ໃນການພົບປະເຈລະຈາ, ທ່ານ ຫງວ໋ຽນ ຊົນ ຟຸກ ນາຍົກລັດຖະມົນຕີຫວຽດນາມ ຢັ້ງຢືນວ່າ: ຫວຽດນາມ ຍາມໃດກໍ່ຖືເປັນສຳຄັນໃນການຊຸກຍູ້ສາຍພົວພັນຮ່ວມມືອັນເລິກ, ເຊິ່ງກ້ວາງຂວາງ ກັບ ສ.ເກົາຫຼີ, ທ່ານມີຄວາມມຸ້ງມາດປາດຖະໜາ ຢາກຮ່ວມປະສານສົມທົບກັບ ສ.ເກົາຫຼີ ໃຫ້ແໜ້ນແຟ້ນຂື້ນຕື່ມ ເພື່ອແນໃສ່ພັດທະນາສາຍພົວພັນຄູ່ຮ່ວມມືຍຸດທະສາດ ລະຫວ່າງສອງປະເທດ ໃຫ້ຂຶ້ນສູ່ບາດກ້າວໃໝ່ສູງກວ່າເກົ່າ. ລັດຖະບານ ຫວຽດນາມ ຍາມໃດກໍ່ເອົາໃຈໃສ່, ແກ້ໄຂບັນດາບັນຫາທີ່ກ່ຽວຂ້ອງກັບວິສາຫະກິດ ສ.ເກົາຫຼີ ຢູ່ ຫວຽດນາມ ຢ່າງຈິງໃຈ.
 |
ທ່ານ Kim Hack Yong ປະທານກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ - ຫວຽດນາມ ແລະທ່ານາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: baochinhphu)
ພ້ອມນີ້, ທ່ານນາຍົກລັດຖະມົນຕີ ກໍ່ຍັງຫວັງເປັນຢ່າງຍິ່ງວ່າ: ສ.ເກົາຫຼີ ຈະສືບຕໍ່ໜູນຊ່ວຍ ຫວຽດນາມ ໃນຂົງເຂດຕ່າງໆ, ໃນນັ້ນມີຂົງເຂດປ້ອງກັນຊາດ, ກິລາ (ເປັນຕົ້ນແມ່ນບານເຕະ). ການສະໜັບສະໜູນນີ້ແມ່ນລ້ຳຄ່າທີ່ສຸດສຳລັບ ຫວຽດນາມ. ທ່ານນາຍົກລັດຖະມົນຕີສະເໜີໃຫ້ສອງຝ່າຍມານະພະຍາຍາມຂື້ນຕື່ມ, ປະກອບສ່ວນຢ່າງສຸດຄວາມສາມາດຂອງຕົນ ເຂົ້າໃນການເພີ່ມພູນຄູນສ້າງ, ພັດທະນາສາຍພົວພັນ ລະຫວ່າງ ຫວຽດນາມ - ສ.ເກົາຫຼີ ໃຫ້ໝັ້ນຄົງທະນົງແກ່ນ.
ສ່ວນທ່ານ Kim Hack Yong ປະທານກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ - ຫວຽດນາມ ມີຄວາມມຸ້ງຫວັງໃຫ້ສອງຝ່າຍຮ່ວມແຮງຮ່ວມໃຈກັນ ເພື່ອໃຫ້ຊາວຫວຽດນາມ ທີ່ກຳລັງດຳລົງຊີວິດ ຢູ່ ສ.ເກົາຫຼີ ແລະ ຊາວສ.ເກົາຫຼີ ທີ່ກຳລັງດຳລົງຊີວິດຢູ່ ຫວຽດນາມ ໄດ້ຮັບມີຊີວິດທີ່ດີຂື້ນກ່ວາເກົ່າ. ທ່ານໄດ້ໃຫ້ຮູ້ວ່າ ທ້າຍປີນີ້, ສ.ເກົາຫຼີຈະຈັດຕັ້ງກອງປະຊຸມຂັ້ນສູງສະເຫຼີມສະຫຼອງ 30 ປີ ແຫ່ງວັນສ້າງຕັ້ງສາຍພົວພັນ ອາຊຽນ - ສ.ເກົາຫຼີ. ສ.ເກົາຫຼີ ດັ່ງນັັ້ນຈິ່ງເປັນກຽດຮຽນເຊີນມາຍັງທ່ານນາຍົກລັດຖະມົນຕີ ທ່ານ ຫງວ໋ຽນ ຊົນ ຟຸກ ເຂົ້າຮ່ວມງານດັ່ງກ່າວ. ທ່ານ Kim Hack Yong ກໍ່ສະແດງໃຫ້ເຫັນຄວາມຕັດສິນໃຈ ມານະພະຍາຍາມຢ່າງແຮງກ້າ ຮ່ວມກັບບັນດາສະມາຊິກໃນກຸ່ມປະກອບສ່ວນຢ່າງຕັ້ງໜ້າເຂົ້າການພັດທະນາສາຍພົວພັນລະຫວ່າງ ສອງປະເທດ.
（ຄຳຮຸ່ງ）
