ຕອນແລງຂອງວັນທີ 27 ມິຖຸນາ ຢູ່ທີ່ບ້ານ ເກື້ອລໍ່ ໄດ້ດຳເນີນພິທີເຊັນສັນຍາ ໂຄງການການຮ່ວມມືວຽກງານ ລະຫວ່າງ ສະມາຄົມນັກຮົບເກົ່າ ເຫງະອານ ແລະ ສະມາຄົມ ນັກຮົບເກົ່າ ຊຽງຂວາງ (ລາວ). ທ່ານພົນຕີ ຫງວ໋ຽນດິ່ງມິງ -ປະທານສະມາຄົມນັກຮົບເກົ່າ ເຫງະອານ ແລະ ທ່ານພັນໂທ ແສງເພັດ ດາລາ ຮັກສາການ ປະທານສະມາຄົມ ນັກຮົບເກົ່າ ຊຽງຂວາງ ຮ່ວມເປັນປະທານກອງປະຊຸມ.
 |
ບັນຍາການກອງປະຊຸມ. (ພາບ: ຕ໋ຽນຮຸ່ງ)
ທີ່ກອງປະຊຸມ ທັງສອງຝ່າຍໄດ້ແລກປ່ຽນນຳກັນ ກ່ຽວກັບສະພາການຈັດຕັ້ງປະຕິບັດ, ຖອດຖອນບົດຮຽນ ແລະ ເວົ້າເຖິງບົດບາດຂອງນັກຮົບເກົ່າໃນ ສະພາບການໃໝ່ຂອງແຕ່ລະປະເທດ. ທັງສອງຝ່າຍໄດ້ໃຫ້ຮູ້ວ່າ, ທີ່ຜ່ານມາ ຈັດຕັ້ງປະຕິບັດໄດ້ດີໂດຍພື້ນຖານຕາມບົດບັນທືກຄວາມເຂົ້າໃຈ ວັນທີ 7 ພະຈິກ 2016 ທີ່ ຊຽງຂວາງ. ພິເສດ ແມ່ນ ວຽກງານສື່ສານມວນຊົນ, ສຶກສາ ພາຍໃນສະມາຄົມນັກຮົບເກົ່າ ແລະ ສາຍພົວພັນພິເສດ ລະຫວ່າງ ເຫງະອານ ແລະ ຊຽງຂວາງເວົ້າສະເພາະ, ຫວຽດນາມ ແລະ ລາວ ເວົ້າລວມ.
ກ່ຽວກັບທິດທາງໃນຕໍ່ໜ້າ, ທັງສອງຝ່າຍເຫັນດີເປັນເອກກະພາບສືບຕໍ່ການປະສານສົມທົບຢ່າງໜັກແໜ້ນໃນວຽກງານສື່ສານມວນຊົນ, ສຶກສາ ເຮັດໃຫ້ພະນັກງານ ສະມາຊິກຂອງສະມາຄົມທັງສອງຮັກສາ ເພີ່ມພູນສ້າງມູນເຊື້ອສາມັກຄີພິເສດ ການຮ່ວມມືຮອບດ້ານລະຫວ່າງສອງປະເທດເວົ້າລວມ ແລະ ສອງແຂວງເວົ້າສະເພາະ.
 |
ທ່ານພົນຕີ ຫງວ໋ຽນດິ່ງມິງ -ປະທານສະມາຄົມນັກຮົບເກົ່າ ເຫງະອານ ປາໄສທີ່ກອງປະຊຸມ. (ພາບ: ຕ໋ຽນຮຸ່ງ)
ພ້ອມກັນນັ້ນທັງສອງສືບຕໍ່ເຮັດໃຫ້ດີ ວຽກງານການປະສານງານໃນການຊອກຫາ ອັດຖິນັກຮົບທີ່ເສຍສະຫຼະ ທີ່ເປັນທະຫານອາສາ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ. ສະມາຄົມນັກຮົບເກົ່າທັງສອງແຂວງໂຍສະເພາະແມ່ນບັນດາເມືອງທີ່ມີຊາຍແດນຮ່ວມກັນ ຕ້ອງໄດ້ປະສານສົມທົບແລກປ່ຽນບົດຮຽນນຳກັນກ່ຽວກັບການກໍ່ສ້າງ, ເຄື່ອນໄຫວອອກແຮງຜລິດຜົນ, ແບບຈຳລອງຂອງການພັດທະນາເສດຖະກິດທີ່ມີປະສິດທະຜົນ.
ທີ່ກອງປະຊຸມ ສະມາຄົມນັກຮົບເກົ່າ ທັງສອງແຂວງໄດ້ຮ່ວມກັນໃຫ້ຮູ້ວ່າ: ໃນຕໍ່ໜ້າຈະສືບຕໍ່ຊີ້ນຳ ສະມາຄົມນັກຮົບເກົ່າບັນດາເມືອງເຂດຊາຍແດນ ເພີ່ມທະວີວຽກງານເກັບກຳຂໍ້ມູນ, ໃຫ້ຄຳປືກສາແກ່ອຳນາດການປົກຄອງທ້ອງຖິ່ນ, ປະສານສົບທົບດ້ານສື່ສານມວນຊົນ, ເຂົ້າຮ່ວມວຽກງານປ້ອງກັນຄວາມສະຫງົບສັງຄົມ, ຄວາມສະຫງົບດ້ານການເມືອງລຽບຕາມຊາຍແດນ. ຕໍ່ສູ້ຕີຖອຍ ມ້າງທຳລາຍ ແຜນການແບ່ງແຍກ, ມ້າງເພທຳລາຍຂອງສັດຕູ, ກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ ແລະ ພັດທະນາ.
 |
ທ່ານພັນໂທ ແສງເພັດ ດາລາ ຮັກສາການ ປະທານສະມາຄົມ ນັກຮົບເກົ່າ ຊຽງຂວາງ ປາໄສທີ່ກອງປະຊຸມ. (ພາບ: ຕ໋ຽນຮຸ່ງ)
ການເຊັນສັນຍາໃນໂຄງການປະສານງານ ແມ່ນໜື່ງໃນບັນດາການເຄື່ອນໄຫວທີ່ກຳລັງດຳເນີນການໃນການຢ້ຽມຢາມ ແລະ ເຮັດວຽກຂອງສະຫະພັນນັກຮົບເກົ່າ ແຂວງຊຽງຂວາງ ຢູ່ເຫງະອານ ແຕ່ວັນທີ 26-29 ມິຖຸນານີ້. ກ່ອນໜ້ານີ້ຄະນະກ່ໍ່ໄດ້ໄປວາງພວງມາລາ ຈູດທູບທຽນຢູ່ ອານຸສາວະລີ ປະທານ ໂຮ່ຈີ໋ມິງ ຢູ່ທີ່ ເຂດປູນີຍະສະຖານ ກິມລຽນ, ຢ້ຽມຊົມ ແບບຈຳລອງເສດຖະກິດຂອງນັກຮົບເກົ່າ ແຂວງເຫງະອານ.
（ຫັດທະບູນ）
