ສະຫະພັນບັນດາສະມາຄົມມິດຕະພາບ

ບຸນ​ເຕັດ​ໃຫ້​ແກ່​ກຳ​ມະ​ກອນ, ຊາວ​ຜູ້​ອອກແຮງ​ງານ​ທຸກ​ຍາກ, ເດັກ​ນ້ອຍຢູ່​ເຂດ​ຊາຍ​ແດນ

11:45 | 10/01/2020

ຍສໝ - ເມື່ອບໍ່ດົນມານີ້, ຢູ່ແຂວງກຽນຢາງ, ສະຫະພັນແຮງງານ ເມືອງ ຟູ໊ກ໊ວກ ໄດ້ຈັດຕັ້ງ “ບຸນເຕັດແຫ່ງການເຕົ້າໂຮມ” ຮັບຕ້ອນລະດູບານໃໝ່ປີຊວດ 2020 ໃຫ້ແກ່ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກທີ່ພວມດຳລົງຊີວິດ ແລະ ເຮັດວຽກຢູ່ ເມືອງເກາະດັ່ງກ່າວ.

ບຸນ​ເຕັດ​ໃຫ້​ແກ່​ກຳ​ມະ​ກອນ, ຊາວ​ຜູ້​ອອກແຮງ​ງານ​ທຸກ​ຍາກ, ເດັກ​ນ້ອຍຢູ່​ເຂດ​ຊາຍ​ແດນ

ບຸນ​ເຕັດ​ໃຫ້​ແກ່​ກຳ​ມະ​ກອນ, ຊາວ​ຜູ້​ອອກແຮງ​ງານ​ທຸກ​ຍາກ, ເດັກ​ນ້ອຍຢູ່​ເຂດ​ຊາຍ​ແດນ.(ພາບ:vietnamplus.vn)

ລາຍການ “ບຸນເຕັດແຫ່ງການເຕົ້າໂຮມ” ເປັນການສະແດງໃຫ້ເຫັນຄວາມເອົາໃຈໃສ່ເບິ່ງແຍງດູແລ ຂອງອົງການຈັດຕັ້ງກຳມະບານທີ່ມີຕໍ່ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກ ເນື່ອງໃນໂອກາດບຸນເຕັດວຽນມາເພື່ອໃຫ້ ກຳມະກອນ, ຊາວຜູ້ອອກແຮງງານ ແຕ່ລະຄົນລ້ວນແຕ່ໄດ້ຕ້ອນຮັບມີບຸນເຕັດທີ່ອົບອຸ່ນ, ມີຄວາມເບີກບານມ່ວນຊື່ນ ແລະ ມີຄວາມຜາສຸກ.

ວັນທີ 8 ມັງກອນ, ສະມາຄົມນັກຂ່າວ ຫວຽດນາມ ໄດ້ສົມທົບກັບວິທະຍຸກະຈາຍສຽງ ຫວຽດນາມ ຈັດຕັ້ງລາຍການ “ນຳເອົາລະດູບານໃໝ່ມາໃຫ້ນ້ອງ” ຄັ້ງທີ 3, ຢູ່ ຮ່າໂນ້ຍ, ດ້ວຍຫົວຂໍ້ວ່າ “ລະດູບານໃໝ່ຢູ່ເຂດຊາຍແດນ - ຕໍ່ກໍາລັງແຮງຊ່ວຍເຫຼືອພວກນ້ອງໄປໂຮງຮຽນ”. ລາຍການແມ່ນເປັນການແບ່ງປັນ, ຕໍ່ກໍາລັງແຮງຊ່ວຍເຫຼືອພວກນ້ອງໆນັກຮຽນຢູ່ເມືອງຊາຍແດນຂອງບັນດາແຂວງທາງພາກກາງຄື ແທັງຮ໊ວາ, ເງະອານ, ຮ່າຕິງ ແລະ ອື່ນໆ ໄດ້ໄປໂຮງຮຽນ.

ກໍ່ໃນວັນດຽວກັນ, ສະພາປົກປ້ອງ - ກອງທຶນປົກປ້ອງ ເດັກນ້ອຍແຂວງບິ່ງເຢືອງໄດ້ຈັດຕັ້ງລາຍການ “ລະດູບານໃໝ່ກັບ ເດັກນ້ອຍທີ່ປະສົບກັບຄວາມຫຍຸ້ງຍາກ” ຄັ້ງທີ XIII ປີ 2020 ຢູ່ແຂວງບິ່ງເຢືອງ ສສ ຫວຽດນາມ. ໃນໂອກາດນີ້, ບັນດາຜູ້ໃຈບຸນ, ໃຈກຸສົນ, ວິສາຫະກິດ ຢູ່ ແຂວງບິ່ງເຢືອງໄດ້ມອບເງິນ 6,7 ຕື້ດົ່ງໃຫ້ແກ່ກອງທຶນປົກປ້ອງ ເດັກນ້ອຍ ແຂວງບິ່ງເຢືອງ ເພື່ອແນໃສ່ປະກອບສ່ວນຊ່ວຍເຫຼືອເດັກນ້ອຍດ້ອຍໂອກາດ ໄດ້ຕ້ອນຮັບບຸນເຕັດ ແລະ ມີເງື່ອນໄຂຮ່ຳຮຽນທີ່ດີກ່ວາອີກໃນໄລຍະຈະມາເຖິງ.

(ໄຊພອນ)

ເຫດການ