 |
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳປາໄສທີ່ກອງປະຊຸມ.
ຕອນເຊົ້າວັນທີ 9 ສິງຫາ, ຢູ່ນະຄອນ ໝີ້ທໍ ແຂວງ ຕ່ຽນຢາງ, ທ່ານນາຍົກລັດຖະມົນຕີ ຫງວ໋ຽນຊົນຟຸກ ເຂົ້າຮ່ວມ ກອງປະຊຸມ ສົ່ງເສີມການລົງທຶນ ພາຍໃຕ້ຫົວຂໍ້ວ່າ: “ຕ່ຽນຢາງ - ໂອກາດຂອງ ການລົງທຶນ, ພ້ອມກັນກ້າວເດີນ ພ້ອມກັນພັດທະນາ”. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວ໋ຽນຊົນຟຸກ ໄດ້ມອບຄວາມໄວ້ວາງໃຈໃໝ່ ໃຫ້ແກ່ ແຂວງ ຕ່ຽນຢາງ ເປັນທີ່ຕັ້ງຍຸດທະສາດ ແລະ ມີຄວາມສະດວກໃຫ້ແກ່ພັດທະນາຂອງແຂວງເວົ້າສະເພາະ ແລະ ເຂດທົ່ງພຽງລຽບຕາມລຳແມ່ນ້ຳຂອງ ພາກໃຕ້ ຫວຽດນາມ. ທ່ານນາຍົກລັດຖະມົນຕີ ຖືວ່າ: ຕ່ຽນຢາງ ຈະແມ່ນເຂດດຶງດູດ ນັກລົງທຶນລາຍໃຫຍ່, ວິສາຫະກິດມີວິໄສທັດກ້ວາງໄກໃນຂົງເຂດອຸດສາຫະກຳ ຕະຫຼອດຮອດ ກະສິກຳ, ການບໍລິການ, ພິເສດແມ່ນ ອຸດສາຫະກຳປຸງແຕ່ງໝາກໄມ້:
“ພວກເຮົາກຳນົດບໍ່ພຽງແຕ່ພັດທະນາແຂວງ ຕ່ຽນຢາງ ໃຫ້ເປັນແຂວງທີ່ມີຄວາມເຂັ້ມແຂງ ຮັ່ງມີ ເົທົ່ານັ້ນແຕ່ຫາກແມ່ນກຳລັງໜູນສຳຄັນຂອງ ພື້ນຖານເສດຖະກິດເຂດທົ່ງພຽງລຽບຕາມລຳແມ່ນ້ຳຂອງ ພາກໃຕ້ ຫວຽດນາມ, ເຂດ ຕາເວັນອອກສ່ຽງໃຕ້, ພິເສດແມ່ນໃຈກາງເຂດຈຸດສຸມໃນນະຄອນໂຮ່ຈີມິງ. ຍ້ອນແນວນັ້ນ, ບັນຫາທີ່ຕັ້ງຂື້ນມານັ້ນແມ່ນ ແຂວງຕ່ຽນຢາງ ຕ້ອງນຳໜ້າໃນການປ່ຽນແປງໃໝ່, ເຂດທົ່ງພຽງລຽບຕາມລຳແມ່ນ້ຳຂອງ ພາກໃຕ້ ຫວຽດນາມ ຈຶ່ງຕ້ອງມີຄວາມຂະຫຍັນຂັນແຂງໃນການພັດທະນາ, ຜ່ານຜ່າຄວາມຫຍຸ້ງຍາກເພື່ອຮັບມືກັບການປ່ຽນແປງຂອງດິນຟ້າອາກາດ, ”
（ຫັດທະບູນ）
