 |
ຄະນະໂຄສະນາແຂວງກວ້າງຈິ ຢ້ຽມຢາມ ແລະ ເຮັດວຽກ ແຂວງສະຫວັນນະເຂດ. (ພາບ: baoquangtri.vn)
ໃນຂອບເຂດການຢ້ຽມຢາມ ແລະ ເຮັດວຽກ, ຄະນະປະຕິບັດງານ ໂຄສະນາແຂວງກວ້າງຈິ ແລະ ຄະນະໂຄສະນາອົບຮົມແຂວງສະຫວັນນະເຂດ ໄດ້ຈັດກອງປະຊຸມພົບປະເຈລະຈາ , ເຊັນບົດບັນທຶກສັນຍາຮ່ວມມືລະຫວ່າງສອງຝ່າຍ. ທີ່ກອງປະຊຸມພົບປະເຈລະຈາ ສອງຝ່າຍໄດ້ສະຫຼຸບລາຍງານໂດຍສັງເຂບ ກ່ຽວກັບສະພາບການພັດທະນາ ເສດຖະກິດ- ສັງຄົມ ທ້ອງຖິ່ນ ຂອງແຕ່ລະຝ່າຍ, ພ້ອມກັນນັ້ນກໍ່ໄດ້ແລກປ່ຽນບົດຮຽນກໍ່ຄືປະສົບການໃນການປະຕິບັດວງກງານໂຄສະນາ, ອົບຮົມ; ຕີລາຄາຜົນສຳເລັດໃນການຈັດຕັ້ງປະຕິບັດບົດບັນທຶກຊ່ວຍຈຳ ໄດ້ເຊັນລະຫວ່າງ ສອງຫ້ອງການ ໄດ້ເຊັນກັນວັນທີ 13 ກັນຍາ 2017.
ບົດພື້ນຖານເນື້ອໃນສັນຍາຮ່ວມມື ລະຫວ່າງ ແຂວງກ້ວາງຈິ ແລະ ສະຫວັນນະເຂດ ແລະ ຕີລາຄາຜົນສຳເລັດໃນການຈັດຕັ້ງປະຕິບັດບົດບັນທຶກສັນຍາ, ຕໍ່ກັບຄວາມຮຽກຮ້ອງຕ້ອງການອັນໃໝ່ຕັ້ງບັນຫາຂື້ນມາ ສຳລັບວຽກງານໂຄສະນາ, ອົບຮົມ ຂອງສອງແຂວງ, ສອງຝ່າຍ ໄດ້ປຶກສາຫາລື ແລະ ເປັນເອກະພາບນຳກັນ ບັນດາເນື້ອໃນຮ່ວມມື ໃນອານາຄົດດັ່ງຕໍ່ໄປນີ້: ສືບຕໍ່ເພີ່ມທະວີການຮ່ວມມື, ແລກປ່ຽນຂໍ້ມູນຂ່າວສານ, ປະສົບການ, ໂດຍສະເພາະແມ່ນໂຄສະນາເຜີຍແຜ່ ຜ່ານເຄືອຄ່າຍອິນເຕີແນັດ; ສືບຕໍ່ຍູ້ແຮງວຽກງານໂຄສະນາ, ສຶກສາອົບຮົມ ໃຫ້ຖັນແຖວພະນັກງານ, ກຳລັງປະກອບອາວຸດ ແລະ ປະຊາຊົນຂອງສອງແຂວງ ກ່ຽວກັບສາຍພົວພັນມິດຕະພາບ, ສາມັກຄີພິເສດ ລະຫວ່າງ ສອງປະເທດ ຫວຽດນາມ-ລາວ ແລະ ລະຫວ່າງ ແຂວງກວ້າງຈິ ແລະ ສະຫວັນນະເຂດ: ເປັນເອກະພາບຈະສະໜອງໃຫ້ແກ່ກັນ ຕົວເລກຂອງການຄົ້ນຄວ້າ, ອ້າງອີງ; ຍູ້ແຮງໂຄສະນາຜົນສຳເລັດ ໃນການຈັດຕັ້ງປະຕິບັດບົດບັນທຶກສັນຍາຂັ້ນສູງ ລະຫ່າງ ສອງແຂວງກວ້າງຈິ -ສະຫວັນນະເຂດ ໄລຍະ 2017-2019 ແລະ ເນື້ອໃນບົດບັນທຶກສັນຍາ ໄລຍະ 2020-2022. ປຸກລະດົມພະນັກງານ, ສະມາຊິກພັກ ແລະ ປະຊາຊົນ ຈັດຕັ້ງປະຕິບັດເປັນຢ່າງດີ ບັນດາເນື້ອໃນຂອງສັນຍາ; ທັງສອງຝ່າຍເຫັນດີເປັນເອກະພາບສຶກສາຄົ້ນຄວ້າ ເພື່ອຂໍທິດຊີ້ນຳຂອງຄະນະປະຈຳພັກແຂວງສອງຝ່າຍກ່ຽວກັບການຮ່າງ ແລະ ພິມຈຳໜ່າຍປຶ້ມປະຫັວດສາດ ສາຍພົວພັນພິເສດ ກວ້າງຈິ-ສະຫວັນນະເຂດ.
ພິເສດ ໃນການຢ້ຽມຢາມ ແລະ ເຮັດວຽກຄັ້ງນີ້, ຄະນະປະຕິບັດງານຄະນະໂຄສະນາແຂວງກວ້າງຈິ ໄດ້ມີການເຮັດວຽກ, ແລກປ່ຽນບົດຮຽນໃນການໂຄສະນາ ຜ່ານເຄືອຄ່າຍອິນເຕີແນັດ ເປັນຕົ້ນແມ່ນ: ສ້າງກຸ່ມນັກວິຊາການຂັ້ນແຂວງ; ສ້າງຖັນແຖວພະນັກງານຄູ່ຮ່ວມມືທຸກຂັ້ນ; ພື້ຖານວັດຖຸ, ພາຫະນະສຳຄັນໃນການຮັບໃຊ້ການເຄື່ອນໄຫວໂຄສະນາ. ພ້ອມກັນນັ້ນກໍ່ເຫັນດີເປັນເອກະພາບສືບຕໍ່ເພີ່ມທະວີການຮ່ວມມື, ແລກປ່ຽນຂໍ້ມູນຂ່າວສານ, ບົດຮຽນ ແລະ ປະສານສົມທົບວຽກງານໃນອານາຄົດ.
（ຫັດທະບູນ）
