| ປະຊາຄົມຊາວ ຫວຽດນາມ ແມ່ນຂົວເຊື່ອມຕໍ່ສຳຄັນໃຫ້ແກ່ສາຍພົວພັນມິດຕະພາບທີ່ເປັນມູນເຊື້ອ ຫວຽດນາມ - ສ.ເຊັກໂກ | |
| ບຸນເຂົ້າປະດັບດິນ - ຮັກສາຈຸດວັດທະນະທຳອັນດີງາມຂອງຊາວ ຫວຽດນາມ ຢູ່ ສ.ເຊັກໂກ |
ດ້ວຍຫຼັກທໍາ “ກິນເຂົ້າຄິດຮອດຄຸນນາ ກິນປາຄິດຮອດຄຸນນໍ້າ”; ດ້ວຍນ້ຳໃຈທີ່ເຄົາລົບນັບຖື ແລະ ຮູ້ບຸນຄຸນບັນພະບຸລຸດ ຫວູໂຮ່ນ, ຄະນະປະສານງານຂອງຕະກຸນ ຫວູ-ຫວໍ ຫວຽດນາມ ຢູ່ ສ.ເຊັກໂກ ແລະ ຊາວຫວຽດນາມຢູ່ຕ່າງປະເທດນັບຮ້ອຍຄົນໄດ້ເຕົ້າໂຮມກັນຢູ່ Prague, ສ. ເຊັກໂກ ເພື່ອເຂົ້າຮ່ວມງານບຸນໃຫຍ່ ແລະ ພົບປະແລກປ່ຽນ ເພື່ອພ້ອມກັນອວ່າຍເມືອຫາກົກເຄົ້າເຫງົ້າກໍ, ສະແດງຄວາມຮູ້ບຸນຄຸນບັນພະບຸລຸດ, ພ້ອມທັງເປັນການສ້າງແຮງໃຈເພື່ອຮັກສາວັດທະນະທຳທີ່ເປັນມູນເຊື້ອອັນດີງາມໃຫ້ແກ່ລູກຫຼານ. ໂດຍເຂົ້າຮ່ວມງານບຸນໃຫຍ່ມີທ່ານເອກອັກຄະລັດຖະທູດ ທ໋າຍຊວນຢູງ, ການນຳສະມາຄົມຊາວ ຫວຽດນາມ ປະຈຳ ສ.ເຊັກໂກ, ສະຫະພັນຊາວຫວຽດນາມ ປະຈຳ ເອີລົບ ແລະ ຜູ້ຕາງໜ້າບັນດາສະມາຄົມຊາວ ຫວຽດນາມ ທີ່ມາຈາກບັນດາປະເທດທີ່ໃກ້ຄຽງ ເອີລົບ.
 |
| (ພາບ: VOV) |
ງານບຸນໃຫຍ່ຂອງຕະກຸນ ຫວູ - ຫວໍ ຫວຽດນາມ ແມ່ນເຫດການສຳຄັນໃນຊີວິດຄວາມເຊື່ອຖືຊາວຫວຽດນາມຢູ່ຕ່າງປະເທດ; ເຊິ່ງເປັນພິທີກຳທີ່ສັກສິດ ແລະ ມີຄວາມໝາຍເມດຕາຈິດຢ່າງເລິກ, ເຊື່ອມຕໍ່ນໍ້າໃຈຂອງບັນດາຜູ້ທີ່ມີສາຍເລືອດດຽວກັນ, ລູກຫຼານອວ່າຍເມືອຫາກົກເຄົ້າເຫງົ້າກໍ, ພ້ອມກັນສາມັກຄີ, ເຊີດຊູ ແລະ ເສີມຂະຫຍາຍວັດທະນະທຳທີ່ເປັນມູນເຊື້ອອັນດີງາມຂອງຊາດ, ມຸ່ງໄປເຖິງສູ່ບ້ານເກີດເມືອງນອນຂອງຫວຽດນາມ.
ທີ່ພິທີ, ລູກຫລານຂອງຕະກຸນ ຫວູ-ຫວໍ ໄດ້ຫວນຄືນມູນເຊື້ອອັນສະຫງ່າອົງອາດຂອງຕະກຸນໃນຫລາຍປີຜ່ານມາ ກ່ຽວກັບຄວາມຮັກຮຽນ, ພູມປັນຍາ ແລະ ບັນດາການປະກອບສ່ວນໃນການສ້າງປະຫວັດສາດອັນສະຫງ່າລາສີຂອງຫວຽດນາມ. ບັນດາລຸ້ນຄົນຫວຽດນາມຢູ່ຕ່າງປະເທດ ກໍໄດ້ເຂົ້າຮ່ວມບັນດາການເຄື່ອນໄຫວວັດທະນະທຳ, ຄວາມເຊື່ອຖື ເພື່ອລະນຶກເຖິງຄຸນງາມຄວາມດີຂອງບັນດາບັນພະບຸລຸດ. ຜູ້ແທນຄະນະປະສານງານຂອງຕະກຸນ ຫວູ - ຫວູ ຫວຽດນາມ ແລະ ບັນດາຍາດຕິພີ່ນ້ອງໄດ້ຈັດພິທີ, ຖະຫວາຍທູບທຽນ ເພື່ອສະແດງຄວາມເຄົາລົບນັບຖື ແລະ ລະລຶກເຖິງບຸນຄຸນອັນຍິ່ງໃຫຍ່ຂອງບັນພະບູລຸດ ຫວູໂຮ່ນ.
 |
| (ພາບ: VOV) |
ບັນດາລຸ້ນລູກຫຼານໄດ້ຂະຫຍາຍອອກໄປທົ່ວໂລກ, ສ່ອງແສງເຖິງມູນເຊື້ອເຄົາລົບນັບຖືຄູບາອາຈານ, ຮັກການຮຽນ, ກິນເຂົ້າຄິດຮອດຄຸນນາ ກິນປາຄິດຮອດຄຸນນໍ້າ, ຖືເອົານ້ຳໃຈ ແລະ ສະຕິປັນຍາເປັນຫຼັກແຫຼ່ງ. ພາຍຫຼັງ 2 ປີທີ່ຕ້ອງຢຸດຊົ່ວຄາວຍ້ອນໂລກລະບາດ, ນີ້ແມ່ນຄັ້ງທີ 3 ທີ່ສະມາຊິກໃນຕະກຸນ ຫວູ - ຫວໍ ມີໂອກາດມາເຕົ້າໂຮມກັນເພື່ອຈາລຶກບຸນຄຸນບັນພະບຸລຸດ ແລະ ຈູດໄຟມູນເຊື້ອອັນລ້ຳຄ່າຂອງຕະກຸນໃຫ້ບັນດາລຸ້ນຕໍ່ໄປ.
 |
| (ພາບ: VOV) |
ທ່ານ ຫວູແອງຢູງ, ຜູ້ຕາງໜ້າຄະນະຈັດຕັ້ງໃຫ້ຮູ້ວ່າ: ການພົບປະຂອງບັນດາລູກຫຼານທີ່ຢູ່ໄກບ້ານແມ່ນໂອກາດເພື່ອໃຫ້ແຕ່ລະຄົນໄດ້ຫວນຄືນມູນເຊື້ອຕົ້ນກໍາເນີດ, ຜ່ານນັ້ນ ກໍເພື່ອເຜີຍແຜ່ນໍ້າໃຈຮັກບ້ານເກີດເມືອງນອນຂອງຊາວຫວຽດນາມຢູ່ຕ່າງປະເທດເວົ້າລວມ, ໃນຕະກຸນເວົ້າສະເພາະ; ຮັກສາຮີດຄອງປະເພນີວັດທະນະທຳຂອງຊາດ ກໍຄືສືບຕໍ່ຄວາມສາມັກຄີ, ຊ່ວຍເຫຼືອເຊິ່ງກັນແລະກັນ ໃນບັນດາການເຄື່ອນໄຫວຜະລິດ, ເຮັດທຸລະກິດ ແລະ ຮັກສາວັດທະນະທຳຮີດຄອງປະເພນີໃຫ້ແກ່ຄົນລຸ້ນຕໍ່ໄປ.
ເນື່ອງໃນໂອກາດນີ້, ຊາວຫວຽດນາມອາໄສຢູ່ຕ່າງປະເທດກໍໄດ້ສະແດງບັນດາລາຍການວັດທະນະທຳປະຈຳຊາດພິເສດ ເພື່ອສະແດງຄວາມຂອບອົກຂອບໃຈຕໍ່ບັນພະບຸລຸດ, ເພື່ອຊ່ວຍໃຫ້ລຸ້ນໜຸ່ມເຂົ້າໃຈກວ່າກ່ຽວກັບຄວາມຫຼາກຫຼາຍໃນດ້ານວັດທະນະທຳຂອງຫວຽດນາມ ກໍຄືມີບັນດາການເຄື່ອນໄຫວລະດົມທຶນໃຫ້ກອງທຶນສົ່ງເສືມການສຶກສາ.
ຫອມມາລາ
