 | ນາຍທະຫານ 8 ສະຫາຍ ໄດ້ຮັບໜ້າທີ່ຮັກສາສັນຕິພາບຂອງສະຫະປະຊາຊາດ |
| ຫວຽດນາມ ສະໜັບສະໜູນລັດທິຫຼາຍຝ່າຍ ແລະບົດບາດໃຈກາງຂອງສະຫະປະຊາຊາດ |
 |
| ບັນດານາຍທະຫານກອງທະຫານຊ່າງແສງ ເລກ 2 ໄດ້ສໍາເລັດໜ້າທີ່ຢ່າງດີເລີດ, ເດີນທາງກັບມາຮອດສະຫນາມບິນສາກົນ ໂນ້ຍບາຍ. (ພາບ: ຈ້ອງດຶກ/ສຳນັກຂ່າວສານ ຫວຽດນາມ) |
ໃນທ້າຍອາທິດນີ້, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ພົບປະກັບ ທ່ານຮອງເລຂາທິການໃຫຍ່ ສະຫະປະຊາຊາດ Jean-Pierre Lacroix ເພື່ອແລກປ່ຽນກ່ຽວກັບການຮ່ວມມືລະຫວ່າງ ຫວຽດນາມ ແລະ ສະຫະປະຊາຊາດ ໃນຂົງເຂດປົກປັກຮັກສາສັນຕິພາບ.
ທີ່ການພົບປະ, ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ສະແດງຂອບໃຈສະຫະປະຊາຊາດ ແລະ ທ່ານຮອງເລຂາທິການໃຫຍ່ ສະຫະປະຊາຊາດ Lacroix ທີ່ຍາມໃດກໍ່ໄດ້ສະໜັບສະໜູນ, ໜູນຊ່ວຍ ຫວຽດນາມ ເຂົ້າຮ່ວມບັນດາການເຄື່ອນໄຫວຮັກສາສັນຕິພາບຢ່າງມີປະສິດທິຜົນໃນ 10 ປີຜ່ານມາ.
ຫວນຄືນບັນດາຜົນງານ ແລະ ການປະກອບສ່ວນອັນພົ້ນເດັ່ນຂອງກຳລັງຮັກສາສັນຕິພາບ ຫວຽດນາມ, ທ່ານເອກອັກຄະລັດຖະທູດ ເນັ້ນໜັກວ່າ ນີ້ແມ່ນຂົງເຂດບຸລິມະສິດສູງໃນການພົວພັນຄູ່ຮ່ວມມື ຫວຽດນາມ - ສະຫະປະຊາຊາດ, ປະກອບສ່ວນຢ່າງແທດຈິງໃຫ້ແກ່ສັນຕິພາບ ແລະ ຄວາມໝັ້ນຄົງສາກົນ; ຢືນຢັນວ່າ ຫວຽດນາມ ພ້ອມທີ່ຈະສົ່ງກຳລັງໄປຕື່ມອີກຕາມຄຳຮຽກຮ້ອງຂອງສະຫະປະຊາຊາດ, ລວມມີ ທັງກອງທັບ ແລະ ຕຳຫຼວດ, ໃນນັ້ນ ໃຫ້ບຸລິມະສິດຍົກສູງອັດຕາສ່ວນພະນັກງານ, ນັກຮົບຍິງຮັກສາສັນຕິພາບ, ພ້ອມກັນນັ້ນ ກໍ່ສືບຕໍ່ອອກສະໝັກເລືອກຕັ້ງເຂົ້າບັນດາທີ່ຕັ້ງທີ່ກ່ຽວຂ້ອງຢູ່ຄະນະເລຂາສະຫະປະຊາຊາດ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ດັ້ງຮວ່່າງຢາງ ປາດຖະໜາວ່າ ບັນດາອົງການ, ຫົວໜ່ວຍທີ່ມີໜ້າທີ່ ພາລະບົດບາດຂອງສະຫະປະຊາຊາດ ຈະສືບຕໍ່ໜູນຊ່ວຍ ຫວຽດນາມ ບຳລຸງສ້າງ, ເພີ່ມທະວີກຳລັງຄວາມສາມາດໃຫ້ບັນດາກຳລັງການທະຫານ ແລະ ຕຳຫຼວດຮັກສາສັນຕິພາບ ເພື່ອຕອບສະໜອງບັນດາຄວາມຮຽກຮ້ອງໃຫ້ດີກ່ວາ ແລະ ປະກອບສ່ວນເຂົ້າໃນການເຄື່ອນໄຫວຮັກສາສັນຕິພາບຂອງສະຫະປະຊາຊາດໃນສະພາບການໃໝ່ຢ່າງຕັ້ງໜ້າ.
ທ່ານເລຂາທິການໃຫຍ່ Jean-Pierre Lacroix ເນັ້ນໜັກວ່າ ການເຄື່ອນໄຫວຮັກສາສັນຕິພາບ ຈະສືບຕໍ່ແມ່ນເຄື່ອງມືສຳຄັນຂອງອົງການສະຫະປະຊາຊາດເພື່ອແກ້ໄຂບັນດາສິ່ງທ້າທາຍດ້ານຄວາມໝັ້ນຄົງໃນໂລກທີ່ມີການຜັນແປ; ຕີລາຄາສູງນະໂຍບາຍໜູນຊ່ວຍຂອງຫວຽດນາມ ແລະ ການເຂົ້າຮ່ວມຢ່າງຕັ້ງໜ້າ ແລະ ມີປະສິດທິຜົນໃນການເຄື່ອນໄຫວຮັກສາສັນຕິພາບຂອງສະຫະປະຊາຊາດໃນໄລຍະມໍ່ໆມານີ້.
ທ່ານຮອງເລຂາທິການໃຫຍ່ຢືນຢັນຈະສະໜັບສະໜູນ ແລະ ພ້ອມແລ້ວທີ່ຈະໜູນຊ່ວຍ ຫວຽດນາມ ສ້າງກຳລັງຄວາມສາມາດ ແລະ ປະກອບສ່ວນເຂົ້າໃນບັນດາການເຄື່ອນໄຫວຮັກສາສັນຕິພາບໃຫ້ຫຼາຍກ່ວາອີກ, ພິເສດແມ່ນຮັບປະກັນໃຫ້ ຫວຽດນາມ ກຽມພ້ອມທີ່ຈະຜັນຂະຫຍາຍກຳລັງຕຳຫຼວດຮັກສາສັນຕິພາບຄັ້ງທຳອິດເມື່ອອົງການສະຫະປະຊາຊາດຮຽກຮ້ອງ.
ທ່ານ Lacroix ກໍ່ຊຸກຍູ້ ຫວຽດນາມ ອອກສະໝັກເລືອກຕັ້ງເຂົ້າບັນດາທີ່ຕັ້ງສູງຢູ່ຄະນະເລຂາສະຫະປະຊາຊາດ; ຍິນດີຕໍ່ບັນດາຄຳໝັ້ນສັນຍາຂອງຫວຽດນາມ ໃນການປະຕິບັດບັນດາເປົ້າໝາຍ ແລະ ຄາດໝາຍທີ່ກ່ຽວຂ້ອງຂອງສະຫະປະຊາຊາດ, ພິເສດແມ່ນເພີ່ມທະວີອັດຕາສ່ວນທະຫານຍິງເຂົ້າຮ່ວມບັນດາການເຄື່ອນໄຫວຮັກສາສັນຕິພາບ.
 | ຂີດໝາຍຂອງ ຫວຽດນາມ ໃນປີທຳອິດທີ່ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ ຍສໝ - ເນື່ອງໃນໂອກາດ ຫວຽດນາມ ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ ໄດ້ໜຶ່ງປີ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂດ້ຫວຽດຮຸ່ງ ໄດ້ຕີລາຄາ, ໃຫ້ຂໍ້ສັງເກດກ່ຽວກັບບັນດາຂີດໝາຍຂອງ ຫວຽດນາມ ໃນປີທີ່ຜ່ານມາ ແລະ ທິດທາງໃນຕໍ່ໜ້າ. |
 | ຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຍສໝ - ວັນທີ 20 ທັນວາ, ຢູ່ນິວຢອກ (ອາເມລິກາ), ຄະນະຜູ້ແທນຫວຽດນາມ ປະຈໍາ ສະຫະປະຊາຊາດ (ສປຊ) ໄດ້ຈັດຕັ້ງພິທີສະເຫຼີມສະຫຼອງ 79 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 – 22 ທັນວາ 2023 ) ແລະ 34 ປີແຫ່ງ ... |
ແທັງຮັ່ງ
