ການພົບປະນອກຮອບຂອງກອງປະຊຸມ ການຕ່າງປະເທດ ASEAN 51 ແລະ ບັນດາກອງປະຊຸມກ່ຽວຂ້ອງກັບເວທີເສວະນາ ຢູ່ ສິງກະໂປ, ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ໄດ້ມີການພົບປະນອກຮອບກັບ ລັດຖະມົນຕີກະຊວງການຕ່າງປະເທດ ສະເຫຼີມໄຊ ກົມມະສິດ. ທັງສອງເຫັນດີເປັນເອກກະພາບຮ່ວມກັນແບ່ງປັນ ທັດສະນະລວມ ຢູ່ເວທີສອງຝ່າຍ ແລະ ຫຼາຍຝ່າຍ, ຊຸກຍູ້ສາຍພົວພັນສອງຊາດໃຫ້ນັບມື້ນັບດີຂື້ນ ບົນພື້ນຖານມູນເຊື້ອສາຍພົວພັນພິເສດລະຫວ່າງສອງຊົນເຜົ່າ.
ທີ່ການພົບປະ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ອີກຄັ້ງໜຶ່ງຂໍສົ່ງຄຳຢ້ຽມຢາມຖາມຂ່າວເຖິງ ຜູ້ນຳພັກ-ລັດ ແລ ປະຊາຊົນລາວ ທີ່ກຳລັງໄດ້ຮັບຜົນກະທົບຈາກເຫດການຄູກັນນຳ້ເຂື່ອນໄຟຟ້າພະລັງງານນຳ້ເຊປ່ຽນ-ເຊນຳ້ນ້ອຍແຕກ ຢູ່ແຂວງອັດຕະປືທີ່ຜ່ານມາ ພ້ອມນີ້ເຊື້ອໝັ້ນວ່າປະຊາຊົນເຂດໄພພິບັດຈະປັບປຸງ, ຜ່ານຜ່າ ແລະ ດຳລົງຊີວິດຢ່າງໝັ້ນຄົງ ໄດ້ໂດຍໄວ.
 |
ທ່ານລັດຖະມົນຕີກະຊວງການຕ່າງປະເທດຫວຽດນາມ -ລາວ ພົບປະນອກຮອບ ຢູ່ ກອງປະຊຸມ ASEAN 51.
ລັດຖະມົນຕີກະຊວງການຕ່າງປະເທດ ສະເຫຼີມໄຊ ກົມມະສິດ ຕ່າງໜ້າໃຫ້ຜູ້ນຳ ພັກ-ລັດ ແລະ ປະຊາຊົນລາວ ຂອບອົກຂອບໃຈເຖິງ ຜູ້ນຳ ຫວຽດນາມ ຖາມຂ່າວຖາມຄາວ ແລະ ຊ່ວຍເຫຼືອຍູ້ໜູນຢາງທັນການ ສະແດງເຖິງນຳ້ໃຈ ສາມັກຄີພິເສດ ແລະ ມິດຕະພາບ ຫວຽດ-ລາວ.
ທັງສອງຝ່າຍຕີລາຄາສູງ ສາຍພົວພັນຮ່ວມມື ທີ່ນັບມື້ນັບຮັດແໜ້ນ ແລະ ແໜ້ນແຟ້ນ ລະຫວ່າງ ກະຊວງການຕ່າງປະເທດຫວຽດນາມ ແລະ ກະຊວງການຕ່າງປະເທດລາວ, ເຫັນດີເປັນເອກກະພາບນຳກັບ ຮ່ວມປະສານສົມທົບກະກຽມ ແລະ ຈັດຕັ້ງປະຕິບັດ ກົນໄກເສນາທິການສາມັນ ຂື້ນກະຊວງ ແລະ ຮອງລັດຖະມົນຕີການຕ່າງປະເທດໃນອານາຄົດ; ເພີ່ມທະວີແບ່ງປັນຂໍ້ມູນ, ປະສານສົມທົບຢ່າງໄກ້ສິດ ຢູ່ບົນເວທີສາກົນ, ພາກພື້ນ, ກໍ່ຄືກົນໄກອະນຸພາກພື້ນ; ຮ່ວມກັບສະມາຊິກຂອງບັນດາປະເທດລົງເລິງ ຂັ້ນຕອນການຮ່ວມມື, ເຊື່ອມຕໍ່ ສະມັດຊາ ASEAN ເພີ່ມທະວີຄວາມສາມັກຄີ, ບົດບາດແກນກາງ ແລະ ກະບອກສຽງ ອັນດຽວກັນຂອງ ASEAN ໃນບັນຫາຍຸດທະສາດຂອງ ພາກພື້ນ ໃນນັ້ນລວມທັງບັນຫາທະເລ ຈີນໃຕ້.
（ຫັດທະບູນ）
