 |
ພິທີໄວ້ອາໄລ ແລະ ປົງອັດຖິທະຫານເສຍສະຫຼະຊີວິດເພື່ອຊາດຢູ່ສະໜາມຮົບ ລາວ. ພາບ: TTXVN
ນີ້ແມ່ນຄັ້ງທີ 40 ແຂວງກວາງບີ່ງໄດ້ຮັບ, ຈັດພິທີໄວ້ອາໄລ, ປົງອັດຖິທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ສະໜາມຮົບລາວກັບຄືນປະເທດ. ເຂົ້າຮ່ວມພິທີດັ່ງກ່າວມີຜູ້ຕາງໜ້າຂອງການນຳກົມໃຫຍ່ການເມືອງກອງທັບປະຊາຊົນ ຫວຽດນາມ, ການນຳແຂວງ ກວາງບີ່ງ ແລະ ແຂວງຄຳມ່ວນ ສປປ ລາວ.
ບັນດາຜູ້ແທນພ້ອມກັບປະຊາຊົນຈຳນວນຫຼວງຫຼາຍໄດ້ວາງພວງມາລາ, ຈຸດທູບເພື່ອໄວ້ອາໄລ, ສະແດງຄວາມຮູ້ບຸນຄຸນຢ່າງເລິກເຊິ່ງ, ສົ່ງດວງວິນຍານຂອງບັນດາທະຫານອາສາສະໝັກ ແລະ ນັກຊ່ຽວຊານ ຫວຽດນາມທີ່ເສຍສະຫຼະຊີວິດເພື່ອຊາດຢູ່ ລາວກັບຄືນບ້ານເກີດເມືອງນອນ.
ໃນລະດູແລ້ງ 2018 - 2019, ກຸ່ມທ້ອນໂຮມ 589 ຂຶ້ນກັບກອງບັນຊາການທະຫານແຂວງ ກວາງບີ່ງ ທີ່ໄດ້ຊອກຫາ, ຂຸດຄົ້ນອັດຖິທະຫານອາສາສະໝັກ, ນັກຊ່ຽວຊານຫວຽດນາມທີ່ເສຍສະຫຼະຊີວິດເພື່ອຊາດຢູ່ ລາວ ໃນການຕໍ່ສູ້ຕ້ານລ່າເມືອງຂຶ້ນຝລັ່ງ ແລະ ຈັກກະພັດອາເມລິກາ ໄດ້ 17 ຊຸດ.
（ໄຊພອນ）
