ກ່າວຄຳປາໄສທີ່ພິທີ, ທ່ານຮອງປະທານຄະນະກຳມະການປະຊາຊົນນະຄອນໂຮ່ຈິມິນ ຫງວຽນລົກຮ່າ ເນັ້ນໜັກວ່າ ວັນທີ 14 ກໍລະກົດຂອງທຸກໆປີ ໄດ້ກາຍເປັນໂອກາດພິເສດເພື່ອໃຫ້ປະຊາຊົນສອງປະເທດເຄົາລົບບັນດາຄຸນຄ່າປະຫວັດສາດອັນໝັ້ນຄົງ, ທີ່ປະສົມປະສານແລກປ່ຽນວັດທະນະທຳທີ່ເປັນເອກະລັກສະເພາະລະຫວ່າງ ເອີລົບ ແລະ ອາຊີ ແລະ ຄວາມມິດຕະພາບ ຫວຽດນາມ - ຝຣັ່ງ.
 |
| ທ່ານຮອງປະທານຄະນະກຳມະການປະຊາຊົນນະຄອນໂຮ່ຈິມິນ ຫງວຽນລົກຮ່າ. (ພາບ: TTXVN) |
ທ່ານ ຫງວຽນລົກຮ່າ ຢືນຢັນວ່າ ບົນພື້ນຖານການພົວພັນສອງຝ່າຍອັນດີງາມລະຫວ່າງ 2 ປະເທດ, ນະຄອນ ໂຮ່ຈີມິນ ແມ່ນໜຶ່ງໃນບັນດາທ້ອງຖິ່ນທີ່ຂະຫຍັນຂັນເຄື່ອນທີ່ສຸດໃນການຊຸກຍູ້ການຮ່ວມມືກັບ ຝຣັ່ງ. ໃນໄລຍະພັດທະນາໃໝ່, ນະຄອນຄາດວ່າ ຈະສືບຕໍ່ໄດ້ຮັບການຮ່ວມມື ແລະ ການສະໜັບສະໜູນຈາກລັດຖະບານ ຝຣັ່ງ ແລະ ປະຊາຄົມວິສາຫະກິດ ຝຣັ່ງ ໃນບັນດາຂົງເຂດສຳຄັນຄື: ການຫັນເປັນດີຈີຕອນ, ການສຶກສາ ແລະ ບຳລຸງສ້າງ, ພື້ນຖານໂຄງລ່າງສະຫຼາດ, ພັດທະນາຕົວເມືອງແບບຍືນຍົງ ແລະ ການຮັກສາມໍລະດົກວັດທະນະທຳ.
ທ່ານ ຫງວຽນລົກຮ່າ ກ່າວຄຳປາໄສວ່າ “ນະຄອນ ໃຫ້ຄຳໝັ້ນສັນຍາສ້າງເງື່ອນໄຂສະດວກທີ່ສຸດກ່ຽວກັບກົນໄກ, ນະໂຍບາຍ ແລະ ສະພາບແວດລ້ອມແຫ່ງການລົງທຶນ ເພື່ອໃຫ້ບັນດາຂໍ້ລິເລີ່ມຮ່ວມມືໄດ້ຮັບການຜັນຂະຫຍາຍຢ່າງແທດຈິງ, ມີປະສິດທິຜົນ ແລະ ຍືນຍົງ, ບົນຈິດໃຈຂອງຜົນປະໂຫຍດທີ່ກົມກຽວກັນ ແລະ ຄວາມສ່ຽງທີ່ມີການແບ່ງປັນ"
ທ່ານກໍ່ສະແດງຄວາມເຊື່ອໝັ້ນວ່າ ດ້ວຍພື້ນຖານປະຫວັດສາດ, ຄວາມໄວ້ເນື້ອເຊື່ອໃຈທາງດ້ານການເມືອງ ແລະ ການພົວພັນດ້ານເສດຖະກິດຢ່າງມີປະສິດທິຜົນ, ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຝຣັ່ງ ເວົ້າລວມ, ກໍ່ຄື່ການພົວພັນຮ່ວມມືລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນ ຝຣັ່ງ ເວົ້າສະເພາະ ຈະນັບມື້ນັບພັດທະນາ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ສະຖຽນລະພາບ ແລະ ວັດທະນາຖາວອນລວມ.
ທີ່ພິທີ, ທ່ານນາງ Emmanuelle Pavillon-Grosser, ກົງສຸນໃຫຍ່ຝຣັ່ງ ປະຈຳນະຄອນ ໂຮ່ຈີມິນ ໄດ້ທົບທວນຄືນຄວາມໝາຍປະຫວັດສາດຂອງວັນທີ 14 ກໍລະກົດ 1789, ເຊິ່ງແມ່ນເຫດການສຳຄັນໃນການເດີນທາງສ້າງຕັ້ງ ສາທາລະນະລັດ ຝຣັ່ງ. ທ່ານນາງກ່າວວ່າ ຢູ່ຫວຽດນາມ, ວັນຊາດຝຣັ່ງ ໄດ້ຈັດຂຶ້ນໃນບັນຍາກາດທີ່ຟົດຟື້ນ, ພິເສດແມ່ນພາຍຫຼັງປີທີ່ຄຶກຄື້ນໃນການພົວພັນສອງຝ່າຍລະຫວ່າງສອງປະເທດ.
 |
| ທ່ານນາງ Emmanuelle Pavillon-Grosser, ກົງສຸນໃຫຍ່ຝຣັ່ງ ປະຈຳນະຄອນ ໂຮ່ຈີມິນ. (ພາບ: TTXVN) |
ທ່ານນາງ ກົງສູນໃຫຍ່ ຝຣັ່ງ ໄດ້ຕີລາຄາສູງບົດບາດຂອງນະຄອນ ໂຮ່ຈີມິນ ໃນການພົວພັນລະຫວ່າງສອງປະເທດ, ພິເສດແມ່ນບັນດາການເຄື່ອນໄຫວຮ່ວມມືດ້ານເສດຖະກິດ, ການຄ້າ, ເຕັກໂນໂລຢີ, ປັນຍາປະດິດ, ສຶກສາ ແລະ ວັດທະນະທຳ.
 |
| ສະຖາບັນຝຣັ່ງ ປະຈຳຫວຽດນາມ ໄດ້ຮ່ວມກັນຈັດຕັ້ງງານມະໂຫລານຮູບເງົາສາກົນນະຄອນໂຮ່ຈິມິນຄັ້ງທີ 1 - HIFF 2024. (ພາບ: ກະຊວງວັດທະນະທຳ, ກິລາ ແລະ ທ່ອງທ່ຽວ) |
ທ່ານນາງ Emmanuelle Pavillon-Grosser ຢືນຢັນວ່າ ບັນດາໝາກຜົນນີ້ແມ່ນບັນດາຫຼັກຖານໃຫ້ແກ່ການພັດທະນາແບບຍືນຍົງ ແລະ ໝັ້ນຄົງຂອງສາຍພົວພັນຝຣັ່ງ - ຫວຽດນາມ, ໃນນັ້ນ ນະຄອນ ໂຮ່ຈີມິນ ສືບຕໍ່ມີບົດບາດນຳໜ້າໃນການຮ່ວມມືຢູ່ທ້ອງຖິ່ນ. ທ່ານນາງເຊື່ອໝັ້ນວ່າ, ນີ້ຈະແມ່ນພື້ນຖານເພື່ອຮັດແໜ້ນ ແລະ ພັດທະນາການພົວພັນຮ່ວມມືລະຫວ່າງ ຝຣັ່ງ ແລະ ຫວຽດນາມ ໃນໄລຍະຈະມາເຖິງ.
| ວັນທີ 14 ກໍລະກົດ, ທ່ານປະທານປະເທດ ເລືອງເກືອງ ໄດ້ສົ່ງສານອວຍພອນເຖິງທ່ານປະທານາທິບໍດີ Emmanuel Macron ເນື່ອງໃນໂອກາດວັນຊາດຝຣັ່ງ; ທ່ານນາຍົກລັດຖະມົນຕີ ຟ້າມມິງຈິງ ໄດ້ສົ່ງສານຊົມເຊີຍເຖິງທ່ານນາຍົກລັດຖະມົນຕີ François Bayrou; ທ່ານປະທານສະພາແຫ່ງຊາດ ເຈີ່ນແທ່ງເໝີນ ດ້ສົ່ງສານອວຍພອນເຖິງປະທານສະພາສູງ Gérard Larcher ແລະ ປະທານສະພາແຫ່ງຊາດ Yaël Braun-Pivet; ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸຍແທ່ງເຊີນໄດ້ສົ່ງສານຊົມເຊີຍເຖິງທ່ານລັດຖະມົນຕີວ່າການກະຊວງການຕ່າງປະເທດ ເອີລົບ Jean – Noël Barrot. |
ມີງດຶກ
