 |
ທ່ານເລຂາທິການໃຫຍ່ ແຫ່ງ ສປປ ລາວ ບຸນຍົງ ວໍລະຈິດ ໃຫ້ກຽດຕ້ອນຮັບ ທ່ານ ເຈີ່ນກ໋ວກ ເວື້ອງ ກຳມະການກົມການເມືອງ ຜູ້ປະຈຳການຄະນະເລຂາສູນກາງພັກກອມມູນິດຫວຽດນາມ.
ທ່ານ ເຈີ່ນກ໋ວກ ເວື້ອງ ຕີລາຄາສູງຜົນສຳເລັດຂອງການຮ່ວມມື ຫວຽດນາມ-ລາວ ນັບມື້ນັບພັດທະນາ ເຂົ້າສູ່ລວງເລິກ, ປະກົດຜົນເປັນຈິງ ແລະ ມີປະສິດທິຜົນ ໃນທຸກໆຂົງເຂດ. ທ່ານ ເຈີ່ນກ໋ວກ ເວື້ອງ ຢັ້ນຢືນວ່າ ຫວຽດນາມ ຈະເຮັດຈົນສຸດຄວາມສາມາດຮ່ວມກັບ ສປປ ລາວ ເພື່ອຮັກສາ, ເສີມສ້າງ, ເຮັດໃຫ້ເລິກເຊິ່ງຕື່ມອີກ ແລະ ສືບທອດໄປຍັງຄົນລຸ້ນຫຼັງ ກ່ຽວກັບສາຍພົວພັນ ສາມັກຄີພິເສດ ຫວຽດນາມ-ລາວ.
ທ່ານເລຂາທິການໃຫຍ່ ແຫ່ງ ສປປ ລາວ ບຸນຍົງ ວໍລະຈິດ ສະແດງຄວາມເຊື່ອໝັ້ນ ວ່າພາຍໃຕ້ການນຳຂອງພັກຄອມມູນິດຫວຽດນາມ, ປະຊາຊົນຫວຽດນາມ ສືບຕໍ່ປະສົບຜົນສຳເລັດໃໝ່, ຍິ່ງໃຫຍ່ກວ່າເກົ່າ ໃນຂະບວນການປ່ຽນແປງໃໝ່, ສູ້ຊົນນຳຫວຽດນາມກາຍເປັນປະເທດອຸດສາຫະກຳພື້ນຖານ ແລະ ທັນສະໄໝ.
 |
 |
ການເຊັນບົດບັນທືກຊ່ວຍຈຳ ລະຫວ່າງ ກະຊວງ ກໍ່ສ້າງ ຫວຽດນາມ ກັບ ກະຊວງ ຄົມມະນາຄົມ ແລະ ຂົນສົ່ງ ລາວ.
ໃນວັນດຽວກັນ ຄະນະຜູ້ແທນຂັ້ນສູງຂອງ ຫວຽດນາມ ກໍ່ໄດ້ມີການປືກສາຫາລືກັບ ຄະນະຜູ້ແທນຂັ້ນສູງຂອງ ລາວ ນຳໂດຍ ທ່ານ ພັນຄຳ ວິພາວັນ . ພາຍຫຼັງສຳເລັດການພົບປະປືກສາຫາລື ທ່ານ ເຈີ່ນກ໋ວກ ເວື້ອງ ແລະ ທ່ານ ພັນຄຳ ວິພາວັນ ໄດ້ຮ່ວມເປັນສັກຂີພະຍານການເຊັນບົດບັນທືກຊ່ວຍຈຳ ລະຫວ່າງ ກະຊວງ ກໍ່ສ້າງ ຫວຽດນາມ ກັບ ກະຊວງ ໂຍທາທິການ ແລະ ຂົນສົ່ງ ລາວ.
ໃນບົດບັນທຶກດັ່ງກ່າວ, ທັງສອງຝ່າຍ ໄດ້ຕົກລົງຮ່ວມມືກັນ ຊຸກຍູ້ໂຄງການກໍ່ສ້າງສະພາແຫ່ງຊາດ ຂອງ ສປປ ລາວ ໃຫ້ປະຕິບັດ ໄດ້ຕາມແຜນການທີ່ວາງໄວ້, ຮ່ວມມືກັນໃນຂົງເຂດຄຸ້ມຄອງລັດ ໂດຍສະເພາະແມ່ນຂົງ ເຂດວຽກ ງານກໍ່ສ້າງ, ວາງແຜນຜັງຕົວ ເມືອງ ແລະ ຮ່ວມມືໃນຂົງເຂດພັດທະນາບຸກຄະລາກອນ, ຮ່ວມກັນຄົ້ນຄວ້າເພື່ອສ້າງເງື່ອນໄຂ ອຳນວຍຄວາມສະດວກ ໂດຍສະ ເພາະກ່ຽວກັບຂັ້ນຕອນ ລະບຽບການໃນຂົງເຂດການຮ່ວມມື ແລະ ລົງທຶນໃນການກໍ່ສ້າງ, ຊຸກຍູ້ການ ຮ່ວມມືຂອງສອງກະຊວງ ເຂົ້າໃນແຜນການຮ່ວມມືປະຈຳປີ ຂອງຄະນະຮ່ວມມືທະວິພາຄີ ລະຫວ່າງສອງລັດຖະບານ ລາວ-ຫວຽດນາມ, ຫວຽດນາມ-ລາວ ເພື່ອຈັດຕັ້ງຜັນຂະຫຍາຍ.
（ຫັດທະບູນ）
