ທີ່ການພົບປະ, ທ່ານພັນເອກພິເສດ ຮ່າແມ້ງເຕື່ອງ ໄດ້ແນະນໍາໂດຍສັງເຂດກ່ຽວກັບການຈັດຕັ້ງ, ເຄື່ອນໄຫວຂອງໜັງສືພິມກອງທັບປະຊາຊົນຫວຽດນາມ ແລະເນັ້ນໜັກວ່າ, ໃນໄລຍະຜ່ານມາ, ໜັງສືພິມກອງທັບປະຊາຊົນຫວຽດນາມ ໄດ້ມີບັນດາບາດກ້າວພັດທະນາທີ່ພົ້ນເດັ່ນ, ໄດ້ຮັບຄວາມເອົາໃຈໃສ່ ແລະຄວາມໄວ້ເນື້ອເຊື່ອໃຈຈາກພັກ, ລັດ ແລະກອງທັບ, ມີອິດທິພົນຊື່ສຽງ ແລະສົ່ງຜົນສະທ້ອນໃນກອງທັບ ແລະສັງຄົມຢ່າງເລິກເຊິ່ງ ແລະກວ້າງຂວາງ.
ຄະນະ ໜສພ ກອງທັບປະຊາຊົນລາວ ຖ່າຍຮູບກັບ ຄະນະບັນນາທິການ ນັກຂ່າວ ໜສພ ກອງທັບປະຊາຊົນຫວຽດນາມ. (ພາບ: ຮຸ່ງຄວາ)
 |
ທີ່ການພົບປະ ທ່ານພັນເອກ ຄໍາສາວ ແກ້ວວິເສດ ໄດ້ສະແດງຄວາມປິຕິຊົມຊື່ນເມື່ອໄດ້ມາຢ້ຽມຢາມໜັງສືພິມກອງທັບປະຊາຊົນຫວຽດນາມ ແລະຂອບອົກຂອບໃຈຕໍ່ການຕ້ອນຮັບອັນອົບອຸ່ນ, ຈິງໃຈຂອງພະນັກງານ, ນັກຂ່າວໜັງສືພິມກອງທັບປະຊາຊົນຫວຽດນາມ.
ທ່ານພັນເອກພິເສດ ເລຟີຮຸ່ງ, ຫົວໜ້າຄະນະຜູ້ຕາງໜ້າໜັງສືພິມກອງທັບປະຊາຊົນຫວຽດນາມ ປະຈໍານະຄອນໂຮ່ຈິມິນ ໄດ້ແຈ້ງໃຫ້ຊາບກ່ຽວກັບບັນດາການເຄື່ອນໄຫວຕົ້ນຕໍຂອງອົງການຜ່ານໄລຍະກໍ່ສ້າງ ແລະພັດທະນາມາເປັນເວລາ 41 ປີ. ຄະນະຜູ້ແທນໜັງສືພິມກອງທັບປະຊາຊົນ ລາວ ໄດ້ໄປຢ້ຽມຊົມບັນດາຫ້ອງເຮັດວຽກ, ໂອ້ລົມ, ແບ່ງປັນບົດຮຽນກັບພະນັກງານ, ນັກຂ່າວຂອງຄະນະຜູ້ຕາງໜ້າໜັງສືພິມກອງທັບປະຊາຊົນຫວຽດນາມ ປະຈໍາ ນະຄອນ ໂຮ່ຈີ໋ມິງ.
（ແຫຼ່ງຂໍ້ມູນ： ກປ.ອອນໄລ）
