ຫວຽດນາມ ມຸ່ງໄປເຖິງການເຕີບໂຕສອງຕົວເລກ ພ້ອມກັບຮັກສາສະຖຽນລະພາບເສດຖະກິດມະຫາພາກ

	ໂທລະເລກ, ຈົດໝາຍ ແລະ ສານອວຍພອນບັນດາສະຫາຍການນຳຫຼັກແຫຼ່ງຂອງ ຫວຽດນາມ
	ໜ້າ​ທີ່​ສຳ​ຄັນ​ແຖວ​ໜ້າ​ຂອງ​ລັດ​ຖະ​ບານ​ຊຸດ​ໃໝ່​ແມ່ນ​ສ້າງ​ສະ​ພາບ​ແວດ​ລ້ອມ​ພັດ​ທະ​ນາ

ຮູບປະກອບ.

ໂດຍ​ສືບ​ຕໍ່​ກອງ​ປະ​ຊຸມ​ສະ​ໄໝ​ສາ​ມັນ​ຄັ້ງ​ປະ​ຖົມ​ມະ​ເລິກ, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 16, ຕ​ອນ​ບ່າຍ​ວັນ​ທີ 09 ເມ​ສາ, ຢູ່ ຮ່າ​ໂນ້ຍ, ທ່ານ ເລ​ມິນ​ຮຶງ, ນາ​ຍົກ​ລັດ​ຖະ​ມົນ​ຕີ ຫວຽດ​ນາມ ໄດ້​ສະ​ເໜີ​ບົດ​ລ​າຍ​ງານ​ກ່ຽວ​ກັບ​ການ​ຕີ​ລາ​ຄາ​ເພີ່ມ​ເຕີມ​ໝາກ​ຜົນ​ການ​ປະ​ຕິ​ບັດ​ແຜນ​ການ​ພັດ​ທະ​ນາ​ເສດ​ຖະ​ກິດ - ສັງ​ຄົມ ແລະ ງົບ​ປະ​ມານ​​ແຫ່ງ​ລັດ ປີ 2025; ສະ​ພາບ​ການ​ປະ​ຕິ​ບັດແຜນ​ການ​ພັດ​ທະ​ນາ​ເສດ​ຖະ​ກິດ - ສັງ​ຄົມ ແລະ ງົບ​ປະ​ມານ​​ແຫ່ງ​ລັດ ປີ 2026.

ບົດ​ລາຍ​ງານ​ສະ​ແດງ​ໃຫ້​ເຫັນວ່າ ປີ 2025, ​ສາ​ມາດບັນ​ລຸ ແລະ ລ​ື່ນກາຍ 15/15 ຄາດ​ໝາຍ​ເສດ​ຖະ​ກິດ, ສັງ​ຄົມ​ຕົ້ນຕໍ. ເສດ​ຖະ​ກິດ​ມະ​ຫາ​ພາກ​ໄດ້​ຮັກ​ສາ​ເປັນ​ປົກ​ກະ​ຕິ​ໂດຍ​ພື້ນ​ຖານ, ບັນ​ດາ​ຄວາມ​ດຸ່ນ​ດ່ຽງ​ໃຫຍ່​ຂອງ​ພື້ນ​ຖານ​ເສດ​ຖະ​ກິດ​ໄດ້​ຮັບ​ປະ​ກັນ. ຂອບ​​ຂະ​ໜາດ​ພື້ນ​ຖານ​ເສດ​ຖະ​ກິດ​ບັນ​ລຸ 514 ຕື້ USD, ຢືນ​ອັນ​ດັບ​ທີ 32 ໃນ​ໂລກ… ກ່ຽວ​ກັບ​ໜ້າ​ທີ່, ມາດ​ຕະ​ການ​ແກ້​ໄຂ​ຈຸດ​ສຸມ​ໃນ​ຊຸມ​ເດືອນ​ທີ່​ຍັງ​ເຫຼືອ​ຂອງ​ປີ 2026, ທ່ານ​ນາ​ຍົກ​ລັດ​ຖະ​ມົນ​ຕີ ເລ​ມິນ​ຮຶງ ຊີ້​ແຈ້ງວ່າ:

“ເປັນ​ເອ​ກະ​ພາບ​ແນວ​ຄິດ​ຈິນ​ຕະ​ນາ​ການ, ຄວາມ​ຮັບ​ຮູ້, ຄວາມ​ຄາດ​ຫວັງ ແລະ ການ​ກະ​ທຳ ເພື່ອ​ປະ​ຕິ​ບັດ​ເປົ້າ​ໝາຍ​ບັນ​ລຸ​ລະ​ດັບ​ເຕີບ​ໂຕ​ເສດ​ຖະ​ກິດ 2 ຕົວ​ເລກ. ຊຸກ​ຍູ້​ການການ​ເຕີບ​ໂຕ​ຕິດ​ພັນ​ກັບ​ການ​ຮັກ​ສາ​ເສດ​ຖະ​ກິດ​ມະ​ຫາ​ພາກ​ໃຫ້​ເປັນ​ປົກ​ກະ​ຕິ. ລະ​ດົມ ແລະ ນຳ​ໃຊ້​ທຸກ​ແຫຼ່ງ​ກຳ​ລັງ​ໃຫ​້​ແກ່​ການ​ພັດ​ທະ​ນາ​ຢ່າງ​ມີ​ປະ​ສິດ​ທິ​ຜົນ. ກ່ຽວ​ກັບ​ການ​ຮັກ​ສາ​ເສດ​ຖະ​ກິດ​ມະ​ຫາ​ພາ​ກ​ໃຫ້​ເປັນ​ປົກ​ກະ​ຕິ, ແມ່ນ​ຕ້ອງຮັບ​ປະ​ກັບ​ບັນ​ດາ​ຄວາມ​ດຸ່ງ​ດ່ຽ​ງ​ໃຫຍ່​ຂອງ​ພື້ນ​ຖານ​ເສດ​ຖະ​ກິດ. ຕິດ​ຕາມ​ສະ​ພາບ​ການ​ຢູ່​ພາຍ​ໃນ​ປະ​ເທດ, ສາ​ກົນຢ່າງ​ໃກ້​ຊິດ, ເປັນ​ເຈ​ົ້າ​ການ​​ໃນການ​ຄາດ​ຄະ​ເນ ແລະ ມີ​ປະ​ຕ​ິ​ກິ​ລິ​​ຍາດ້ານ​ນະ​ໂຍ​ບາຍ​ຢ່າງ​ມີ​ໄຫວ​ພິບ, ທັນ​ການ. ເດັດ​​ດ່ຽວບໍ່​ປະ​ໃຫ້​ເກີດ​ຄວາມ​ຂາດ​ສະ​ຖຽນ​ລະ​ພາບມະ​ຫາ​ພາກ, ວິ​ກິດ​ການ​ເສດ​ຖະ​ກິດ​ໃນ​ທຸກ​ສະ​ພາບ​ການ”.

ແລະ​ກໍ່​ໃນ​ຕອນ​ບ່າຍ​ວັນ​ດຽວ​ກັນ, ບັນ​ດາ​ສະ​ມາ​ຊິກ​ສະ​ພາ​ແຫ່ງ​ຊາດ ໄດ້​ປຶກ​ສາ​ຫາ​ລື​ຢູ່​ໜ່ວຍ​ກ່ຽວ​ກັບ​ບັນ​ຫາ​ເສດ​ຖະ​ກິດ, ສັງ​ຄົມ, ໃນ​ນັ້ນ​ມີ​ແຜນ​ການ​ພັດ​ທະ​ນາ​ເສດ​ຖະ​ກິດ - ສັງ​ຄົມ​5 ປີ​ໄລ​ຍະ 2026 – 2030.

ຮັດແໜ້ນນ້ຳໃຈມິດຕະພາບໂດຍຜ່ານການພົບປະແລກປ່ຽນຊາວໜຸ່ມຫວຽດນາມ ແລະ ລາວ ແລະ ກຳປູເຈຍ ຍສໝ - ໃນວັນທີ 8 ເມສາ, ຄະນະກໍາມະການປະຊາຊົນແຂວງ ດົ່ງນາຍ ໄດ້ຈັດຕັ້ງການໂຮມຊຸມນຸມສະເຫຼີມສະຫຼອງບຸນປີໃໝ່ປະຈຳຊາດ (ລາວ) ແລະ Chol Chnam Thmay (ກຳປູເຈຍ), ແລະ ງານບຸນວັດທະນະທໍາມິດຕະພາບ ຫວຽດນາມ - ລາວ - ກຳປູເຈຍ ໃຫ້ແກ່ນັກສຶກສາ ລາວ ແລະ ກຳປູເຈຍ ...

ຈັດຕັ້ງບຸນປີໃໝ່ປະຈຳຊາດໃຫ້ແກ່ນັກສຶກສາ ລາວ ຢ່າງດູດດື່ມ ຍສໝ - ນັກສຶກສາລາວເກືອບ 300 ຄົນ ທີ່ພວມຮໍ່າຮຽນຢູ່ມະຫາວິທະຍາໄລສຶກສາ-ນະຄອນ ດານັງ ໄດ້ສະເຫຼີມສະຫຼອງບຸນປີໃໝ່ປະຈຳຊາດ ດ້ວຍພິທີກຳຕາມປະເພນີອັນເຕັມທີ່ດ້ວຍບັນຍາກາດອັນອົບອຸ່ນ ແລະ ເບີກບານມ່ວນຊື່ນ.