 |
USS Wayne E. Meyer ຢູ່ໃກ້ກັບຮວ່າງຊາ.ວຽກງານສິລະປະ: ກອງທັບເຮືອສະຫະລັດ
ເຮືອຮົບອາເມລິກາໄດ້ເຂົ້າມາໃກ້ ໝູ່ເກາະ , ຈີນ ມີປະຕິກິລິຍາແນວໃດ?
ກອງທັບສະຫະລັດອາເມລິກາ ໄດ້ຢັ້ງຢືນຕໍ່ສຳ ນັກຂ່າວ Reuters, CNN ວ່າ: ເຮືອຂັບໄລ່ບັນທຸກລູກສອນໄຟນຳວິຖີ Wayne E. Meyer ໄດ້ເຂົ້າໄປໃກ້ "ໝູ່ ເກາະ" ຂອງ ໝູ່ ເກາະ, ເປັນການກະທຳທີ່ ຈະເຮັດໃຫ້ຈີນ ໂກດແຄ້ນ.
ພາຍຫຼັງຈາກການກະທຳຂອງສະຫະລັດອາເມລິກາ, ກະຊວງປ້ອງກັນປະເທດຈີນ ໄດ້ອອກຖະແຫຼງການໂດຍ ຕອບໂຕ້ທັນທີວ່າ "ເຮືອຮົບຂອງສະຫະລັດອາເມລິກາໄດ້ລຸກລຳ້ເຂົ້າໄປໃນໝູ່ເກາະ ໂດຍບໍ່ໄດ້ຮັບອະນຸຍາດຈາກຈີນ", ຕາມການລາຍງານຂອງ CNN.
ໃນຂະນະນັ້ນ, ໝູ່ເກາະ ແມ່ນຂຶ້ນກັບອະທິປະໄຕທີ່ບໍ່ສາມາດໂຕ້ຖຽງໄດ້ຂອງຫວຽດນາມ.
ໂຄສົກຂອງກອງບັນຊາການທະຫານພາກໃຕ້ຂອງກອງທັບຈີນ, ທ່ານ ຫຼີ ຫົວໝັນ ໄດ້ຕຳໜິ ສະຫະລັດອາເມລິກາ ທີ່ໄດ້ເລີ່ມການເຄື່ອນໄຫວເພື່ອປະຕິບັດ "ແຜ່ອຳນາດທາງທະເລ" ໃນທະເລຈີນໃຕ້ ເປັນເວລາດົນນານ. ການກະທຳດັ່ງກ່າວແມ່ນກຳລັງ "ລະເມີດອະທິປະໄຕຂອງຈີນຢ່າງຮຸນແຮງ" ແລະ ສະແດງໃຫ້ເຫັນວ່າຝ່າຍອາເມລິກາ "ຂາດຄວາມຈິງໃຈຢ່າງແທ້ຈິງ" ໃນຄວາມພະຍາຍາມເພື່ອປົກປັກຮັກສາສັນຕິພາບໂລກ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ. - ສຳນັກຂ່າວ CNN ລາຍງານ.
ເຮືອຮົບສະຫະລັດທ້າທາຍຈີນສອງຄັ້ງ
ເຮືອຮົບ Wayne E. Meyer ຂອງສະຫະລັດ ໄດ້ເຂົ້າມາໄກ້ໝູ່ເກາະ ປາຣາແຊວ ພາຍໃຕ້ອະທິປະໄຕຂອງຫວຽດນາມ ກຳລັງຖືກຈີນ ຍຶດຄອງ ເກີດຂື້ນໃນຂະນະທີ່ຄວາມເຄັ່ງຕຶງ ລະຫວ່າງ ສະຫະລັດອາເມລິກາ - ຈີນເພີ່ມຂື້ນຍ້ອນສົງຄາມການຄ້າ ແລະ ປະຕິກິລິຍາຂອງວໍຊິງຕັນໃນການຕັດສິນໃຈຂາຍອາວຸດ ໃຫ້ປະເທດ ໄຕ້ຫວັນ.
ເປັນຄັ້ງທີສອງໃນຮອບສອງອາທິດ, ເຮືອຮົບ Wayne E. Meyer ໄດ້ປະກົດຕົວຢູ່ທະເລຈີນໃຕ້ເພື່ອທ້າທາຍຕໍ່ຄຳຮຽກຮ້ອງອະທິປະໄຕທີ່ບໍ່ມີເຫດຜົນຂອງຈີນ.
ກ່ອນໜ້ານັ້ນ, ໃນວັນທີ 28 ສິງຫາ, ເຮືອຮົບສະຫາລັດອາເມລິກາ Wayne E. Meyer ເຄີຍເຂົ້າມາລາດຕະເວນໃນຂອບເຂດ 12 ໄມທະເລ ອ້ອມຮອບໝູ່ເກາະ ສະເປຼດລີ້ ຂອງຫວຽດນາມ. ນີ້ແມ່ນຄັ້ງທຳອິດທີ່ ເຮືອຮົບອາເມລິກາໄດ້ເຂົ້າມາໄກ້ກັບເກາະທຽມ 2 ແຫ່ງ ທີ່ຖືກ ປັກກິ່ງຍຶດຄອງໂດຍຜິດກົດໝາຍໃນທະເລຈີນໃຕ້.
ໂຄສົກຂອງກອງທັບເຮືອ 7 ຂອງທະຫານສະຫະລັດອາເມລິກາ ທ່ານນາງ Reann Mommsen ໄດ້ກ່າວເນັ້ນໜັກ ກັບສຳນັກຂ່າວ Reuters ວ່າ: ການປະກົດຕົວ ຂອງ USS Wayne E. Meyer ເປັນຄຳທ້າທາຍຂອງສະຫະລັດ ດ້ວຍການເຄື່ອນໄຫວຈຳກັດສິດການເດີນທະເລທີ່ບໍ່ມີອັນຕະລາຍ ຂອງຈີນ ກໍ່ຄື ບໍ່ຍອມຮັບການປະກາດຂອງປັກກິ່ງ ຕໍ່ກັບສິ່ງທີ່ເອີ້ນວ່າ ເສັ້ນຊື່ພື້ນຖານ ຢູ່ ໝູ່ເກາະ ປາຣາແຊວ.
 |
ຮູບພາບຂອງເຮືອຮົບ USS Wayne E. Meyer USA.(ພາບ: CNN)
 |
ເ່ຮືອຮົບຂອງສະຫະລັດທ່ານ Wayne E. Meyer ເບິ່ງຈາກມຸມສູງ
ທ່ານນາງ Mommsen ຍັງໄດ້ກ່າວຫາຈີນວ່າ: ພະຍາຍາມປະກາດສິດອະທິປະໄຕໃນຫຼາຍເຂດທາງທະເລ, ນ່ານນໍ້າ, ເຂດເສດຖະກິດສະເພາະ ແລະ ເຂດໄຫຼ່ທະວີບຫຼາຍກ່ວາສິດຕາມກົດໝາຍສາກົນທີ່ປະເທດນີ້ມີ.
ມີຫຼາຍສິ່ງໃນໝູ່ເກາະທັງສອງແຫ່ງຄື: ໝູ່ເກາະ ປາຣາແຊວ ແລະ ສະເປຼດລີ້ ຂອງຫວຽດນາມ ທີ່ຖືກຈີນຄອບຄອງຢ່າງຜິດກົດໝາຍ ແລະ ປັບປຸງກໍ່ສ້າງເປັນເກາະທຽມ.
ຫວຽດນາມຍາມໃດກໍ່ຢັ້ງຢືນອະທິປະໄຕທີ່ບໍ່ສາມາດໂຕ້ຖຽງໄດ້ ສຳລັບ ໝູ່ເກາະ ປາຣາແຊວ ແລະ ສະເປຼດສີ້ ດ້ວຍຫຼັກຖານທາງປະຫວັດສາດ ແລະ ກົດໝາຍ ທີ່ຈະແຈ້ງຊັດເຈນ; ພ້ອມກັນນັ້ນ, ກໍ່ເຄົາລົບ ແລະ ຮັບປະກັນສິດການເຄື່ອນໄຫວເສລີໃນການເດີນເຮືອ; ຊົມເຊີຍຕໍ່ການກະທຳທີ່ປະກອບສ່ວນເຂົ້າໃນການສ້າງສັນຕິພາບ ແລະ ຄວາມໝັ້ນຄົງຂອງພາກພື້ນຂອງບັນດາປະເທດໃນທະເລຈີນໃຕ້.
ເມື່ອບໍ່ດົນມານີ້ສະຖານະການຂອງທະເລຈີນໃຕ້, ເຄັ່ງຕຶງຂຶ້ນເມື່ອກຸ່ມ ສຳຫຼວດທໍລະນີສາດ ຫ໋າຍເຢືອງ 8 ແລະເຮືອອາລັກຂາ ຂອງຈີນ ໄດ້ບຸກລ້ຳເຂົ້າໄປໃນເຂດ ບ໋າຍ ຕື ຈິ໋ງ ຂື້ນກັບເຂດຊາຍຝັ່ງທະເລຫວຽດນາມ ທາງພາກໃຕ້ຂອງທະເລຈີນໃຕ້ໃນຕົ້ນເດືອນກໍລະກົດ 2019. ຫວຽດນາມຢັ້ງຢືນວ່ານີ້ແມ່ນຂອບເຂດທະເລອະທິປະໄຕ ແລະ ສິດອຳນາດຂອງຫວຽດນາມ, ໄດ້ກຳນົດໄວ້ໃນຂໍ້ກຳນົດຂອງສົນທິສັນຍາສະຫະປະຊາຊາດ ວ່າດ້ວຍ ກົດໝາຍທະເລ ປີ 1982 (UNCLOS).
（ຫັດທະບູນ）
