 | ຊາວໜຸ່ມປັນຍາຊົນ ຫວຽດນາມ ຢູ່ ຍີ່ປຸ່ນ ວາງແຜນກ່ຽວກັບການສ້າງສາປະເທດຊາດ |
| ຊາວຫວຽດນາມຢູ່ຕ່າງປະເທດສະໜັບສະໜູນຮູບແບບລັດຖະບານສອງຊັ້ນ, ເຊື່ອໝັ້ນການຫັນປ່ຽນອັນໃຫຍ່ຫຼວງຂອງບ້ານເກີດເມືອງນອນ |
ທີ່ການພົບປະແລກປ່ຽນ, ບັນດາເດັກນ້ອຍໄດ້ຮ້ອງເພງ, ອ່ານບົດກະວີ, ສະແດງລະຄອນ, ແບ່ງປັນຄວາມຮູ້ສຶກ... ດ້ວຍພາສາຫວຽດນາມ ທີ່ຮັກແພງ - ພາສາຂອງຄອບຄົວ, ຂອງຄວາມຊົງຈຳ ແລະ ກໍ່ເປັນກົກເຄົ້າເຫງົ້າຕໍຂອງຊາດ.
 |
| ນັກຮຽນ, ນັກສຶກສາຫວຽດນາມຢູ່ຕ່າງປະເທດເຂົ້າຮ່ວມການສະແດງສິລະປະ. ຮູບ: ຈິ້ງຢຸຍຮື່ງ/ສຳນັກຂ່າວສານ ຫວຽດນາມ |
ກ່າວຄຳປາໄສທີ່ພິທີ, ທ່ານນາງ ໂງທິແທ່ງມາຍ, ຮອງປະທານຄະນະກຳມະການລັດກ່ຽວກັບຊາວຫວຽດນາມຢູ່ຕ່າງປະເທດ, ຫົວໜ້າຄະນະຄ້າຍພັກແລ້ງ ຫວຽດນາມ ປີ 2025 ຖືວ່າ: ການພົບປະແລກປ່ຽນພາສາຫວຽດນາມ ແມ່ນຈຸດພົ້ນເດັ່ນພິເສດຂອງຄ້າຍພັກແລ້ງປີນີ້. ບັນດາຊາວໜຸ່ມຫວຽດນາມ ຢູ່ຕ່າງປະເທດສະແດງຄວາມສາມາດນຳໃຊ້ພາສາຫວຽດນາມ ຜ່ານບັນດາພາກສ່ວນການເລົ່າເລື່ອງ, ອ່ານບົດກະວີ, ຮ້ອງເພງພື້ນເມືອງ ແລະ ການລາຍງານກ່ຽວກັບຄວາມຮູ້ສຶກຂອງຕົນເມື່ອກັບຄືນເມືອບ້ານເກີດເມືອງນອນ. ບັນດາການເຄື່ອນໄຫວເຫຼົ່ານີ້ບໍ່ພຽງແຕ່ຊ່ວຍໃຫ້ພວກເຂົາຝຶກພາສາ, ຫາກຍັງປຸກລະດົມຄວາມຮັກແພງກຂອງເຂົາເຈົ້າສໍາລັບພາສາແມ່ ແລະ ວັດທະນະທໍາຂອງຊາດ.
“ສຳລັບເດັກນ້ອຍຫຼາຍຄົນ, ພາສາຫວຽດນາມ ແມ່ນພາສາທີສອງ ຫຼື ເລີມຕົ້ນຮຽນ - ແຕ່ຂ້ອຍເຊື່ອວ່າ, ຖ້າຫົວໃຈຮູ້ຮັກພາສາຫວຽດນາມ ເຖິງວ່າເຂົາເຈົ້າບໍ່ສາມາດເວົ້າໄດ້ຄ່ອງແຄ້ວກໍ່ຕາມ, ແຕ່ຄວາມຮັກແພງຂອງເຂົາເຈົ້າຈະຍັງສົມບູນຢູ່”, ທ່ານນາງ ໂງທິແທ່ງມາຍ ເນັ້ນໜັກ.
 |
| ທ່ານນາງ ໂງທິແທ່ງມາຍ, ຮອງປະທານຄະນະກຳມາທິການແຫ່ງລັດກ່ຽວກັບຊາວຫວຽດນາມຢູ່ຕ່າງປະເທດ, ຫົວໜ້າຄະນະ, ກ່າວຄຳປາໄສ. ຮູບ: ຈິ້ງຢຸຍຮື່ງ/ສຳນັກຂ່າວສານ ຫວຽດນາມ |
ກໍໃນລາຍການດັ່ງກ່າວ, ບັນດານັກສຶກສາຢູ່ຕ່າງປະເທດໄດ້ມີບັນດາລາຍການສະແດງຄື: ສືບຕໍ່ຂຽນບົດເລື່ອງສັນຕິພາບ; ກ້າວໄປໜ້າ ຫວຽດນາມ ເອີຍ; ຈິດໃຈສະຫງ່າຜ່າເຜີຍ ຫວຽດນາມ; ກັບຄືນແຂວງ ເຫງ້ອານ ພ້ອມກັບອ້າຍ ແລະ ພົບປະແລກປ່ຽນລະຫວ່າງບັນດາຄະນະຜູ້ແທນຄ້າຍພັກແລ້ງ ແລະ ຊາວໜຸ່ມແຂວງ ເຫງ້ອານ...
ກ່ອນໜ້ານັ້ນ, ຄະນະໄດ້ໄປຢ້ຽມຢາມເຂດຮ່ອງຮອຍປະຫວັດສາດແຫ່ງຊາດພິເສດ ກິມລຽນ, ຢ້ຽມຢາມບ້ານເກີດເມືອງນອນຂອງພໍ່ແມ່ປະທານ ໂຮ່ຈີມິງ, ຊາວໜຸ່ມຫຼາຍຄົນຮູ້ສຶກຕື້ນຕັນໃຈກັບຄວາມລຽບງ່າຍ, ເປັນເອກະລັກສະເພາະຂອງກິດຕິຄຸນມະນຸດທີ່ຍິ່ງໃຫຍ່.
 |
| ນັກສຶກສາລະດົມຢ່າງກະຕືລືລົ້ນທີ່ທີມຂອງຕົນເຂົ້າຮ່ວມການແລກປ່ຽນພາສາຫວຽດນາມ. ຮູບ: ຈິ້ງຢຸຍຮື່ງ/ສຳນັກຂ່າວສານ ຫວຽດນາມ |
ໃນຊຸມປີມໍ່ໆມານີ້, ປະຊາຄົມຊາວຫວຽດນາມຢູ່ຕ່າງປະເທດໄດ້ມານະພະຍາຍາມຢ່າງບໍ່ຢຸດຢັ້ງ, ພວມຮັກສາ ແລະ ເຮັດໃຫ້ຟື້ນຟູພາສາຫວຽດນາມ ຢູ່ຕ່າງປະເທດເທື່ອລະກ້າວ. ບັນດາຄູອາຈານ, ສະມາຄົມຄະນະ, ບັນດາພໍ່ແມ່ຜູ້ປົກຄອງໄດ້ຈັດຕັ້ງຊຸດຮຽນພາສາຫວຽດນັບຮ້ອຍຊຸດ, ສອນອອນໄລ໌, ຈັດຕັ້ງບັນດາການເສັງ, ແລກປ່ຽນ, ສະແດງສິລະປະພື້ນເມືອງ...
ພັກ ແລະ ລັດຖະບານ ຍາມໃດກໍ່ຖືວ່າ ນີ້ແມ່ນວຽກງານສຳຄັນ, ໄດ້ວາງອອກຫຼາຍນະໂຍບາຍເພື່ອປົກປັກຮັກສາ ແລະ ເຊີດຊູສີສັນວັດທະນະທຳຂອງຊາດ ແລະ ພາສາຫວຽດນາມ ໃນຊຸມຊົນ. ເດືອນສິງຫາ 2022, ທ່ານນາຍົກລັດຖະມົນຕີໄດ້ອະນຸມັດໂຄງການກ່ຽວກັບວັນກຽດສັກສີຂອງຊາວຫວຽດນາມຢູ່ຕ່າງປະເທດໄລຍະ 2022-2030. ໂຄງການໄດ້ຮັບການຕອບສະໜອງຢ່າງຕັ້ງໜ້າ, ດ້ວຍຫຼາຍກິດຈະກຳທີ່ໜ້າຕື່ນເຕັ້ນ, ອຸດົມສົມບູນ ແລະ ແທດຈິງ, ເບື້ອງຕົ້ນໄດ້ສ້າງການປ່ຽນແປງຢ່າງແຂງແຮງໃນຂະບວນການສອນ ແລະ ຮຽນພາສາຫວຽດໃນປະຊາຄົມຊາວຫວຽດນາມ ຢູ່ຕ່າງປະເທດ.
 | ເພີ່ມທະວີການສົມທົບກັນຜັນຂະຫຍາຍວຽກງານໜູນຊ່ວຍຊາວຫວຽດນາມຢູ່ຕ່າງປະເທດ ຍສໝ - ວັນທີ 25 ກຸມພາ 2025, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ຄະນະກຳມະການແຫ່ງລັດ ຫວຽດນາມ ກ່ຽວກັບຊາວຫຽດນາມອາໄສຢູ່ຕ່າງປະເທດ ໄດ້ຮ່ວມເປັນປະທານໃນການເຮັດວຽກລະຫວ່າງສອງອົງການ ເພື່ອແນໃສ່ກວດກາຄືນໝາກຜົນການຜັນຂະຫຍາຍວຽກງານສົມທົບກັນໃນປີ 2024 ແລະ ແລກປ່ຽນ, ປຶກສາຫາລືກ່ຽວກັບໜ້າທີ່ທີ່ສຳຄັນໃນປີ 2025. |
 | ຊາວຫວຽດນາມຢູ່ຕ່າງປະເທດແຕ່ລະຄົນລ້ວນແຕ່ກຽມພ້ອມຈິດໃຈ ແລະ ທ່ວງທ່າທີ່ຈະປະກອບສ່ວນພັດທະນາປະເທດຊາດ ຍສໝ - ຊາວຫວຽດນາມຢູ່ຕ່າງປະເທດໄດ້ກາຍເປັນແຫຼ່ງກຳລັງທີ່ສຳຄັນໃນຂະບວນການສ້າງສາ ແລະ ພັດທະນາປະເທດຊາດໃຫ້ນັບມື້ນັບຮັ່ງມີເຂັ້ມແຂງ. ຊາວຫວຽດນາມຢູ່ຕ່າງປະເທດ ຍັງມີບົດບາດເປັນຂົວຕໍ່ເພີ່ມພູນຄູນສ້າງມິດຕະພາບ, ຊຸກຍູ້ການພົວພັນຮ່ວມມືດ້ານການລົງທຶນກັບບັນດາປະເທດ. |
ແທງຮັ່ງ
