 |
ພະນັກງານສະຖານທຸດຫວຽດ-ລາວແຂ່ງຂັນດືງເຊືອກ. (ຂໍ້ມູນພາບ: ທົງເຕິນສາຫວຽດນາມ)
ທ່ານເອກອັກຄະລັດຖະທູດຜູ່ມີອຳນາດເຕັມ ຂອງ ສສ ຫວຽດນາມ ທີ່ ສປ ຈີນ ໄດ້ກ່າວໃນງານພົບປະແລກປ່ຽນວ່າ: ແຕ່ກ່ອນໃນການຕໍ່ສູ້ປົດປ່ອຍປະຊາຊົນແລະທ້ອນໂຮມປະເທດ ກໍ່ຄືການກໍ່ສ້າງ ແລະ ພັດທະນາ ປະເທດຊາດໃນປະຈຸບັນ ພັກ-ລັດ ແລະ ປະຊາຊົນ ຫວຽດນາມ ລ້ວນແຕ່ໄດ້ຮັບການອູ້ມຊູ ແລະ ຊ່ວຍເຫລືອ ອັນມີຄ່າ ຂອງພັກ ລັດ ແລະ ປະຊາຊົນ ລາວ ອ້າຍນ້ອງ. ທ່ານທູດສະແດງຄວາມ ຕ້ອງການໃນອານາຄົດ, ການພົວພັນ ມິດຕະພາບ ຫວຽດ ລາວ , ຫວຽດນາມ ຈີນ ກໍ່ຄື ອາຊຽນ - ຈີນ ຈະນັບມື້ນັບເພີ່ມພູນຄູນສ້າງ ແລະ ພັດທະນາ ຢ່າງເລິກເຊິ່ງແລະກ້ວາງຂວາງທຸກໆດ້ານ, ປະກອບສ່ວນສຳຄັນເຂົ້າໃນພາລະກິດກໍ່ສ້າງ, ພັດທະນາ ຂອງແຕ່ລະປະເທດ ກໍ່ຄືຊຸກຍູ້ ສັນຕິພາບ, ຮ່ວມມື ແລະ ພັດທະນາ ຂອງຂົງເຂດ ແລະ ສາກົນ.
ທ່ານເອກອັກຄະລັດຖະທູດ ວັນດີ ບຸນທະສະວົງ ຕ່າງຫນ້າ ສະຖານທູດ ລາວ ປະຈຳ ສປ ຈີນ ສະແດງຄວາມປິຕິຊົມຊື່ນ ທີ່ໄດ້ເຂົ້າຮ່ວມ ການເຄື່ອນ ພົບປະ ແລກ ປ່ຽນ ໃນເທື່ອນີ້ ປະກອບສ່ວນເຂົ້າໃນການຮັດແໜ້ນ ແລະ ເພີ່ມທະວີ ຄວາມສຳພັນມິດຕະພາບ ຂອງສອງສະຖານທູດຂອງສອງປະເທດ ປະຈຳ ສປ ຈີນ, ພ້ອມກັນນີ້ ກໍ່ສະແດງອອກເຖິງພາບທີ່ມີຊີວິດ ຂອງມິດຕະພາບ ປະເພນີ, ສະມັກຄີພິເສດ ແລະ ຮ່ວມມືຮອບດ້ານລະຫວ່າງປະຊາຊົນສອງປະເທດ ຫວຽດ ລາວ
ໃນການພົບປະ ພະນັກງານສະຖານທູດ ແລະ ນັກຮຽນ ຂອງສອງປະເທດໄດ້ມີການແຂ່ງຂັນດືງເຊືອກ ແລະ ປະກວດສິນລະປະ ລາກຫລາຍ ເຕັມໄປດ້ວຍເອກກະລັກ ຮີດຄອງປະເພນີຂອງປະຊາຊົນສອງປະເທດ.
（ຫັດທະບູນ）
