ອີງຕາມເນື້ອໃນທີ່ໄດ້ຍົກອອກໃນມະຕິກອງປະຊຸມລັດຖະບານປະຈຳເດືອນ ພຶດສະພາ ປີ 2019, ລັດຖະບານໄດ້ຮຽກຮ້ອງມາຍັງບັນດາກະຊວງ, ຂະແໜງການ, ທ້ອງຖິ່ນຕ່າງໆເປັນເຈົ້າການ, ແລະ ມີພິບໄຫວ ໃນການຮັບມືກັບການຜັນແປຂອງສະພາບການສາກົນ ແລະ ພາຍໃນປະເທດຢ່າງທັນການ; ບັນດາກະຊວງ, ອົງການ, ທ້ອງຖິ່ນຕ່າງໆຕ້ອງສືບຕໍ່ຍູ້ແຮງການສ້າງໂຄງປະກອບ ພື້ນຖານເສດຖະກິດ ແລະ ໂຄງປະກອບບັນດາຂະແໜງການ, ຂົງເຂດການຄຸ້ມຄອງຄືນໃໝ່.
 |
ກອງປະຊຸມລັດຖະບານປະຈຳເດືອນ ພຶດສະພາ ປີ 2019.
ມະຕິໄດ້ຊີ້ບອກຢ່າງຈະແຈ້ງວ່າ: ກະຊວງແຜນການ ແລະ ການລົງທຶນ ຮີບເຮັ່ງປະຕິບັດຍຸດທະສາດດຶງດູດທຶນ FDI ໃຫ້ມີປະສິດທິຜົນ, ສືບຕໍ່ດຶງດູດທຶນ FDI ທີ່ມີເຕັກໂນໂລຢີສູງ, ຮີບເຮັ່ງຍື່ນສະເໜີແຜນການຫັນລັດວິສາຫະກິດເປັນບໍລິສັດຫຸ້ນສ່ວນ ໄລຍະ 2019 – 2020 ຂື້ນເຖິງ ນາຍົກລັດຖະມົນຕີ ເພື່ອອະນຸມັດ. ກະຊວງອຸດສາຫະກຳ ແລະ ການຄ້າ ສືບຕໍ່ມີວິທີການຫັນຕະຫຼາດເປັນຫຼາຍຮູບຫຼາຍແບບ, ສຸມໃສ່ພັດທະນາຕະຫຼາດພາຍໃນປະເທດ; ຍາດແຍ່ງໂອກາດຈາກບັນດາ ສັນຍາການຄ້າເສລີທີ່ໄດ້ຮັບການລົງນາມແລ້ວ ແລະ ຊຸກຍູ້ວິວັດການໃຫ້ສັດຕະຍາບັນສັນຍາການຄ້າເສລີລະຫວ່າງ ຫວຽດນາມ - ສະຫະພາບ ເອີລົບ (EVFTA).
（ຄຳຮຸ່ງ）
