| ຮຽກຮ້ອງ ຈີນ ຢຸດເຊົາການຊ້ອມຮົບ, ບໍ່ລະເມີດອະທິປະໄຕຂອງຫວຽດນາມ | |
| ຫວຽດນາມ ສະແດງຄວາມເດັດດ່ຽວຄັດຄ້ານການກະທຳລະເມີດອະທິປະໄຕ ຕໍ່ໝູ່ເກາະເຈື່ອງຊາ |
ພາຍຫຼັງເກືອບ 5 ເດືອນຂອງການປຸກລະດົມ ແລະ ຕໍ່ກຳນົດເວລາ ຍ້ອນຜົນກະທົບຈາກການແຜ່ລະບາດຂອງພະຍາດໂຄວິດ-19, ມາຮອດວັນທີ 6 ພະຈິກ 2021, ຄະນະຈັດຕັ້ງ ໄດ້ຮັບ 3.760 ຜົນງານສົ່ງເຂົ້າປະກວດ ໂດຍນັກປະພັນ 526 ຄົນທີ່ມາຈາກ 54 ແຂວງ, ນະຄອນໃນທົ່ວປະເທດ. ຜ່ານການຕັດສິນ 4 ຮອບຢ່າງເປີດເຜີຍ ແລະ ໂປ່ງໃສ, ຄະນະກຳມະການ ໄດ້ຄັດເລືອກ 16 ຜົນງານ ເພື່ອຮັບລາງວັນ, ໃນນັ້ນ: ລາງວັນທີ 1 ມີ 1 ລາງວັນ, ລາງວັນທີ 2 ມີ 2 ລາງວັນ, ລາງວັນທີ 3 ມີ 3 ລາງວັນ ແລະ ລາງວັນຊົມເຊີຍ 10 ລາງວັນ, ນອກນີ້ຍັງມີ 5 ລາງວັນສຳຮອງທີ່ຄະນະຈັດຕັ້ງໄດ້ຄັດເລືອກ.
 |
| ນັກປະພັນ ຫງວຽນຮຸຍທຶ, ຜູ້ໄດ້ຮັບລາງວັນທີ 1 ຂອງການປະກວດ ດ້ວຍຜົນງານ “ຮຸ່ງເຊົ້ົ້າຢູ່ເກາະ ລີເຊີນ”. ພາບ: caobangtv.vn |
ກ່າວຄຳເຫັນທີ່ພິທີປິດ ແລະ ມອບລາງວັນ, ນັກປະພັນ ຫງວຽນຮຸຍທຶ, ຜູ້ໄດ້ຮັບລາງວັນທີ 1 ຂອງການປະກວດ ດ້ວຍຜົນງານ “ຮຸ່ງເຊົ້ົ້າຢູ່ເກາະ ລີເຊີນ”, ແບ່ງປັນວ່າ ເປັນກຽດ ແລະ ພາກພູມໃຈທີ່ໄດ້ຮັບລາງວັນໃນງານປະກວດຮູບພາບສິລະປະ “ປະເທດຊາດເບິ່ງຈາກທະເລ”. ນັກປະພັນ ຫງວຽນຮຸຍທຶ ກໍ່ຂອບອົກຂອບໃຈຄະນະຈັດຕັ້ງ ທີ່ໄດ້ສ້າງສະໜາມຫຼິ້ນທີ່ມີຄວາມໝາຍໃຫ້ບັນດານັກຖ່າຍຮູບ ເພື່ອເຜີຍແຜ່ພາບພົດ, ຄວາມຮັກແພງ, ຄວາມງາມ, ປະຊາຊົນ, ໝູ່ເກາະ ຫວຽດນາມ ເຖິງເພື່ອນມິດສາກົນ.
ເປັນທີ່ຮູ້ກັນວ່າ ບັນດາຜົນງານທີ່ຍາດໄດ້ລາງວັນໃນງານປະກວດຮູບພາບສິລະປະ “ປະເທດຊາດເບິ່ງຈາກທະເລ” ຈະໄດ້ຮັບເລືອກເຟັ້ນ ເພື່ອພິມໃນປະຕິທິນຮູບໝູ່ເກາະທະເລຫວຽດນາມ ໃນປີ 2022, ປະກອບສ່ວນຊຸກຍູ້ການເຄື່ອນໄຫວໂຄສະນາການທ່ອງທ່ຽວຂອງປະເທດ, ພິເສດແມ່ນ 28 ແຂວງ ແລະ ນະຄອນແຄມທະເລ. ນອກຈາກບັນດາຜົນງານທີ່ຍາດໄດ້ລາງວັນແລ້ວ, ຄະນະຈັດຕັ້ງຈະຄັດເລືອກເອົາຮູບຖ່າຍທີ່ດີຈຳນວນໜຶ່ງ ຈາກຮອບຄັດເລືອກສຸດທ້າຍ ເພື່ອພິມຈຳໜ່າຍປື້ມ ແລະ ຜະລິດຕະພັນການພິມອື່ນໆ ເພື່ອຮັບໃຊ້ວຽກງານການເມືອງຂອງປະເທດຊາດ. ລຸ່ມນີ້ແມ່ນບາງຜົນງານທີ່ຊະນະໃນການປະກວດ:
https://dangcongsan.vn/tu-tuong-van-hoa/16-tac-pham-doat-giai-cuoc-thi-anh-nghe-thuat-dat-nuoc-nin-tu-bien-598186.html
ຄຳຮຸ່ງ
