 |
ຫວຽດນາມ - ລາວ: ເພີ່ມທະວີການຮ່ວມມືປ້ອງກັນ, ຕ້ານອາດຊະຍາກຳ
ກຳລັງຕຳຫລວດສອງປະເທດໄດ້ສົມທົບກັນຢ່າງແໜ້ນແຟ້ນໃນການຕໍ່ສູ້ປ້ອງກັນ, ຕ້ານບັນດາປະເພດອາດຊະຍາກຳທາງອາຍາ. ພິເສດ, ໃນຂົງເຂດປ້ອງກັນ, ຕ້ານອາດຊະຍາກຳຢາເສບຕິດ. ທີ່ກອງປະຊຸມການຮ່ວມມືປ້ອງກັນ, ຕ້ານອາດຊະຍາກຳລະຫວ່າງກຳລັງຕຳຫລວດ, ກະຊວງຕຳຫລວດ ຫວຽດນາມ ແລະ ກຳລັງຕຳຫລວດ, ກະຊວງປ້ອງກັນຄວາມສະຫງົບ ລາວ ຄັ້ງທີ 10 ນີ້, ຕຳຫລວດກະຊວງຕຳຫລວດ ຫວຽດນາມ ແລະ ຕຳຫລວດກະຊວງປ້ອງກັນຄວາມສະຫງົບ ລາວ ໄດ້ເຊັນຂໍ້ຕົກລົງການຮ່ວມມືປ້ອງກັນ, ຕ້ານອາດຊະຍາກຳໄລຍະປີ 2019 – 2020. ສອງຝ່າຍຈະສືບຕໍ່ເພີ່ມທະວີການແລກປ່ຽນຂໍ້ມູນຂ່າວສານ, ການຮ່ວມມືສືບສວນອາດຊະຍາກຳ; ການຮ່ວມມືກ່ຽວກັບ Interpol, AseanPol; ບຳລຸງສ້າງ ແລະ ແລກປ່ຽນບົດຮຽນໃນການປ້ອງກັນ, ຕ້ານອາດຊະຍາກຳ; ການຮ່ວມມືປ້ອງກັນ, ຕ້ານຢາເສບຕິດ; ປະກອບສ່ວນກໍ່ສ້າງເຂດຊາຍແດນ ຫວຽດນາມ - ລາວ ໃຫ້ກາຍເປັນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພັດທະນາ.
（ໄຊພອນ）
