 |
ເພີ່ມທະວີການທ່ອງທ່ຽວລະຫວ່າງແຂວງ ດ້ຽນບຽນ ແລະ ແຂວງ ຫລວງພະບາງ. (ພາບ: dienbien.gov.vn)
ທີ່ກອງປະຊຸມປືກສາຫາລື ທັງສອງຝ່າຍຕີລາຄາໂດຍຫຍໍ້ ທ່າແຮງດ້ານການທ່ອງທ່ຽວ ພື້ນຖານ ໃຫ້ແກ່ທ້ອງຖິ່ນ ສ້າງສາ ພັດທະນາ ຂະແໜງການທ່ອງທ່ຽວ ພາຍໃນ ແລະ ບັນດາເສັ້ນທາງການທ່ອງທ່ຽວ ແລະ ທົວ ເພື່ອເຊື່ອມຕໍ່ ຮ່ວມມືການທ່ອງທ່ຽວ ລະຫວ່າງ ສອງແຂວງນຳກັນ ພາຍໃນ ແລະ ຕ່າງປະເທດ. ແຂວງດ້ຽນບຽນ ແລະ ແຂວງຫຼວງພະບາງ ມີສິ່ງທີ່ຄ້າຍຄືກັນທາງດ້ານພູມສັນຖານ ທີວທັດທຳມະຊາດ ອັນສວຍສົດງົດງາມ ດ້ວຍລະບົບນິເວດ ພູຜາປ່າດົງ ແມ່ນຳ້ລຳເຊ ຖຳ້ ແຫຼ່ງນຳ້ອຸ່ນທະມະຊາດ. ພ້ອມກັນນັ້ນທັງສອງແຂວງມີປະຊາຊົນດຳລົງຊີວິດດ້ວຍພື້ນຖານວັດທະນະທຳ ອັນຫຼາກຫຼາຍ ດັ່ງນັ້ນພື້ນຖານແຫຼ່ງທ່ອງທ່ຽວມີຄວາມອຸດົມສົມບູນ ມີເງື່ອນໄຂສະດວກໃຫ້ວຽກງານການພັດທະນາ ຮູບແບບການທ່ອງທ່ຽວດ້ານວັດທະນະທຳ ແລະ ປະຫວັດສາດ ທ່ອງທ່ຽວນິເວດ ທ່ອງທ່ຽວແບບເປັນກຸ່ມ...
ການນຳຂອງພະແນກ ວັດທະນະທຳ ກິລາ ແລະ ທ່ອງທ່ຽວແຂວງ ດ້ຽນບຽນ ແລະ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ເຫັນດີເປັນເອກະພາບສູງທັດສະນະ ໃນໄລຍະປີ 2019-2020 ທັງສອງຝ່າຍຈະຊຸກຍູ້ເພີ່ມທະວີຄວາມສາມັກຄີ ຄວາມເຂົ້າໃຈ ແລະ ຊຸກຍູ້ການຮ່ວມມືພັດທະນາໃນຂົງເຂດວັດທະນະທຳ ໂຄສະນາເຜີຍແຜ່ພາບລັກ ວັດທະນະທຳ ແລະ ວິຖີຊີວິດຂອງປະຊາຊົນທັງສອງແຂວງ. ຈັດຝຶກອົບຮົມໃຫ້ແກ່ຄະນະສິລະປະກຳ, ຄະນະນັກສະແດງຂົງເຂດວັດທະນະທຳມວນຊົນຮ່ຳຮຽນ ແລກປ່ຽນດ້ານວິຊາການ ໃນການຂັບຮ້ອງ ຟ້ອນເຕັ້ນ ຂອງທັງສອງແຂວງ; ເພີ່ມທະວີດ້ານວັດທະນະທຳ ການວາງສະແດງ ພາບຈິດຕະກຳ... ເພີ່ມທະວີວຽກງານການຄົ້ນຄວ້າ -ຊອກຮູ້ຂໍ້ມູນຂ່າວສານກ່ຽວກັບການທ່ອງທ່ຽວ ຢູ່ສອງແຂວງ ເພື່ອຊຸກຍູ້ວຽກງານໃຫ້ຄຳປືກສາ ສະໜອງຂໍ້ມູນຂ່າວສານຮັບໃຊ້ການທ່ອງທ່ຽວ ແນໃສເຊື່ອມໂຍງເສັ້ນທາງການທ່ອງທ່ຽວ ສຳຫຼວດ ແລະ ສ້າງທົວທ່ອງທ່ຽວ ໃນເສັ້ນທາງການທ່ອງທ່ຽວຜ່ານຫຼາຍໆແຂວງ; ເພີ່ມທະວີການແລກປ່ຽນ ແນະນຳຂໍ້ມູນຂ່າວສານທ່າແຮງ ຄວາມສາມາດບົ່ມຊ້ອນ ແລະ ຜລິດຕະພັນທ່ອງທ່ຽວອັນພົ້ນເດັ່ນ; ຕອບສະໜອງ ແລະ ອັບເດດຂໍ້ມູນຂ່າວສານຢ່າງລຽນຕິດແລະຕໍ່ເນື່ອງຂໍ້ມູນຂ່າວສານທີ່ກ່ຽວຂ້ອງກັບໂອກາດຂອງການລົງທືນ ດຳເນີນທຸລະກິດ ທ່ອງທ່ຽວນຳກັນ. ທັງສອງຝ່າຍໄດ້ເຫັນດີເປັນເອກກະພາບສະເໜີຂັ້ນເທິງ ພິຈະລະນາ ການເປີດຖ້ຽວບິນໂດຍກົງ ຈາກດ້ຽນບຽນ ຫາ ຫຼວງພະບາງ.
ຫຼັງຈາກນັ້ນ ພະແນກ ວັດທະນະທຳ ກິລາ ແລະ ທ່ອງທ່ຽວແຂວງ ດ້ຽນບຽນ ແລະ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ລົງນາມໃນບົດບັນທືກຊ່ວຍຈຳ ດ້ວຍເນື້ອໃນທີ່ສຳຄັນ ເພື່ອແນໃສ່ເພີ່ມທະວີການເຄື່ອນໄຫວຮ່ວມມືພດທະນາການທ່ອງທ່ຽວ; ເພີ່ມທະວີແລກປ່ຽນບົດຮຽນໃນການຄຸ້ມຄອງ ປົກປ້ອງ ແລະ ເສີມຂະຫຍາຍຄຸນຄ່າຂອງມໍລະດົກທາງປະຫວັດສາດ ວັດທະນະທຳ ຜັນຂະຫຍາຍການເຄື່ອນໄຫວຮ່ວມມືໃນຫຼາຍຂົງເຂດເປັນຕົ້ນແມ່ນ ສິນລະປະການສະແດງ, ປູນີຍະສະຖານ, ວິຈິດສິນ...
（ຫັດທະບູນ）
