ເຂົ້າຮ່ວມ ມີ ທີ່ປຶກສາທູດດ້ານການຕ່າງປະເທດ ຫວຽດນາມ ຫງວຽນ ແທ່ງ ຕູ່ງ; ຕາງຫນ້າຂອງພະນັກງານ ອົງການຕ່າງຂອງຫວຽດນາມ ຢູ່ ລາວ; ຕາງຫນ້າ ພັກ, ສະຫະພັນ, ອົງການ ປົກຄອງແຂວງຄໍາມ່ວນ; ສະມາຄົມສູນກາງມິດຕະພາບລາວ - ຫວຽດນາມ; ວິສາຫະກິດຫວຽດນາມ ທີ່ຮ່ວມມື ແລະ ລົງທຶນໃນລາວ; ພ້ອມກັບພີ່ນ້ອງຊາວ ຫວຽດນາມຢູ່ລາວ.
ໃນພິທີດັ່ງກ່າວ, ຄະນະຜູ້ແທນໄດ້ສະແດງຄວາມເຄົາລົບນັບຖື ແລະ ຄວາມຮູ້ບຸນຄຸນຢ່າງໃຫຍ່ຫຼວງ ຂອງປະທານ ໂຮ່ ຈີ໋ ມິງ, ຜູ້ນໍາທີ່ຍິ່ງໃຫຍ່ ແລະ ຮັກແພງຂອງພັກ ແລະ ປະຊາຊົນຫວຽດນາມ.
ທ່ານ ຫງວຽນ ແທ່ງ ຕູ່ງ ໄດ້ຢັ້ງຢືນວ່າ, ສອງປະເທດຫວຽດນາມ ແລະ ລາວ ມີມູນເຊື້ອສາຍພົວພັນມາດົນນານ, ປະຊາຊົນສອງປະເທດຫວຽດນາມ–ລາວຍາມໃດກໍ່ຕໍ່ສູ້ຄຽງບ່າຄຽງໄຫຼ່ກັນ, ຮ່ວມສຸກ ແລະ ຮ່ວມທຸກນຳກັນ. ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ລະຫວ່າງ ຫວຽດນາມ - ລາວ ໂດຍທ່ານປະທານ ໂຮ່ ຈິ໋ ມິງ, ປະທານ ໄກສອນ ພົມວິຫານ ແລະ ປະທານ ສູພານູວົງ ໄດ້ສ້າງຮາກພື້ນຖານ, ໄດ້ຮັບການເພີ່ມພູນຄູນສ້າງ ແລະ ກາຍເປັນຊັບສົມບັດອັນລ້ຳຄ່າຂອງສອງປະເທດ.
ທ່ານ ຫງວຽນ ແທ່ງ ຕູ່ງ ກໍ່ໃຫ້ຮູ້ວ່າ ປະຊາຊົນຫວຽດນາມ ສະໝັກໃຈປະຕິບັດຕາມຄໍາສອນຂອງປະທານ ໂຮ່ ຈີ໋ ມິງ ເພື່ອປະກອບສ່ວນເຂົ້າໃນການປົກປັກຮັກສາ ແລະ ເສີມສ້າງໃຫ້ ສາຍພົວພັນມິດຕະພາບ ລາວ-ຫວຽນາມ ຈະໝັ້ນຄົງທະນົງແກ່ນຊົວກາລະນານ.
 |
ທ່ານ ຫງວຽນ ແທ່ງ ຕູ່ງ ກ່າວຄຳປາໄສໃນເຫດການ. ພາບ: baonhandan
ສະຫາຍ ສາຍຂອງ ສາຍນະສິນ ຮອງປະທານສະມາຄົມສູນກາງມິດຕະພາບລາວ - ຫວຽດນາມ ຢັ້ງຢືນວ່າ ປະທານ ໂຮ່ ຈີ໋ ມິງ ເປັນຜູ້ນໍາທີ່ດີເລີດ, ເປັນນັກເຄື່ອນໄຫວປະຕິວັດ, ເປັນສັນຍະລັກຂອງການປະຕິວັດປົດປ່ອຍຊາດ, ເປັນເພື່ອນ, ເປັນສະຫາຍທີ່ໃກ້ຊິດກັບປະຊາຊົນລາວ. ທ່ານປະທານ ໂຮ່ ຈີ໋ ມິງ ໄດ້ສົ່ງເສີມສາຍພົວພັນລະຫວ່າງ ລາວ-ຫວຽດນາມ ໃຫ້ກາຍເປັນສາຍພົວພັນຍິ່ງໃຫຍ່ ແລະ ຄວາມສາມັກຄີພິເສດ ທີ່ບໍ່ສາມາດພົບເຫັນໄດ້ໃນທົ່ວໂລກ.
 |
ທ່ານ ສາຍຂອງ ສາຍນະສິນ ກ່າວຄຳປາໄສໃນເຫດການ. (ພາບ: baonhandan)
ທ່ານ ສາຍຂອງ ສາຍນະສິນ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງ ຕໍ່ກັບຄຸນງາມຄວາມດີ ຂອງ ປະທານ ໂຮ່ ຈີ໋ ມິງ ແລະ ພັກ, ລັດຖະບານຫວຽດນາມອ້າຍນ້ອງ ເຊິ່ງໄດ້ສະຫນັບສະຫນູນໃຫ້ປະຊາຊົນລາວ ຫຼາຍດ້ານ, ຢ່າງມີປະສິດຕິຜົນ ແລະ ການຊ່ວຍເຫຼືອຢ່າງສຸດອົກສຸດໃຈ ໃນການຕໍ່ສູ້ເພື່ອເອກະລາດ ໃນສະໄໝກ່ອນ, ແລະ ໃນການປົກປັກຮັກສາ ແລະ ພັດທະນາປະເທດຊາດ ປະຈຸບັນນີ້.
（ຄຳຮຸ່ງ）
