ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ - ລາວ

ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ - ລາວ. ພາບ: TTXVN

ໃນຕອນບ່າຍຂອງວັນທີ 13 ເມສາ, ມະຫາວິທະຍາໄລ ໄຕບັກ ໄດ້ຈັດຕັ້ງບຸນປີໃໝ່ລາວ ໃຫ້ບັນດານັກສຶກສາລາວ ກໍາລັງຮ່ຳຮຽນສຶກສາຢູ່ແຂວງ ເຊີນລາ ນັບຮ້ອຍໆຄົນ. ບຸນປີໃໝ່ລາວດຳເນີນໃນລະຫວ່າງແຕ່ວັນທີ 13 – 16 ເມສາ ທຸກໆປີ, ນີ້ແມ່ນຮີດຄອງປະເພນີດ້ານວັດທະນະທຳດົນນານຂອງປະຊາຊົນລາວ. ລາຍການບຸນປີໃໝ່ໃນປີນີ້ ລວມມີ 2 ພາກ ປະກອບມີການພົວພັນແລກປ່ຽນວັດທະນະທຳ ລາວ - ຫວຽດນາມ ແລະ ພິທີຂອງບຸນປີໃໝ່ລາວ.

ພິທີມັດແຂນ. ພາບ: TTXVN

ທີ່ການພົບປະແລກປ່ຽນ, ນັກສຶກສາລາວ ໄດ້ຮັບບັນດາຄຳອວຍພອນອັນດີງາມທີ່ສຸດຈາກໂຮງຮຽນ, ບັນດາຄູອາຈານ, ໝູ່ເພື່ອນຫວຽດນາມ ເນື່ອງໃນໂອກາດບຸນປີໃໝ່ລາວ. ນີ້ກໍ່ແມ່ນໂອກາດ ເພື່ອໃຫ້ບັນດານັກສຶກສາລາວ ຫວນຄືນຮີດຄອງປະເພນີອັນດີງາມ, ມີຄວາມໝາຍຂອງບຸນປີໃໝ່ລາວ ແລະ ພ້ອມກັບບັນດາຄູອາຈານ, ເພື່ອນມິດ ຫວຽດນາມ ເຂົ້າຮ່ວມບັນດາລາຍການແລກປ່ຽນສິລະປະ, ຟ້ອນລຳທຳເພງທີ່ເຂັ້ມຂຸ້ນໄປດ້ວຍສີສັນວັດທະນະທຳຂອງສອງປະເທດ ຫວຽດນາມ - ລາວ.

（ໄຊພອນ）