10 ປີ ແຫ່ງການສົມທົບກັນໃນການຕໍ່ສູ້ສະກັດກັ້ນ ແລະ ຕ້ານອາດຊະຍາກໍາຢາເສບຕິດຜ່ານຊາຍແດນ. ພາບ: nhandan.com.vn
ພາຍຫຼັງ 10 ປີ (2009-2019) ແຫ່ງການຜັນຂະຫຍາຍແຜນການ SH09 ກ່ຽວກັບການສົມທົບກັນໃນການສະກັດກັ້ນ ແລະ ຕ້ານອາດຊະຍາກໍາຢາເສບຕິດຜ່ານຊາຍແດນລະຫວ່າງແຂວງເຊີນລາ (ຫວຽດນາມ) ແລະ ບັນດາແຂວງພາກເໜືອຂອງລາວ, ຕຳຫຼວດແຂວງເຊີນລາ ໄດ້ເປັນເຈົ້າການເປີດກວ້າງສາຍພົວພັນຮ່ວມມືກັບກໍາລັງປ້ອງກັນຄວາມສະຫງົບບັນດາແຂວງພາກເໜືອຂອງລາວ, ສ້າງເປັນທ່າຮົບໃນການຊອກຈັບ, ດັບສູນ ແລະ ທຳລາຍການຄ້າຢາເສບຕິດຂະໜາດໃຫຍ່. ລະບົບການເມືອງຂັ້ນຕາແສງ, ບ້ານເຂດຊາຍແດນໄດ້ຮັບຄວາມເອົາໃຈໃສ່, ປັບປຸງ, ບູລະນະ; ຈັດຕັ້ງການປະຕິບັດຂະບວນການມະຫາຊົນໃນການສະກັດກັ້ນ ແລະ ຕ້ານອາດຊະຍາກໍາຢາເສບຕິດຕິດພັນກັບການປະຕິບັດບັນດາໜ້າທີ່ພັດທະນາເສດຖະກິດ-ສັງຄົມ ຢ່າງມີປະສິດທິຜົນ.
ກ່າວຄໍາເຫັນທີ່ກອງປະຊຸມ, ທ່ານພົນໂທ ເລກຸຍເວືອງ ໄດ້ເນັ້ນໜັກວ່າ: ໃນໄລຍະສະເພາະໜ້າ, ຄວນສືບຕໍ່ເປັນເຈົ້າການ, ສາມັກຄີ, ປະສານສົມທົບກັນໃນການສູ້ຮົບ; ຍົກລະດັບການເປັນເສນາທິການ ແລະ ຜັນຂະຫຍາຍບັນດາວິທີການ, ແຜນການສະກັດກັ້ນ, ຕ້ານ ແລະ ຄວບຄຸມອາດຊະຍາກໍາຢາເສບຕິດແນໃສ່ຮັກສາຄວາມໝັ້ນຄົງດ້ານການເມືອງ ແລະຄວາມເປັນລະບຽບຮຽບຮ້ອຍ, ຄວາມປອດໄພທາງດ້ານສັງຄົມຢູ່ບໍລິເວນ, ປະກອບສ່ວນໃນການກໍ່ສ້າງເສັ້ນຊາຍແດນ ຫວຽດນາມ-ລາວ, ປະກອບສ່ວນຮັກສາສະຖຽນລະພາບ, ຄວາມໝັ້ນຄົງດ້ານການເມືອງ, ກໍ່ສ້າງຊາຍແດນສັນຕິພາບ, ມິດຕະພາບ.
(ໄຊພອນ)