| ລາວ: ໂຮມຊຸມນຸມລະນຶກວັນຄຽດແຄ້ນຂອງປະຊາຊົນລາວ-ວັນນັກຮົບ ເສຍອົງຄະ - ເສຍສະຫລະຊີວິດ ເພື່ອປະເທດຊາດຄົບຮອບ 75 ປີ | |
| ສະເຫຼີມສະຫຼອງວັນສ້າງຕັ້ງການທູດລາວ ຄົບຮອບ 75 ປີ |
 |
| ຜູ້ຕາງໜ້າກະຊວງແຮງງານ - ທະຫານເສຍອົງຄະ ແລະ ສັງຄົມ ພົບປະກັບຜູ້ມີຄຸນງາມຄວາມດີຕໍ່ການປະຕິວັດຢູ່ ດັກລັກ (ພາບ: Molisa) |
ນີ້ແມ່ນຂໍ້ມູນທີ່ ທ່ານນາງ ຫງວຽນທິຮ່າ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ແບ່ງປັນໃນການພົບປະຄະນະຜູ້ແທນຜູ້ມີຄຸນງາມຄວາມດີ ຢູ່ສອງແຂວງ ເງະອານ ແລະ ດັກລັກ ທີ່ ຮ່າໂນ້ຍ.
ທ່ານນາງ ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ຫງວຽນທິຮ່າ ຢັ້ງຢືນວ່າ ການໃຫ້ບຸລິມະສິດສໍາລັບຜູ້ມີຄຸນງາມຄວາມດີຕໍ່ການປະຕິວັດແມ່ນນະໂຍບາຍພິເສດຂອງພັກ, ລັດ ເພື່ອແນໃສ່ຕອບບຸນແທນຄຸນ, ເຊີດຊູຜູ້ມີຄຸນງາມຄວາມດີຕໍ່ການປະຕິວັດ. ການປະຕິບັດນະໂຍບາຍພິເສດຕໍ່ຜູ້ທີ່ມີຄຸນງາມຄວາມດີຕໍ່ການປະຕິວັດ ແມ່ນຄວາມຮັບຜິດຊອບ, ນໍ້າໃຈຂອງພັກ, ລັດ ແລະ ປະຊາຊົນສໍາລັບບັນດາຜູ້ທີ່ບໍ່ເສຍດາຍຕົນເສຍສະຫຼະຊີວິດເພື່ອເອກະລາດ ແລະ ເສລີພາບຂອງປະເທດຊາດ.
ໃນໄລຍະຜ່ານມາ, ກະຊວງແຮງງານ ທະຫານເສຍອົງຄະ ແລະ ສັງຄົມ ໄດ້ສົມທົບກັບບັນດາກະຊວງ, ຂະແໜງການ, ທ້ອງຖິ່ນຜັນຂະຫຍາຍບັນດານະໂຍບາຍກ່ຽວກັບຜູ້ທີ່ມີຄຸນງາມຄວາມດີຕໍ່ການປະຕິວັດຄື ປັບປຸງ, ເພີ່ມເງິນໜູນຊ່ວຍ, ເງິນອຸດໜູນສຳລັບບັນດາເປົ້າໝາຍນະໂຍບາຍ; ລະບອບການປິ່ນປົວບໍາລຸງ, ເບິ່ງແຍງດູແລຜູ້ທີ່ມີຄຸນງາມຄວາມດີຕໍ່ການປະຕິວັດ; ບຸລິມະສິດແຫຼ່ງກຳລັງເພື່ອສ້າງ, ບູລະນະບັນດາໂຄງການຈາລຶກຄຸນງາມຄວາມດີຂອງນັກຮົບເສຍສະຫຼະຊີວິດເພື່ອຊາດ; ຍູ້ແຮງວຽກງານຊອກຫາ, ທ້ອນໂຮມອັດຖິກະດູກຂອງນັກຮົບເສຍສະຫຼະຊີວິດເພື່ອຊາດທີ່ຍັງຂາດຂໍ້ມູນ…
ຫອມມາລາ
