ກອງປະຊຸມດ້ວຍຫົວຂໍ້ “ການເຊື່ອມໂຍງຢ່າງເລິກເຊິ່ງກ້ວາງຂວາງ, ມີຄວາມປອງດອງ ແລະ ຍືນຍົງກ່ວາອີກ” ໂດຍມີການເຂົ້າຮ່ວມຂອງລັດຖະມົນຕີບັນດາປະເທດ GMS. ນີ້ແມ່ນເຫດການເພື່ອແນໃສ່ກະກຽມໃຫ້ແກ່ກອງປະຊຸມສຸດຍອດ GMS ຄັ້ງທີ 7 ເຊິ່ງຈະຈັດຂຶ້ນໃນປີ 2021 ໂດຍກຳປູເຈຍຈັດຕັ້ງ. ທ່ານ ຫວຸດ້າຍທັ້ງ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງນີ້.
 |
ທ່ານ ຫວຸດ້າຍທັ້ງ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມກ່າວຄຳເຫັນທີ່ກອງປະຊຸມ (ພາບ: TTXVN)
ທີ່ກອງປະຊຸມ, ບັນດາຜູ້ແທນໄດ້ປຶກສາຫາລື ແລະ ພິຈາລະນາຄືນບັນດາເອກະສານແມ່ຍຸດທະສາດໃໝ່ໄລຍະຍາວຂອງພາກພື້ນ GMS ເພື່ອໃຫ້ບັນດາການນຳປຶກສາຫາລື ແລະ ຮັບຮອງເອົາຢູ່ກອງປະຊຸມສຸດຍອດ GMS ຄັ້ງທີ 7. ບັນດາລັດຖະມົນຕີກໍ່ປຶກສາຫາລື ກ່ຽວກັບຈຸດປະສົງ ແລະ ເນື້ອໃນໂຄງການຄົ້ນຄ້ວາຢ່າງເລິກເຊິ່ງກ້ວາງຂວາງເພື່ອແນໃສ່ຕອບສະໜອງການປະຕິບັດຍຸດທະສາດໃຫມ່ໃນພາກພື້ນ, ພິຈາລະນາບັນດາຄວາມກ້າວໜ້າທີ່ບັນລຸໄດ້ນັບແຕ່ກອງປະຊຸມ GMS ຄັ້ງກ່ອນມາຮອດປັດຈຸບັນ.
（ແຫຼ່ງຂໍ້ມູນ： VOV WORLD）
