, ຫົວໜ້າຄະນະວັດທະນະທໍາສູນກາງ ສະມາຄົມພຸດທະສາສະໜາ ຫວຽດນາມ ປະຈຳ ລາວ ໄດ້ສົ່ງຄຳອວຍພອນໃນວັນວິສາຂະບູຊາ ເຖິງບັນດາພະສົງ, ສຳມະເນ, ພຸດທະສາສະນິກະຊົນ, ເປັນພີ່ນ້ອງຊາວຫວຽດນາມ ໃນລາວ.
ຢາຖ່ານ ຖິກ ຖໍ້ ລ້າກ ກ່າວວ່າ: ໃນປີນີ້ ພະສົງສຳມະເນ ແລະ ພຸດທະສາສະນິກະຊົນ ຊຸມຊົນຊາວຫວຽດນາມ ໄດ້ສະເຫລີມສະຫລອງວັນວິສາຂະບູຊາ Vesak 2019 ດ້ວຍຄວາມປາບປຶ້ມໃຈ ຍ້ອນ ສະມາຄົມພຸດທະສາສະ ໜາຫວຽດນາມ ເປັນກຽດໄດ້ຮັບເປັນເຈົ້າພາບການຈັດງານບຸນໃຫຍ່ ວັນວິສາຂະບູຊາ Vesak 2019 ຄັ້ງທີ 16 (ປະຕິທິນ ພະພຸດທະເຈົ້າ 2562) ແລະ ດຳເນີນໄປດ້ວຍຄວາມສຳເລັດຢ່າງຈົບງາມ.
 |
ພະເຖລານຸເຖລະ ແລະ ພຸດທະສາສະນິກະຊົນ ປະຕິບັດພິທີໂຜດສັດ. ພາບ: TTXVN
ໃນໂອກາດນີ້, ຢາຖ່ານ ຖິກ ຖໍ້ ລ້າກ ໄດ້ຮຽກຮ້ອງມາຍັງພີ່ນ້ອງຊາວຫວຽດນາມ ຢູ່ລາວ ຕ້ອງໄດ້ເພີ່ມຄວາມສາມັກຄີ, ຊ່ວຍເຫຼືອກັນ, ປະຕິບັດຕາມກົດຫມາຍຂອງປະເທດ ລາວ ແລະຢັ້ງຢືນວ່າ ບົດບາດຂອງ ວັດ ບາງລອງ ເປັນບ່ອນທີ່ປະຊາຊົນສາມາດປະຕິບັດຄວາມເຊື່ອ, ຄວາມສັດທາ, ເຫຼື້ອມໃສ ແລະ ຮັກສາມູນເຊື້ອຮີດປະເພນີອັນດີງາມ ເພື່ອສືບຕໍ່ສົ່ງເສີມບົດບາດຂອງຕົນ ເປັນຂົວຕໍ່ໃຫ້ແກ່ການພົວພັນພິເສດ ລະຫວ່າງ ຫວຽດນາມ ແລະ ລາວ.
ງານບຸນໃຫຍ່ວັນວິສາຂະບູຊາ ເປັນເຫດການທີ່ສັກສິດຕິດພັນກັບຊີວິດຂອງພະພຸດທະເຈົ້າ, ພ້ອມກັນນັ້ນ ກໍ່ແມ່ນໂອກາດ ດີສໍາລັບພີ່ນ້ອງຊາວຫວຽດນາມ ຢູ່ລາວ ຈະໄດ້ພົບປະ, ແລກປ່ຽນ, ແບ່ງປັນ ແລະ ຊ່ວຍເຫຼືອເຊິ່ງກັນ ແລະ ກັນ ,ສະແດງຄວາມສາມັກຄີຕໍ່ບ້ານເກີດເມືອງນອນ.
（ຄຳຮຸ່ງ）
