 |
ຕໍາຫຼວດແຂວງຮ່າຕີ້ງອວຍພອນປີໃໝ່ຕໍາຫຼວດແຂວງບໍລິຄໍາໄຊ (ພາບ: baohatinh.vn)
ຕາງໜ້າໃຫ້ການນໍາ ແລະ ພະນັກງານ, ນັກຮົບ ຕໍາຫຼວດແຂວງຮ່າຕີ້ງ, ພັນເອກ ຫວໍຈ້ອງຫາຍ ອວຍພອນບັນດາຜົນສໍາເລັດຕ່າງໆເຊິ່ງຕໍາຫຼວດແຂວງບໍລິຄໍາໄຊ ຍາດມາໄດ້ໃນປີຜ່ານມາ ແລະ ຕີລາຄາສູງຕໍາຫຼວດແຂວງບໍລິຄໍາໄຊໃນການປະສານສົມທົບ, ຮັບປະກັນດ້ານຄວາມສະຫງົບຕາມເຂດຊາຍແດນ, ໂດຍສະເພາະແມ່ນໃນການຕ້ານ ແລະ ສະກັດກັ້ນອາດຊະຍາກໍາເວົ້າລວມ, ອາດຊະຍາກໍາຢາເສບຕິດເວົ້າສະເພາະ ແລະ ບັນດາບັນຫາກ່ຽວກັບວຽກງານຜູ້ເຂົ້າ - ອອກເມືອງ; ມີຄວາມມຸ່ງຫວັງວ່າຕໍາຫຼວດສອງແຂວງຈະສືບຕໍ່ເສີມຂະຫຍາຍຄວາມສາມັກຄີອັນພິເສດ, ມີການປະສານສົມທົບດີກວ່າອີກໃນເວລາຕໍ່ໜ້າ.
 |
 |
ການນໍາ, ພະນັກງານ, ນັກຮົບ ຕໍາຫຼວດແຂວງຮ່າຕີ້ງ ແລະ ຕໍາຫຼວດແຂວງບໍລິຄໍາໄຊ (ພາບ: baohatinh.vn)
ພັນເອກ ທອງໃບ ລໍວັນໄຊ ຜູ້ອໍານວຍການຕໍາຫຼວດແຂວງບໍລິຄໍາໄຊ ໄດ້ຂອບອົກຂອບໃຈຕໍ່ຕໍາຫຼວດແຂວງຮ່າຕີ້ງທີ່ໄດ້ມາອວຍພອນປີໃໝ່ໃຫ້ແກ່ຕໍາຫຼວດແຂວງບໍລິຄໍາໄຊ ແລະ ພັນເອກ ທອງໃບ ລໍວັນໄຊ ກໍ່ໄດ້ ຢືນຢັນວ່າ ຕໍາຫຼວດແຂວງບໍລິຄໍາໄຊ ຈະສືບຕໍ່ຍົກສູງການປະສານສົມທົບເປັນຢ່າງດີໃນທຸກວຽກງານກັບຕໍາຫຼວດແຂວງຮ່າຕີ້ງ, ສ້າງອໍານວຍຄວາມສະດວກໃນການປະຕິບັດໜ້າທີ່ວຽກງານໃນການຕ້ານ ແລະ ສະກັດກັ້ນອາດຊະຍາກໍາ, ຮັບປະກັນດ້ານຄວາມສະຫງົບຕາມເຂດຊາຍແດນ...
（ໄຊພອນ）
