ກອງບັນຊາການທະຫານແຂວງເຫງ້ອານອວຍພອນປີໃໝ່ກອງບັນຊາການທະຫານແຂວງຊຽງຂວາງປະເທດລາວ

ທ່ານ ພັນເອກ ເຈີ່ນວັນຮູ່ງ ໄດ້ອວຍພອນປີໃໝ່ພະນັກງານ, ນັກຮົບກອງບັນຊາການທະຫານແຂວງຊຽງຂວາງ. ພາບ: baonghean.vn

ຕາງໜ້າໃຫ້ແກ່ພະນັກງານ, ນັກຮົບກອງບັນຊາການທະຫານແຂວງເຫງ້ອານ, ທ່ານ ພັນເອກ ເຈີ່ນວັນຮູ່ງ ໄດ້ອວຍພອນປີໃໝ່ພະນັກງານ, ນັກຮົບກອງບັນຊາການທະຫານແຂວງຊຽງຂວາງ. ພ້ອມກັນນັ້ນກໍ່ໄດ້ແຈ້ງໃຫ້ກອງບັນຊາການທະຫານແຂວງຊຽງຂວາງ ໄດ້ຊາບກ່ຽວກັບການພັດທະນາເສດຖະກິດ - ສັງຄົມ ແລະ ການປັບປຸງດ້ານດານປ້ອງກັນຊາດ - ຄວາມສະຫງົບ ຢູ່ແຂວງເຫງ້ອານ ໃນປີ 2018 ແລະ ຕົ້ນປີ 2019.

ທ່ານ ພັນເອກ ບຸນຊູ ໄຊລະສີ, ກໍາມະການຄະນະປະຈໍາແຂວງ, ຫົວໜ້າກອງບັນຊາການທະຫານແຂວງຊຽງຂວາງ ໄດ້ສະແດງຂອບອົກຂອບໃຈກອງບັນຊາການທະຫານແຂວງເຫງ້ອານທີ່ໄດ້ໃຫ້ການຊ່ວຍເຫຼືອໃຫ້ແກ່ກໍາລັງປະກອບອາວຸດແຂວງຊຽງຂວາງໃນຕະຫຼອດໄລຍະຜ່ານມາ; ໂດຍສະເພາະແມ່ນການປະສານສົມທົບຢ່າງມີປະສິດທິຜົນໃນການປົກປັກຮົກສາສິດອະທິປະໄຕຄວາມໝັ້ນຄົງເຂດຊາຍແດນ, ໜ້າທີ່ກໍ່ສ້າງບໍາລຸງພະນັກງານ, ຊ່ວຍເຫຼືອດ້ານວັດຖຸໃຫ້ແກ່ກອງບັນຊາການທະຫານແຂວງ ແລະ ບັນດາເມືອງ...

ທ່ານ ພັນເອກ ເຈີ່ນວັນຮູ່ງ ໄດ້ມອບຂອງຂວັນໃຫ້ແກ່ເມືອງຄຸນ ແລະ ເມືອງມົກ ແຂວງຊຽງຂວາງ. ພາບ: baonghean.vn

ທ່ານ ພັນເອກ ບຸນຊູ ໄຊລະສີ, ກໍາມະການຄະນະປະຈໍາແຂວງ, ຫົວໜ້າກອງບັນຊາການທະຫານແຂວງຊຽງຂວາງ ມີຄວາມມຸ່ງຫວັງວ່າໃນຕໍ່ໜ້າກອງບັນຊາການທະຫານແຂວງເຫງ້ອານ ແລະ ກອງບັນຊາການທະຫານແຂວງຊຽງຂວາງ ຈະສືບຕໍ່ເພີ່່ມທະວີການພົວພັນຮ່ວມມື, ແລກປ່ຽນດ້ານຂໍ້ມູນຂ່າວສານ, ຮັບປະກັນດ້ານຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມເຂດຊາຍແດນ, ປະກອບສ່ວນເຂົ້າໃນການເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ - ລາວ ຈົ່ງຂຽວສົດງົດງາມ, ໝັ້ນຄົງຂະໜົງແກ່ນຊົ່່ວກາລະນານ.

（ໄຊພອນ）