ສະມາຄົມນັກຮົບເກົ່າ ເຊີນ ລາ ແລະ ສະມາຄົມນັກຮົບເກົ່າ ແຂວງ ຫົວພັນ ໄດ້ລົງນາມບົດບັນທຶກວຽກງານ. (ພາບ: baosonla)

ບົນເນື້ອໃນຈິດໃຈ ແຫ່ງມິດຕະພາບພິເສດ, ໃນກອງປະຊຸມ, ສະມາຄົມນັກຮົບເກົ່າ ສອງແຂວງ ໄດ້ແຈ້ງໃຫ້ກັນຮູ້ ກ່ຽວກັບສະພາບການພັດທະນາເສດຖະກິດ - ສັງຄົມ ຂອງແຕ່ລະແຂວງ, ພ້ອມກັນນັ້ນ ສອງຝ່າຍໄດ້ແລກປ່ຽນບົດຮຽນໃນການເຄື່ອນໄຫວວຽກງານ ສະມາຄົມ ແລະ ເຫັນດ້ວຍກັນເນື້ອໃນການຮ່ວມມື. ໃນອານາຄົດ, ທັງສອງຝ່າຍສືບຕໍ່ປະສານງານການໂຄສະນາເຜີຍແຜ່ໃຫ້ແກ່ ພະນັກງານ ແລະ ສະມາຊິກສະມາຄົມ ກ່ຽວກັບໃມູນເຊື້ອຄວາມສາມັກຄີມິດຕະພາບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ສະມາຄົມ ນັກຮົບເກົ່າ; ການແລກປ່ຽນຂໍ້ມູນຂ່າວສານ, ເອກະສານ, ໂດຍສະເພາະ ແມ່ນສິ່ງຂອງທີ່ລະນຶກ ແລະ ອັດຖິ ຂອງ ທະຫານ, ອາສາສະໝັກ ແລະ ຜູ້ຊ່ຽວຊານ ຫວຽດນາມ ທີ່ເສຍຊີວິດໃນແຂວງຫົວພັນ ແລະ ໃນປະເທດລາວ; ແລກປ່ຽນບົດຮຽນກ່ຽວກັບວິທີການຈັດຕັ້ງ ສະມາຄົມນັກຮົບເກົ່າແຕ່ຂັ້ນແຂວງ ລົງໄປຈົນຮອດຂັ້ນທ້ອງຖິ່ນ; ເຜີຍແຜ່ຢ່າງຕັ້ງຫນ້າ ການຂົນຂວາຍປະຊາຊົນບັນດາຊົນເຜົ່າເຂົ້າຮ່ວມໃນການຮັກສາຄວາມປອດໄພທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນທ້ອງຖິ່ນ ລຽບຕາມແນວຊາຍແດນ.

（ຄຳຮຸ່ງ）