ການແຂ່ງຂັນປີນີ້ດຶງດູດການເຂົ້າຮ່ວມຂອງ 26 ທີມບານເຕະ, ບານສົ່ງຍິງ, ຊາຍນັກສຶກສາລາວ ທີ່ມາຈາກມະຫາວິທະຍາໄລຮ່າຕິ້ງ, ວິທະຍາໄລການແພດຮ່າຕິ້ງ ແລະວິທະຍາໄລວິຊາຊີບຫວຽດ-ເຢຍລະມັນຮ່າຕິ້ງ. ການແຂ່ງຂັນດໍາເນີນໃນລະຫວ່າງວັນທີ 10-25 ພະຈິກ.

ຄະນະຈັດຕັ້ງມອບທຸງທີ່ລະນຶກໃຫ້ບັນດາທີມນັກສຶກສາລາວ ເຂົ້າຮ່ວມການແຂ່ງຂັນ. ພາບ: baodansinh.vn.

ນີ້ແມ່ນກິດຈະກໍາທີ່ມີຄວາມໝາຍ ເພື່ອໃຫ້ນັກສຶກສາລາວຮ່ຳຮຽນຢູ່ແຂວງຮ່າຕິ້ງ ໄດ້ພົບປະແລກປ່ຽນ, ເພີ່ມທະວີຄວາມສາມັກຄີ ແລະຝຶກຝົນຫຼໍ່ຫຼອມກຳລັງກາຍ. ຕາມທີ່ໄດ້ຮູ້ແລ້ວ, ປະຈຸບັນໃນບໍລິເວນແຂວງຮ່າຕິ້ງ ມີນັກສຶກສາລາວ ປະມານ 3.000 ຄົນພວມຮໍ່າຮຽນຢູ່ບັນດາໂຮງຮຽນ: ມະຫາວິທະຍາໄລຮ່າຕິ້ງ, ວິທະຍາໄລການແພດຮ່າຕິ້ງ ແລະວິທະຍາໄລວິຊາຊີບຫວຽດ-ເຢຍລະມັນຮ່າຕິ້ງ.

（ແຫຼ່ງ​ຂໍ້​ມູນ​： la.qdnd.vn）