 |
ກອງປະຊຸມສາກົນກ່ຽວກັບມະຫາສະໝຸດອິນເດຍ - ປາຊີຟິກ (ພາບ: TTXVN)
ຜູ້ແທນມາຈາກຫລາຍປະເທດໄດ້ສະແດງຄວາມວິຕົກກັງວົນກ່ຽວກັບບັນດາການຜັນແປສັບສົນໃນໄລຍະມໍ່ໆມານີ້ຢູ່ທະເລຕາເວັນອອກ, ຢັ້ງຢືນຄືນໃໝ່ເຖິງຄວາມສຳຄັນຂອງທະເລຕາເວັນອອກ ກໍ່ຄືການເຄົາລົບກົດໝາຍສາກົນໃນການແກ້ໄຂບັນດາຄວາມເຄັ່ງຕຶງຢູ່ທະເລຕາເວັນອອກ. ຕາມທ່ານປະລິນຍາເອກ ໂຕແອັງຕ໊ວນ, ຮອງຫົວໜ້າສະຖາບັນທະເລຕາເວັນອອກ ສັງກັດສະຖາບັນການຕ່າງປະເທດຂອງ ຫວຽດນາມ ໃຫ້ຮູ້ວ່າ, ໃນຈຳນວນບັນດາບັນຫາທະເລຢູ່ພາກພື້ນມະຫາສະໝຸດອິນເດຍ - ປາຊີຟິກ, ບັນດາການຂັດແຍ້ງຢູ່ທະເລຕາເວັນອອກໄດ້ນາບຂູ່ສັນຕິພາບ ແລະ ຄວາມໝັ້ນຄົງຢູ່ພາກພື້ນຢ່າງຮ້າຍແຮງທີ່ສຸດ. ສາຍເຫດກ່ອນອື່ນໝົດແມ່ນຍ້ອນ ຈີນ ເປັນສະມາຊິກຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS), ແຕ່ພັດປະຕິເສດການເຄົາລົບ, ປະຕິບັດພັນທະດ້ານນິຕິທຳຕາມ UNCLOS, ທ້າທາຍຄຸນຄ່າຂອງ UNCLOS. ນອກນັ້ນ ຄວາມໝັ້ນຄົງຂອງທະເລຕາເວັນອອກ ໄດ້ສົ່ງຜົນສະທ້ອນຕໍ່ຄວາມໝັ້ນຄົງຂອງມະຫາສະໝຸດອິນເດຍ ແລະ ປາຊີຟິກອີກດ້ວຍ.
 |
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ
ວັນທີ 25 ຕຸລາ ປີ 2019, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ: ກ່ຽວຂ້ອງເຖິງການເຄື່ອນໄຫວຂອງກ່ຳປັ່ນສຳຫລວດທໍລະນີ ໄຮ້ຢາງ 8 ຂອງ ຈີນ, ໂຄສົກກະຊວງການຕ່າງປະເທດ ຫວຽດນາມ ໄດ້ສະແດງທັດສະນະເປັນຫລາຍຄັ້ງແລ້ວ. ທຸກການເຄື່ອນໄຫວຢູ່ໃນເຂດທະເລ ຫວຽດນາມ ໄດ້ກຳນົດຢູ່ໃນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ຖ້າບໍ່ໄດ້ຮັບການອະນຸຍາດຂອງລັດຖະບານ ຫວຽດນາມ ທຸກການກະທຳລ້ວນແຕ່ແມ່ນລະເມີດສິດອຳນາດອະທິປະໄຕ ແລະ ສິດອຳນາດສານຂອງ ຫວຽດນາມ. ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຕ້ອງເຄົາລົບອະທິປະໄຕ, ບັນດາສິດອຳນາດອະທິປະໄຕ, ສິດອຳນາດສານຂອງຫວຽດນາມ ແລະບໍ່ມີການລະເມີດຄືແບບນີ້ອີກ”.
（ໄຊພອນ）
