ໃນຈົດໝາຍອວຍພອນທີ່ໄດ້ຝາກເຖິງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ, ທ່ານນາງ N. S. Ivanova, ປະທານສະມາຄົມມິດຕະພາບ ແລະ ແລກປ່ຽນວັດທະນະທຳກັບຕ່າງປະເທດຂອງ ເບລາຣຸດຊີ, ໄດ້ຂຽນວ່າ “ສະມາຄົມມິດຕະພາບ ແລະ ແລກປ່ຽນວັດທະນະທຳກັບຕ່າງປະເທດຂອງ ເບລາຣຸດຊີ, ສະມາຄົມມິດຕະພາບ ເບລາຣຸດຊີ - ຫວຽດນາມ ພ້ອມກັບເພື່ອນມິດຂອງຫວຽດນາມ ຢູ່ ເບລາຣຸດຊີຫຼາຍຄົນໄດ້ສົ່ງຄຳຊົມເຊີຍມາຍັງສະຫາຍ ແລະ ຊາວຫວຽດນາມ ທັງໝົດໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງປະເທດເປັນເອກະລາດ”.
ທ່ານນາງຢືນຢັນວ່າ ເຫດການນີ້ເປັນພະຍານຫຼັກຖານໃຫ້ແກ່ກຳລັງແຮງທາງດ້ານຈິດໃຈທີ່ພິເສດ, ນ້ຳໃຈບໍ່ກ້າຫານ ແລະ ຄວາມກ້າຫານຂອງປະຊາຊົນຫວຽດນາມ ບົນເສັ້ນທາງຕໍ່ສູ້ເພື່ອເສລີພາບ, ພັດທະນາ ແລະ ວັດທະນາຖາວອນ. 80 ປີທີ່ຜ່ານມາ, ຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງໃນການພັດທະນາເສດຖະກິດ, ສັງຄົມ, ວິທະຍາສາດ ແລະ ເຕັກໂນໂລຢີ, ນະວັດຕະກຳ, ພ້ອມກັນນັ້ນກໍຢືນຢັນທີ່ຕັ້ງອັນດີງາມໃນປະຊາຄົມໂລກ.
ທ່ານນາງ Ivanova ສະແດງຄວາມປິຕິຊົມຊື່ນຕໍ່ສາຍພົວພັນມິດຕະພາບອັນເປັນມູນເຊື້ອອັນຍາວນານລະຫວ່າງປະຊາຊົນສອງປະເທດ ແລະ ການຮ່ວມມືລະຫວ່າງບັນດາອົງການຈັດຕັ້ງມິດຕະພາບ, ເນັ້ນໜັກວ່າ ສະມາຄົມມິດຕະພາບ ແລະ ພົບປະແລກປ່ຽນວັດທະນະທຳກັບຕ່າງປະເທດຂອງ ເບລາຣຸດຊີ ພ້ອມກັບສະມາຄົມມິດຕະພາບ ເບລາຣຸດຊີ - ຫວຽດນາມ ຍາມໃດກໍ່ມານະພະຍາຍາມແນະນຳ ຫວຽດນາມ - ປະເທດທີ່ອຸດົມສົມບູນທາງດ້ານປະຫວັດສາດ ແລະ ວັດທະນະທຳ - ຮີດຄອງປະເພນີໃຫ້ຊາວ ເບລາຣຸດຊີ . “ພວກຂາ້ພະເຈົ້າພາກພູມໃຈຕໍ່ບັນດາຜົນງານ ແລະ ຜົນສຳເລັດຂອງຫວຽດນາມ, ການເຕີບໂຕ ແລະ ຄວາມຈະເລີນຮຸ່ງເຮືອງຂອງປະເທດຕົນ”, ທ່ານນາງຂຽນ.
 |
| ຖະໜົນ ຈຸກແບ້ກ (ຮ່າໂນ້ຍ) ພວມສະເຫຼີມສະຫຼອງ 80 ປີແຫ່ງວັນຊາດ. (ພາບ: ໜັງສືພິມຂໍ້ມູນ ແລະ ຊົນເຜົ່າ) |
ທ່ານນາງ ກໍ່ໄດ້ສົ່ງຄຳອວຍພອນໃຫ້ສະຫະພັນບັນດາອົງການມິດຕະພາບຫວຽດນາມ ສືບຕໍ່ປະສົບຜົນສຳເລັດໃນພາລະກິດອັນສູງສົ່ງ ໃນການປະກອບສ່ວນກໍ່ສ້າງສັນຕິພາບ, ການຮ່ວມມື ແລະ ມິດຕະພາບ, ພ້ອມທັງປາດຖະໜາວ່າ ສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດນັບມື້ນັບເຂັ້ມແຂງ. “ພິທີສະເຫຼີມສະຫຼອງ 80 ປີແຫ່ງວັນປະກາດເອກະລາດ ສາທາລະນະລັດ ສັງຄົມນິຍົມ ຫວຽດນາມ ບໍ່ພຽງແຕ່ເປັນການລະນຶກເຖິງໄຊຊະນະອັນສະຫງ່າລາສີໃນອະດີດເທົ່ານັ້ນ, ແຕ່ຍັງເປັນກຳລັງໜູນຊຸກຍູ້ໃຫ້ບັນດາຜົນສຳເລັດໃໝ່ໃນຕໍ່ໜ້າ”.
ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດແຫ່ງສາທາລະນະລັດສັງຄົມນິຍົມ ຫວຽດນາມ (2 ກັນຍາ 1945 – 2 ກັນຍາ 2025), WWF ກໍ່ສົ່ງຄຳອວຍພອນເຖິງລັດຖະບານຫວຽດນາມ, ບັນດາກະຊວງ, ຄະນະ, ຂະແໜງການ ແລະ ປະຊາຊົນຫວຽດນາມ ທຸກຄົນດ້ວຍຄວາມຊົມເຊີຍອັນອົບອຸ່ນ ແລະ ມີຄຸນຄ່າທີ່ສຸດ.
WWF ສະແດງຄວາມພາກພູມໃຈພ້ອມກັບຫວຽດນາມ ໃນຄວາມມານະພະຍາຍາມປົກປັກຮັກສາຊັບພະຍາກອນທຳມະຊາດ, ພັດທະນາກະສິກຳແບບຍືນຍົງ, ຕອບສະໜອງການປ່ຽນແປງຂອງດິນຟ້າອາກາດ ແລະ ຊຸກຍູ້ຮູບແບບການພັດທະນາສີຂຽວ. ຈົດໝາຍໄດ້ເນັ້ນໜັກວ່າ “ການສົມທົບຢ່າງແໜ້ນແຟ້ນ ແລະ ມີປະສິດທິຜົນລະຫວ່າງລັດຖະບານ ແລະ ບັນດາກະຊວງການຕ່າງປະເທດ ຫວຽດນາມ ກັບ WWF ໄດ້ເປັນພື້ນຖານອັນລ້ຳຄ່າເພື່ອໃຫ້ພວກເຮົາສືບຕໍ່ຮ່ວມມືກັນເພື່ອເປົ້າໝາຍການພັດທະນາແບບຍືນຍົງ. ບັນດາຜົນງານຂອງຫວຽດນາມ ໃນຕະຫຼອດ 80 ປີທີ່ຜ່ານມາ ບໍ່ພຽງແຕ່ໄດ້ຢືນຢັນຄວາມມຸ່ງມາດປາຖະໜາ, ຄວາມກ້າຫານ ແລະ ສະຕິປັນຍາຂອງປະເທດຊາດເທົ່ານັ້ນ ຫາກຍັງໄດ້ສ້າງກຳລັງໃຈໃຫ້ແກ່ເພື່ອນມິດສາກົນ”.
WWF - ຫວຽດນາມ ສະແດງຄວາມຂອບອົກຂອບໃຈຢ່າງເລິກເຊິ່ງເຖິງລັດຖະບານ ແລະ ບັນດາກະຊວງ, ຂະແໜງການ ຍາມໃດກໍ່ສ້າງເງື່ອນໄຂສະດວກໃຫ້ອົງການປະຕິບັດພາລະກິດ “ປະຊາຊົນດຳລົງຊີວິດຢ່າງກົມກຽວກັບທຳມະຊາດ”, ພ້ອມທັງຢືນຢັນຄຳໝັ້ນສັນຍາຈະສືບຕໍ່ຮ່ວມມືຢ່າງແໜ້ນແຟ້ນ ແລະ ປະກອບສ່ວນດີທີ່ສຸດເພື່ອອະນາຄົດອັນຂຽວສົດງົດງາມ ແລະ ຍືນຍົງໃຫ້ຫວຽດນາມ.
 | ປະທານສະມາຄົມມິດຕະພາບສະວິດ - ຫວຽດນາມ: ຄວາມພາກພູມໃຈທີ່ໄດ້ເຫັນການເຕີບໂຕຂອງຫວຽດນາມ ພາຍຫຼັງ 80 ປີແຫ່ງວັນຊາດ ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ (2 ກັນຍາ 1945 – 2 ກັນຍາ 2025), ທ່ານນາງ Anjuska Marija Weil, ປະທານສະມາຄົມມິດຕະພາບສະວິດ - ຫວຽດນາມ ໄດ້ແບ່ງປັນຄວາມຕື້ນຕັນໃຈເມື່ອໄດ້ເຫັນປະເທດ ເຊິ່ງນາງເຄີຍຕໍ່ສູ້ເພື່ອສັນຕິພາບ ແລະ ເອກະລາດກັບເພື່ອນມິດສາກົນ, ປະຈຸບັນໄດ້ພັດທະນາຢ່າງເຂັ້ມແຂງ ແລະ ... |
 | 4 ແຂວງພາກໃຕ້ຂອງລາວ ເຂົ້າຮ່ວມບັນຍາກາດສະເຫຼີມສະຫຼອງ 80 ປີແຫ່ງວັນຊາດຫວຽດນາມ ຍສໝ - ຕອນຄ່ຳວັນທີ 12 ສິງຫາ, ຢູ່ແຂວງຈໍາປາສັກ, ສະຖານກົງສຸນໃຫຍ່ ສສ ຫວຽດນາມ ປະຈໍາ ປາກເຊ ໄດ້ຈັດຕັ້ງພິທີສະເຫຼີມສະຫຼອງ 80 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ, ໂດຍການເຂົ້າຮ່ວມຂອງບັນດາການນຳ 4 ແຂວງພາກໃຕ້ຂອງລາວ, ຜູ້ຕາງໜ້າບັນດາອົງການການທູດ, ປະຊາຄົມຊາວຫວຽດນາມ ແລະ ເພື່ອນມິດສາກົນ. ນີ້ແມ່ນໂອກາດເພື່ອກວດກາຄືນການເດີນທາງອັນສະຫງ່າລາສີຂອງປະຊາຊົນຫວຽດນາມ, ... |
