ວັນທີ 11 ເດືອນຕຸລາ, ຢູ່ສະຖາບັນຊາວໜຸ່ມປະຊາຊົນ ຫວຽດນາມ, ຄະນະສູນກາງຊາວໜຸ່ມກອມມູນິດໂຮ່ຈິມິນ ໄດ້ຈັດພິທີປິດຊຸດຝຶກອົບຮົມວິຊາຊີບ, ວິທີເຮັດວຽກຊາວໜຸ່ມ ໃຫ້ແກ່ພະນັກງານສະຫະພັນຊາວ ໜຸ່ມປະຊາຊົນປະຕິວັດ ລາວ.
ເຂົ້າຮ່ວມຊຸດຝຶກອົບຮົມວິຊາຊີບ, ວິທີເຮັດວຽກຊາວໜຸ່ມ ທີ່ມີນັກຮຽນ ຈຳນວນ 49 ຄົນ, ອາຍຸສະເລ່ຍແມ່ນ 35 ປີມາຈາກ 18 ແຂວງ / ນະຄອນ ແລະ ບາງກົມ, ກະຊວງເຊັ່ນ: ຄະນະຈັດຕັ້ງສູນກາງ, ຄະນະໂຄສະນາສຶກສາສູນກາງ, ສະພາແຫ່ງຊາດ, ກະຊວງກະສິກຳ ແລະ ປ່າໄມ້, ກະຊວງຄົມມະນາຄົມຂົນສົ່ງ ແລະ ສູນກາງຊາວໜຸ່ມປະຊາຊົນປະຕິວັດ ລາວ...
 |
ບັນດາສຳມະນາກອນ ໄດ້ຮັບໃບປະກາດຊຸດຮຽນ. (ພາບ: dangcongsan.vn)
ໃນໄລຍະການຝຶກອົບຮົມ, ສຳມະນາກອນໄດ້ເຂົ້າຮ່ວມໃນການຮຽນຮູ້ ແລະ ແລກປ່ຽນ ໃນ 4 ກຸ່ມຄວາມຮູ້ພື້ນຖານ ເຊັ່ນວ່າ: ແນວທາງພັດທະນາເສດຖະກິດ - ສັງຄົມຂອງພັກກອມມູນິດຫວຽດນາມ; ຮຽນພາສາຫວຽດ; ພາບລວມຂອງລະບົບການເມືອງຢູ່ຫວຽດນາມ; ແນວຄິດໂຮ່ຈີມິນກ່ຽວກັບການສຶກສາ ແລະ ສົ່ງເສີມຮຸ່ນໜຸ່ມ, ທັດສະນະຂອງພັກກອມມູນິດຫວຽດນາມຕໍ່ຊາວໜຸ່ມ; ວຽກງານຈັດຕັ້ງຂອງຄະນະຊາວໜຸ່ມ ແລະ ການກວດກາ, ຊີ້ນຳຂອງຄະນະຊາວໜຸ່ມກອມມູນິດ ໂຮ່ຈິມິນ…
ກ່າວຄຳເຫັນທີ່ພິທີ, ທ່ານເລຂາຄະນະຊາວໜູ່ມສູນກາງ, ປະທານສະມາຄົມນັກສຶກສາຫວຽດນາມ ບູຍກວາງຮູຍ ເຊື່ອໝັ້ນວ່າໃນໄລຍະຈະມາເຖິງ, ສະຫະພັນຊາວໜຸ່ມປະຊາຊົນປະຕິວັດ ລາວ ແລະ ສະຫະພັນຊາວໜຸ່ມກອມມູນິດ ໂຮ່ຈີມິນ ຈະສືບຕໍ່ເປີດກວ້າງການຮ່ວມມືຢ່າງກວ້າງຂວາງ ໃນຫລາຍຂົງເຂດ, ເພີ່ມທະວີການແລກປ່ຽນວຽກງານເຍົາວະຊົນຕື່ມອີກ; ເພື່ອໃຫ້ພະນັກງານຂອງຄະນະຊາວໜຸ່ມ ແລະ ສອງປະເທດຫວຽດນາມ ແລະ ລາວ ມີໂອກາດແລກປ່ຽນ, ຮຽນຮູ້ເຊິ່ງກັນ ແລະ ກັນ, ຍົກລະດັບຄວາມຮູ້ ແລະ ຮັດແໜ້ນສາຍພົວພັນມິດຕະພາບ, ຄວາມສາມັກຄີລະຫວ່າງສອງປະເທດ ແລະ ປະຊາຊົນສອງຊາດ. ທ່ານເລຂາຄະນະຊາວໜູ່ມສູນກາງ, ປະທານສະມາຄົມນັກສຶກສາຫວຽດນາມ ບູຍກວາງຮູຍ ຫວັງວ່າ, ດ້ວຍຄວາມຮູ້ ແລະ ປະສົບການທີ່ໄດ້ຮັບໃນຫຼັກສູດ, ຫຼັງຈາກກັບເມືອປະເທດ, ນັກຮຽນຈະນຳໃຊ້ເຂົ້າໃນວຽກງານຕົວຈິງຢ່າງປະດິດສ້າງ, ຍົກສູງຄຸນນະພາບ ແລະ ປະສິດທິຜົນຂອງວຽກງານສະຫະພັນຊາວໜຸ່ມ, ປະກອບສ່ວນເຂົ້າໃນຜົນສຳເລັດຂອງຂະບວນການປ່ຽນແປງໃໝ່ ຂອງປະເທດລາວ.
（ຄຳຮຸ່ງ）
