 |
ທ່ານ ນາຍົກລັດຖະມົນຕີ ຫວຽດນາມ ຫງວຽນ ຊວນ ຟຸກ ແລະ ທ່ານ ນາຍົກລັດຖະມົນຕີ ລາວ ທອງລຸນ ສີສຸລິດ (ພາບ:VGP/ກວາງຫ໋ຽວ)
ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນ ຊວນ ຟຸກ ໄດ້ຊີ້ແຈ້ງວ່າ: ລັດຖະບານ, ກະຊວງ, ຂະແໜງການຂັ້ນຕ່າງໆຂອງສອງປະເທດ ພວມຕັ້ງໜ້າປະຕິບັດຂໍ້ຕົົກລົງສະບັບຕ່າງໆ ເຊິ່ງກົມການເມືອງສອງປະເທດໄດ້ວາງອອກ. ໃນນັ້ນ, ມີບັນດາຂົງເຂດ ແລະ ວຽກງານສໍາຄັນຫຼາຍຢ່າງບັນລຸໄດ້ຜົນງານຢ່າງຕັ້ງໜ້າ. ພ້ອມກັນນັ້ນ, ທ່ານນາຍົກລັດຖະມົນຕີ ຫງວຽນ ຊວນ ຟຸກ ກໍ່ໄດ້ຖືວ່າ: ປັດຈຸບັນ, ສອງປະເທດພວມຊຸກຍູ້ການພົວພັນຮ່ວມມືໃນຫຼາຍຂົງເຂດ, ໂດຍສະເພາະແມ່ນບັນດາກິດຈະກໍາພື້ນຖານໂຄງລ່າງສໍາຄັນ ເປັນຕົ້ນຄື: ທ່າກໍ່າປັ່ນ ຫວຸງອ໋າງ, ເສັ້ນທາງດ່ວນວຽງຈັນ - ຮ່າໂນ້ຍ... ທ່ານນາຍົກລັດຖະມົນຕີ ຫງວຽນ ຊວນ ຟຸກ ໄດ້ຢັ້ງຢືນວ່າ: ຫວຽດນາມ ຍາມໃດກໍມານະພະຍາຍາມຈົນສຸດຄວາມສາມາດຂອງຕົນ ເພື່ອເພີ່ມທະວີການຮ່ວມມືກັບລາວ; ຊ່ວຍເຫຼືອປະຊາຊົນລາວອ້າຍນ້ອງໃນພາລະກິດພັດທະນາປະເທດຊາດ.
ສ່ວນ ທ່ານ ນາຍົກລັດຖະມົນຕີ ລາວ ທອງລຸນ ສີສຸລິດ ໄດ້ຕີລາຄາສູງເລື່ອງສົ່ງເສີມຜັນຂະຫຍາຍບັນດາໂຄງການເຊື່ອມຕໍ່ທາງຄົມມະນາຄົມລະຫວ່າງສອງປະເທດຄື ເສັ້ນທາງດ່ວນ ວຽງຈັນ - ຮ່າໂນ້ຍ, ເສັ້ນທາງລົດໄຟ ຮ່າຕິ້ງ - ຄໍາມ່ວນ ແມ່ນມີຄວາມໝາຍສໍາຄັນ ໃນການຊຸກຍຍູ້ການແລກປ່ຽນການຄ້າລະຫວ່່າງສອງປະເທດ ກໍຄື ໃນແລວເສດຖະກິດ ຕາເວັນອອກ - ຕາເວັນຕົກ.
ນາຍົກລັດຖະມົນຕີສອງທ່ານ ກໍ່ໄດ້ເນັ້ນໜັກເປັນພິເສດເຖິງຄວາມຕັດສິນໃນການຊຸກຍູ້, ນໍາວົງເງິນການຄ້າສອງຝ່າຍເພີ່ມຂຶ້ນຢ່າງແຮງ, ສ້າງບາດກ້າວບຸກທະລຸໃນໄລຍະຈະມາເຖິງ.
（ໄຊພອນ）
