ບັນດາຄູອາຈານ ມະຫາວິທະຍາໄລ ກຳມະບານຫວຽດນາມ ໄດ້ຖ່າຍທອດກໍ່ຄືສິດສອນ ບັນດາຫົວຂໍ້ຕ່າງໆ ໃຫ້ແກ່ບັນດານັກສຳມະນາກອນ: ບົດສັງຫຍໍ້ ກ່ຽວກັບ ກຳມະບານ ແລະ ພາລະບົດບາດ ກຳມະບານ ຂອງພື້ນຖານເສດຖະກິດ-ການຕະຫຼາດ ຕາມທິດທາງ ສັງຄົມນິຍົມ; ປະທານກຳມະບານ ຂັ້ນສູງຊີ້ນຳຮາກຖານໂດຍກົງ, ຈັດຕັ້ງປະຕິບັດວຽກງານຈັດຕັ້ງພະນັກງານ, ພັດທະນາສະມາຊິກກຳມະບານ, ກໍ່ສ້າງສະຫະພັນກຳມະບານຮາກຖານ ໃຫ້ເຂັ້ມແຂງ.
 |
ກອງປະຊຸມກ່ຽວກັບການຝຶກອົບຮົມ ແລະ ການແລກປ່ຽນວິຊາກຳມະບານ ສໍາລັບພະນັກງານຂອງສະຫະພັນ 4 ແຂວງຂອງລາວ. (ພາບ: baosonla.org.vn)
ນອກຈາກນັ້ນ, ປະທານຂອງສະຫະພັນກຳມະບານ 4 ແຂວງໃນລາວ ແລະ ສະຫະພັນກຳມະບານຂອງແຂວງ ເຊີນລາ, ມະຫາວິທະຍາໄລ ກຳມະບານ ໄດ້ແລກປ່ຽນກ່ຽວກັບວິຊາການຈັດຕັ້ງບັນດາກິດຈະກໍາຂອງສະຫະພັນ ແລະ ຂະບວນການຂອງ ກຳມະກອນ, ລັດຖະກອນ; ການພັດທະນາຂອງສະມາຊິກສະຫະພັນ ແລະ ການກໍ່ສ້າງສະຫະພັນໃນບັນດາວິສາຫະກິດທີ່ບໍ່ແມ່ນຂອງລັດ.
ຜ່ານການຝຶກອົບຮົມໃນຄັ້ງນີ້, ແມ່ນສາມາດ ພະນັກງານສະຫະພັນກຳມະບານ 4 ແຂວງຂອງລາວ ໄດ້ມີຄວາມຮູ້ພື້ນຖານກ່ຽວກັບ ບົດບາດຂອງສະຫະພັນກຳມະບານໃນລະບົບການເມືອງ, ໂດຍສະເພາະ ເພື່ອຮັກສາສາຍພົວພັນ ລະຫວ່າງພັກ - ລັດ - ກຳມະບານ ; ຍົກສູງຄຸນທາດຂອງສິດເປັນເຈົ້າຂອງປະເທດ ຂອງຊາວຜູ້ອອກແຮງງານ ກໍ່ຄືຊົນຊັ້ນກຳມະຊີບ. ພ້ອມກັນນັ້ນ ກໍ່ເຮັດໃຫ້ພະນັກງານກຳມະບານ ຂອງ ລາວ ມີຄວາມຮູ້ພື້ນຖານກ່ຽວກັບ ວິຊາສະເພາະດ້ານວຽກງານຈັດຕັ້ງພະນັກງານ; ພັດທະນາສະມາຊິກ ແລະ ກໍ່ສ້າງສະຫະພັນກຳມະບານຮາກຖານເຂັ້ມແຂງ...
（ຄຳຮຸ່ງ）
