ນະໂຍບາຍບູລິມະສິດຕ່າງໆສໍາລັບວິສາຫະກິດວິທະຍາສາດ ແລະ ເຕັກໂນໂລຢີ

ນະໂຍບາຍບູລິມະສິດຕ່າງໆສໍາລັບວິສາຫະກິດວິທະຍາສາດ ແລະ ເຕັກໂນໂລຢີ

ໂດຍສະເພາະແມ່ນໃນການຍົກເວັ້ນ ແລະ ຫຼຸດຜ່ອນອາກອນລາຍໄດ້ຂອງວິສາຫະກິດ, ລາຍໄດ້ຂອງວິສາຫະກິດວິທະຍາສາດ ແລະ ເຕັກໂນໂລຢີ ໃນການຜະລິດ, ທຸລະກິດຜະລິດຕະພັນສໍາເລັດຮູບຈາກຜົນໄດ້ຮັບທາງວິທະຍາສາດ ແລະ ເຕັກໂນໂລຢີແມ່ນໄດ້ຮັບນະໂຍບາຍບູລິມະສິດ, ການຫຼຸດຜ່ອນອາກອນລາຍໄດ້ຂອງວິສາຫະກິດຄືວິສາຫະກິດປະຕິບັດໂຄງການລົງທຶນໃຫມ່ໃນຂົງເຂດດ້ານການຄົ້ນຄວ້າວິທະຍາສາດ ແລະ ການພັດທະນາເຕັກໂນໂລຢີ, ເປັນຕົ້ນແມ່ນ: ການຍົກເວັ້ນພາສີໃນ 4 ປີ ແລະ ການຫຼຸດຜ່ອນ 50% ຂອງອາກອນທີ່ຕ້ອງຈ່າຍສໍາລັບ 9 ປີຕໍ່ໄປ.

ລາຍຮັບ, ລາຍໄດ້ຈາກການຜະລິດ, ທຸລະກິດຂອງຜະລິດຕະພັນສໍາເລັດຮູບຈາກຜົນໄດ້ຮັບທາງວິທະຍາສາດ ແລະ ເທກໂນໂລຍີ. ລາຍຮັບ, ລາຍໄດ້ຈາກການບໍລິການທີ່ມີການນໍາໃຊ້ຜົນໄດ້ຮັບທາງວິທະຍາສາດ ແລະ ເຕັກໂນໂລຢີໃນຂົງເຂດເຕັກໂນໂລຢີສື່ສານຕ້ອງເປັນລາຍຮັບ ແລະ ລາຍໄດ້ຈາກການບໍລິການໃຫມ່. ວິສາຫະກິດວິທະຍາສາດ ແລະ ເຕັກໂນໂລຢີບໍ່ໄດ້ຮັບການຍົກເວັ້ນ ຫຼື ຫຼຸດຜ່ອນອາກອນລາຍໄດ້ຂອງວິສາຫະກິດສໍາລັບໃນປີງົບປະມານເຊິ່ງບໍ່ສາມາດຕອບສະຫນອງເງື່ອນໄຂດ້ານລາຍຮັບໃນການຜະລິດຜະລິດຕະພັນຈາກຜົນໄດ້ຮັບທາງວິທະຍາສາດ ແລະ ເຕັກໂນໂລຢີ ທີ່ບັນລຸອັດຕາຢ່າງໜ້ອຍແມ່ນ 30% ຂອງລາຍຮັບທັງຫມົດຂອງວິສາຫະກິດ. ເງື່ອນໄຂ ແລະ ກົດລະບຽບ ໃນການຈັດຕັ້ງປະຕິບັດນະໂຍບາຍບູລິມະສິດອາກອນລາຍໄດ້ວິສາຫະກິດຕ້ອງສອດຄ່ອງກັບກົດຫມາຍວ່າດ້ວຍອາກອນລາຍໄດ້ຂອງວິສາຫະກິດ ແລະ ຄຸ້ມຄອງອາກອນ.

ດໍາລັດດັ່ງກ່າວຍັງໄດ້ກໍານົດວ່າ: ວິສາຫະກິດວິທະຍາສາດ ແລະ ເຕັກໂນໂລຢີທີ່ໄດ້ຮັບການຍົກເວັ້ນ ຫຼື ຫຼຸດຜ່ອນຄ່າເຊົ່າທີ່ດິນ ແລະ ນໍ້າ ຕາມກົດຫມາຍວ່າດ້ວຍທີ່ດິນ. ພະແນກວິທະຍາສາດ ແລະ ເຕັກໂນໂລຢີແມ່ນມີຫນ້າທີ່ຮັບຜິດຊອບໃນການປະສານງານກັບອົງການທີ່ໄດ້ຮັບເອກະສານຂອງບຸກຄົນທີ່ມີສິດໃນການນໍາໃຊ້ທີ່ດິນທີ່ໄດ້ກໍານົດຕາມມາດຕາ 60 ຂອງດໍາລັດເລກທີ 43/2014/ND-CP ລົງວັນທີ 15 ພຶດສະພາ 2014 ຂອງລັດຖະບານເມື່ອກໍານົດເນື້ອທີ່ດິນທີ່ຖືກຍົກເວັ້ນ, ຫຼຸດລົງສໍາລັບຈຸດປະສົງຮັບໃຊ້ທາງວິທະຍາສາດ ແລະ ເຕັກໂນໂລຢີ. ຂັ້ນຕອນ ແລະ ເອກະສານສະເໜີໄດ້ຮັບການຍົກເວັ້ນ ຫຼື ຫຼຸດຜ່ອນຄ່າເຊົ່າທີ່ດິນ ແລະ ນໍ້າ ຕ້ອງປະຕິບັດຕາມກົດຫມາຍວ່າດ້ວຍການເຊົ່າທີ່ດິນ ແລະ ການຄຸ້ມຄອງອາກອນ.

ນະໂຍບາຍບູລິມະສິດໃນການປ່ອຍສິນເຊື່ອ

ກ່ຽວກັບເງື່ອນໄຂການປ່ອຍສິນເຊື່ອສໍາລັບວິສາຫະກິດວິທະຍາສາດ ແລະ ເຕັກໂນໂລຢີເພື່ອດໍາເນີນການຄົ້ນຄວ້າວິທະຍາສາດ, ການພັດທະນາເຕັກໂນໂລຢີ ແລະ ການຜະລິດທຸລະກິດ ໄດ້ລະບູຈະແຈ້ງວ່າ: ບັນດາໂຄງການລົງທຶນເພື່ອຜະລິດຕະພັນຜົນໄດ້ຮັບທາງວິທະຍາສາດ ແລະ ເຕັກໂນໂລຢີຂອງວິສາຫະກິດວິທະຍາສາດ ແລະ ເຕັກໂນໂລຢີ ແມ່ນມີສິດໃນການກູ້ຢືມສິນເຊື່ອການລົງທຶນຂອງລັດອີງຕາມກົດຫມາຍໃນປະຈຸບັນ. ວິສາຫະກິດວິທະຍາສາດ ແລະ ເຕັກໂນໂລຢີປະຕິບັດບັນດາວຽກງານໜ້າທີ່ວິທະຍາສາດ ແລະ ເຕັກໂນໂລຢີ, ການນໍາໃຊ້ຜົນໄດ້ຮັບທາງວິທະຍາສາດ ແລະ ເຕັກໂນໂລຢີ, ຜະລິດ, ທຸລະກິດຜະລິດຕະພັນສໍາເລັດຮູບຈາກຜົນໄດ້ຮັບທາງວິທະຍາສາດ ແລະ ເຕັກໂນໂລຢີທີ່ໄດ້ຮັບການສະຫນັບສະຫນູນ, ສະໜອງເງິນກູ້ຢືມທີ່ມີອັດຕາດອກເບ້ຍທີ່ເຫມາະສົມ, ສະຫນັບສະຫນູນດອກເບ້ຍ ແລະ ຮັບປະກັນການກູ້ຢືມເງິນ ໂດຍກອງທຶນປ່ຽນແປງໃໝ່ເຕັກໂນໂລຢີແຫ່ງຊາດ, ກອງທຶນພັດທະນາວິທະຍາສາດ ແລະ ເຕັກໂນໂລຍີຂອງກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ແຂວງ, ນະຄອນທີ່ຂຶ້ນກັບສູນກາງ.

ສໍາລັບວິສາຫະກິດວິທະຍາສາດ ແລະ ເຕັກໂນໂລຢີ ທີ່ມີຊັບສິນນໍາໃຊ້ເປັນຫລັກປະກັນຕາມກົດຫມາຍທີ່ກໍານົດໄວ້ທີ່ຈະໄດ້ກອງທຶນປ່ຽນແປງໃໝ່ເຕັກໂນໂລຢີແຫ່ງຊາດ, ກອງທຶນພັດທະນາວິທະຍາສາດ ແລະ ເຕັກໂນໂລຢີຂອງກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ແຂວງ, ນະຄອນທີ່ຂຶ້ນກັບສູນກາງຈະໃຫ້ເງິນກູ້ຢືມທີ່ມີອັດຕາດອກເບ້ຍທີ່ເຫມາະສົມ ຫຼື ສະຫນັບສະຫນູນອັດຕາດອກເບ້ຍສູງເຖິງ 50% ຂອງອັດຕາດອກເບ້ຍເງິນກູ້ຢືມໃນທະນາຄານການຄ້າເພື່ອສະຫນອງເງິນກູ້. ສໍາລັບວິສາຫະກິດວິທະຍາສາດ ແລະ ເຕັກໂນໂລຢີ ທີ່ມີໂຄງການວິທະຍາສາດ ແລະ ເຕັກໂນໂລຢີ ທີ່ເປັນໄປໄດ້ທີ່ຈະໄດ້ກອງທຶນປ່ຽນແປງໃໝ່ເຕັກໂນໂລຢີແຫ່ງຊາດ, ກອງທຶນພັດທະນາວິທະຍາສາດ ແລະ ເຕັກໂນໂລຢີຂອງກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ແຂວງ, ນະຄອນທີ່ຂຶ້ນກັບສູນກາງຈະໃຫ້ກູ້ຢືມໃນອັດຕາດອກເບ້ຍທີ່ເຫມາະສົມ ຫຼື ຮັບປະກັນການກູ້ຢືມທຶນຢູ່ບັນດາທະນາຄານການຄ້າ.

ບັນດາກອງທຶນປ່ຽນແປງໃໝ່ເຕັກໂນໂລຢີແຫ່ງຊາດ, ກອງທຶນພັດທະນາວິທະຍາສາດ ແລະ ເຕັກໂນໂລຢີຂອງກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ແຂວງ, ນະຄອນທີ່ຂຶ້ນກັບສູນກາງມີໜ້າທີ່ກໍານົດກົດລະບຽບໃນການໃຫ້ກູ້ຢືມ, ສະຫນັບສະຫນູນອັດຕາດອກເບ້ຍເງິນກູ້, ການຮັບປະກັນການກູ້ຢືມ, ວິສາຫະກິດວິທະຍາສາດ ແລະ ເຕັກໂນໂລຢີທີ່ຕອບສະຫນອງເງື່ອນໄຂຂອງການສະຫນັບສະຫນູນຂອງກອງທຶນຮັບປະກັນການປ່ອຍສິນເຊື່ອສໍາລັບວິສາຫະກິດຂະຫນາດນ້ອຍ ແລະ ກາງໄດ້ຖືກພິຈາລະນາ ແລະ ໄດ້ຮັບການຮັບປະກັນດ້ານສິນເຊື່ອເພື່ອກູ້ຢືມທຶນຈາກບັນດາອົງການຈັດຕັ້ງສະໜອງເງິນກູ້ຢືມຕາມກໍານົດຂອງກົດໝາຍ.

ສະຫນັບສະຫນູນກິດຈະກໍາການຄົ້ນຄວ້າ, ການຂາຍຜົນໄດ້ຮັບທາງວິທະຍາສາດ ແລະ ເທກໂນໂລຍີ

ດໍາລັດສະບັບນີ້ກໍ່ໄດ້ກໍານົດຢ່າງລະອຽດກ່ຽວກັບການສະຫນັບສະຫນູນກິດຈະກໍາການຄົ້ນຄວ້າ, ການຂາຍຜົນໄດ້ຮັບທາງວິທະຍາສາດ ແລະ ເທກໂນໂລຍີ. ດັ່ງນັ້ນ, ວິສາຫະກິດວິທະຍາສາດ ແລະ ເຕັກໂນໂລຢີ ແມ່ນໄດ້ຮັບນະໂຍບາຍບູລິມະສິດດ້ານອາກອນສົ່ງອອກ, ອາກອນນໍາເຂົ້າສໍາລັບກິດຈະການຄົ້ນຄວ້າວິທະຍາສາດ, ການພັດທະນາເຕັກໂນໂລຢີ, ດໍາເນີນຜະລິດທຸລະກິດຕາມກໍານົດຂອງກົດຫມາຍກ່ຽວກັບອາກອນສົ່ງອອກ, ອາກອນນໍາເຂົ້າ. ວິສາຫະກິດວິທະຍາສາດ ແລະ ເຕັກໂນໂລຢີ ໄດ້ຮັບບູລິມະສິດ, ບໍ່ຄິດໄລ່ຄ່າບໍລິການໃນເວລາທີ່ນໍາໃຊ້ເຄື່ອງຈັກ, ອຸປະກອນໃນຫ້ອງທົດລອງແຫ່ງຊາດທີ່ສໍາຄັນ, ສະຖານທີ່ຄົ້ນຄວ້າວິທະຍາສາດ ແລະ ເຕັກໂນໂລຢີ ຂອງລັດທີ່ດໍາເນີນກິດຈະກໍາວິໄຈ ແລະ ພັດທະນາເຕັກໂນໂລຢີ.

ດໍາລັດສະບັບນີ້ມີຜົນສັກສິດນໍາໃຊ້ນັບແຕ່ວັນທີ 20 ມີນາ 2019 ເປັນຕົ້ນໄປ.

（ໄຊພອນ）