 |
ການນຳພັກ, ລັດວາງພວງມາລາອາໄລຫາບັນດານັກຮົບວິລະຊົນເສຍສະຫຼະຊີວິດເພື່ອຊາດ. (ພາບ:TTXVN)
ຕອນເຊົ້າວັນທີ 26 ກໍລະກົດ 2019, ຄະນະຜູ້ແທນຄະນະບໍລິຫານງານສູນກາງພັກ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໄປວາງພວງມາລາ, ຖະຫວາຍທູບທຽນອາໄລຫາບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດຢູ່ອະນຸສາວະລີບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ແລະ ເຂົ້າສຸສານອາໄລຫາປະທານ ໂຮ່ຈີມິງ. ເຂົ້າຮ່ວມພິທີມີທ່ານນາຍົກລັດຖະມົນຕີ ຫງວຽນຊວນຟຸກ, ທ່ານນາງປະທານສະພາແຫ່ງຊາດ ຫງວຽນທິກິມເງິນ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຈິ່ນແທັງເໝິນ ພ້ອມດ້ວຍບັນດາອະດີດການນຳພັກ, ລັດຈຳນວນໜຶ່ງ.
 |
ຄະນະຜູ້ແທນສະຖານທູດຫວຽດນາມປະຈຳລາວ.(ພາບ:TTXVN)
ວັນທີ 26 ກໍລະກົດ 2019, ສະຖານທູດຫວຽດນາມ ປະຈຳລາວ ໄດ້ສົມທົບກັບສູນກາງສະມາຄົມນັກຮົບເກົ່າລາວ ແລະ ບັນດາອົງການສຳນັກງານທີ່ກ່ຽວຂ້ອງໄປຖະຫວາຍດອກໄມ້ທູບທຽນ ສະແດງຄວາມຮູ້ບຸນຄຸນ ແລະ ອາໄລຫາບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດ ຢູ່ເຂດປູສະນີຍະສະຖານຮ່ວມສຳພັນທະມິດສູ້ຮົບລາວ-ຫວຽດນາມ ຢູ່ບ້ານເກີນ, ເມືອງທຸລະຄົມ ແຂວງວຽງຈັນ.
ຕອນຄ່ຳວັນທີ 26 ກໍລະກົດ 2019, ກະຊວງວັດທະນະທຳກິລາ ແລະ ທ່ອງທ່ຽວໄດ້ສົມທົບກັບຄະນະພັກແຂວງ, ຄະນະກຳມະການປະຊາຊົນແຂວງ ກວາງຈິ້ ຈັດຕັ້ງລາຍການ “ເສັ້ນທາງອະມະຕະ” ຢູ່ສຸສານນັກຮົບທີ່ເສຍສະຫຼະຊີວິດເພື່ອຊາດແຫ່ງຊາດທາງເລກ 9. ແລະ ກໍ່ໃນວັນທີ 26 ກໍລະກົດ 2019, ຢູ່ນະຄອນ ເກິ່ນເທິ, ແຂວງ ກອນຕຸມ ກໍ່ຈັດຕັ້ງບັນດາການເຄື່ອນໄຫວສະເຫຼີມສະຫຼອງ, ສະແດງຄວາມຮູ້ບຸນຄຸນບັນດານັກຮົບທີ່ເສຍສະຫຼະຊີວິດເພື່ອຊາດເຊັ່ນດຽວກັນ.
 |
ລາຍການສະແດງສິລະປະ “ເສັ້ນທາງອະມະຕະ” (ພາບ: TTXVN)
ຕອນເຊົ້າວັນທີ 27 ກໍລະກົດ 2019, ຄະນະຜູ້ແທນຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິງ ໂດຍທ່ານເລຂາຄະນະພັກນະຄອນ ໂຮ່ຈີມິງ ຫງວຽນທ້ຽນເຍິນ ນຳໜ້າໄປວາງພວງມາລາ, ອາໄລຫາ, ຖະຫວາຍທູບທຽນບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດຢູ່ສຸສານນັກຮົບເສຍສະຫຼະຊີວິດເພື່ອຊາດນະຄອນ ໂຮ່ຈີມິງ.
（ໄຊພອນ）
