 | ວັດທະນະທໍາຊາຫວຽດນາມ ປະກາຍແຈ້ງຢູ່ໃນປະເທດການາດາ |
| ການທ່ອງທ່ຽວຫວຽດນາມ ບືນຕົວຂຶ້ນ: 'ບົດດົນຕີປະສານສຽງ' ວັດທະນະທໍາ, ທໍາມະຊາດ, ເຕັກໂນໂລຢີ ແລະ ມະນຸດ |
ດ້ວຍຫົວຂໍ້ວ່າ “ຫວຽດນາມແຕ່ອະດີດເຖິງປະຈຸບັນ”, ລາຍການໄດ້ສະທ້ອນໃຫ້ເຫັນຮູບແຕ້ມສີສັນກ່ຽວກັບປະຫວັດສາດ, ຮີດຄອງປະເພນີ ແລະ ເອກະລັກຂອງຊາດຫວຽດນາມ. ເຫດການໄດ້ດຶງດູດແຂກເຂົ້າຮ່ວມ 300 ກວ່າຄົນ, ໃນນັ້ນມີການນຳທ້ອງຖິ່ນ ແລະ ເພື່ອນມິດສາກົນເປັນຈຳນວນຫຼວງຫຼາຍ.
 |
| ນັກສຶກສາຫວຽດນາມ ແລະ ລັດເຊຍ ສະແດງຊຸດເຊື້ອຍາວ. |
ກ່າວຄຳປາໄສທີ່ເຫດການ, ທ່ານນາງ ຫງວຽນມາຍເຮື່ອງ ຫົວໜ້າກົງສູນໃຫຍ່ ຫວຽດນາມ ປະຈຳ Ekaterinburg ໃຫ້ຮູ້ວ່າ “ວັນ ຫວຽດນາມ ຢູ່ Tyumen” ແມ່ນການເຄື່ອນໄຫວທີ່ມີຄວາມໝາຍເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສະຫະພັນລັດເຊຍ (30 ມັງກອນ 1950 – 30 ມັງກອນ 2025). ເຫດການດັ່ງກ່າວບໍ່ພຽງແຕ່ແມ່ນກາລະໂອກາດເພື່ອໂຄສະນາວັດທະນະທຳຫວຽດນາມ ໃຫ້ແກ່ຊາວ Tyumen ເທົ່ານັ້ນ, ຫາກຍັງປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
ທ່ານຮອງຜູ້ວ່າການ ແຂວງ Tyumen Andrei Panteleev ໄດ້ຕີລາຄາສູງ “ວັນວັດທະນະທຳ ຫວຽດນາມ ຢູ່ Tyumen”, ໂດຍເນັ້ນໜັກວ່າ ເຫດການດັ່ງກ່າວປະກອບສ່ວນຊຸກຍູ້ການຮ່ວມມື ແລະ ແລກປ່ຽນວັດທະນະທຳ 2 ຝ່າຍ. ທ່ານຢືນຢັນວ່າ ລຸ້ນໜຸ່ມແມ່ນຂົວເຊື່ອມຕໍ່ຂອງສອງປະເທດ, ປະກອບສ່ວນສຳຄັນເຂົ້າໃນການປັບປຸງການພົວພັນມິດຕະພາບທີ່ເປັນມູນເຊື້ອໃຫ້ໝັ້ນຄົງໃນອະນາຄົດ. ທ່ານຮອງຜູ້ວ່າການ ກໍ່ໄດ້ສະແດງຄວາມປາດຖະໜາຢາກສືບຕໍ່ພັດທະນາການພົວພັນຮ່ວມມືກັບ ຫວຽດນາມ, ພິເສດແມ່ນຂົງເຂດສຶກສາ ແລະ ການຄ້າ.
 |
| ນັກສຶກສາລັດເຊຍຕື່ນເຕັ້ນທີ່ລົງຕົວຈິງພິມຮູບແຕ້ມ ດົ່ງໂຮ່ |
ໃນຂອບເຂດເຫດການ, ບັນດາເພື່ອນລັດເຊຍ ໄດ້ມີໂອກາດຊອກຫາກ່ຽວກັບປະເທດຊາດ ແລະ ປະຊາຊົນ ຫວຽດນາມ ຜ່ານງານວາງສະແດງຮູບພາບ ແລະ ບັນດາການເຄື່ອນໄຫວແລກປ່ຽນສິລະປະຄື: ການແຕ້ມຮູບພື້ນເມືອງ ດົ່ງໂຮ່ ແລະ ຟ້ອນໄມ້ໄຜ່. ພິເສດ, ການສະແດງເພງ “Katyusha” ດ້ວຍທັງພາສາຫວຽດນາມ ແລະ ລັດເຊຍ ໄດ້ດຶງດູດຜູ້ແທນເຂົ້າຮ່ວມເປັນຈຳນວນຫຼວງຫຼາຍ.
 |
| ເພງ “Kachiusa” ແມ່ນໄດ້ສະແດງດ້ວຍທັງພາສາຫວຽດນາມ ແລະ ລັດເຊຍ. |
Alina, ນັກສຶກສາປີທີ 3 ຢູ່ມະຫາວິທະຍາໄລແຫ່ງຊາດ Tyumen ກ່າວວ່າ “ສຳລັບຂ້າພະເຈົ້າແລ້ວ, ວັນວັດທະນະທຳ ຫວຽດນາມ ຢູ່ Tyumen ແມ່ນປະສົບການພິເສດ, ມີຄວາມສຳນຶກໃນວັດທະນະທຳ ແລະ ປະຫວັດສາດອັນອຸດົມສົມບູນຂອງປະເທດນີ້, ຂ້າພະເຈົ້າຮູ້ສຶກເປັນກຽດຢ່າງຍິ່ງທີ່ໄດ້ເປັນພິທີກອນໃຫ້ງານລ້ຽງ ແລະ ນຸ່ງຊຸດເຊື້ອຍາວພື້ນເມືອງຫວຽດນາມ”.
ເຫດການ “ວັນວັດທະນະທຳຫວຽດນາມ ຢູ່ Tyumen” ບໍ່ພຽງແຕ່ແມ່ນໂອກາດເພື່ອໃຫ້ລຸ້ນນັກສຶກສາຫວຽດນາມ ພວມຮໍ່າຮຽນຢູ່ Tyumen ຮັກສາຮີດຄອງປະເພນີອັນດີງາມເທົ່ານັ້ນ, ຫາກຍັງແມ່ນໂອກາດເພື່ອເຊື່ອມຕໍ່ກັບເພື່ອນມິດສາກົນອີກດ້ວຍ. ໂຄງການດັ່ງກ່າວໄດ້ປະກອບສ່ວນເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງປະເທດ, ເພີ່ມພຸນຄຸນສ້າງສາຍພົວພັນມິດຕະພາບທີ່ເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ສະຫະພັນລັດເຊຍ ທີ່ມີມາແຕ່ດົນນານ.
 | ບຸນໄຫວ້ສິບຫ້າຄໍ່າ ເດືອນຈຽງ - ຄວາມງາມຂອງວັດທະນະທໍາພື້ນເມືອງຂອງຫວຽດນາມ ຍສໝ - ໃນວັນເພັງ ສິບຫ້າຄໍ່າ ເດືອນຈຽງ, ຫຼືເອີ້ນອີກຊື່ໜຶ່ງວ່າ ບຸນປີໃໝ່ວັນເພັງເດືອນຈຽງ, ຕາມຮີດຄອງປະເພນີດັ້ງເດີມ, ທຸກຄອບຄົວຄົນຫວຽດນາມ ລ້ວນແຕ່ກະກຽມພາເຂົ້າບູຊາເພື່ອຖວາຍບັນພະບຸລຸດ ແລະ ເທວະດາຟ້າແຖນ, ເພື່ອສະແດງຄວາມຮູ້ບຸນຄຸນ ແລະ ຄວາມເຄົາລົບນັບຖືຕໍ່ຜູ້ທີ່ໄປກ່ອນ ແລະ ຫວັງໃຫ້ປີໃໝ່ມີຄວາມສະຫງົບສຸກ ແລະ ໂຊກດີ. |
 | ຍສໝ - ຕາມຂໍ້ມູນຈາກຄະນະຜູ້ຕາງໜ້າຫວຽດນາມ ປະຈຳອົງການສຶກສາ, ວິທະຍາສາ ແລະວັດທະນະທຳ ສປຊ (UNESCO) ແລ້ວ, ວັນທີ 4 ທັນວາ, ຢູ່ນະຄອນຫຼວງ Asuncion, ປາຣາກວຍ, ໃນຂອບເຂດກອງປະຊຸມຄັ້ງທີ 19 ຄະນະກຳມະການລະຫວ່າງລັດຖະບານ ສົນທິສັນຍາ 2003 ກ່ຽວກັບການປົກປ້ອງມໍລະດົກວັດທະນະທຳບໍ່ເປັນວັດຖຸ, UNESCO ໄດ້ຈັດຊື່ ວັນບຸນ ຂວັນບ່າຈົ່ວພູຊາມ ... |
ມີງດຶກ
