 | ບຸນໄຫວ້ສິບຫ້າຄໍ່າ ເດືອນຈຽງ - ຄວາມງາມຂອງວັດທະນະທໍາພື້ນເມືອງຂອງຫວຽດນາມ |
| ປ່ຽນແປງໃໝ່ວິທີເຂົ້າເຖິງໃນການພັດທະນາການພົວພັນປະຊາຊົນຫວຽດນາມ - ລາວ |
ໃນສະພາບການຫັນເປັນທົ່ວໂລກ, ການທ່ອງທ່ຽວບໍ່ພຽງແຕ່ແມ່ນຂະແໜງເສດຖະກິດສຳຄັນເທົ່ານັ້ນ, ຫາກຍັງແມ່ນຂົວຕໍ່ທາງດ້ານວັດທະນະທຳ, ຊຸກຍູ້ຄວາມເຂົ້າໃຈລະຫວ່າງບັນດາປະເທດ. ໃນປີ 2023, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນ 12,6 ລ້ານເທື່ອຄົນ, ເພີ່ມຂຶ້ນ 3,4 ເທົ່າໃນປີ 2022 (ຕາມກົມໃຫຍ່ການທ່ອງທ່ຽວ) ແລະ ກໍ່ໄດ້ຮັບລາງວັນເປັນ “ຈຸດໝາຍປາຍທາງແຖວໜ້າຂອງອາຊີ” ໂດຍ World Travel Awards ເຊີດຊູ. ຜົນສຳເລັດດັ່ງກ່າວ ບໍ່ພຽງແຕ່ສະແດງໃຫ້ເຫັນຄວາມດຶງດູດຂອງພູມສັນຖານ ແລະ ວັດທະນະທຳເທົ່ານັ້ນ, ຫາກຍັງເປີດປະຕູໃຫ້ຫວຽດນາມ ຢືນຢູ່ໃນຕ່ອງໂສ້ມູນຄ່າການທ່ອງທ່ຽວຫຼູຫຼາທົ່ວໂລກອີກດ້ວຍ.
 |
| ປະຊາຊົນຈໍານວນຫຼາຍໄດ້ເລືອກເອົາການທ່ອງທ່ຽວສີຂຽວ. |
ການທ່ອງທ່ຽວແບບສ້າງສັນ: ນິຍາມຄືນໃໝ່ຄຸນຄ່າພື້ນເມືອງໃນຍຸກດິຈິຕອນ
ຫວຽດນາມ ພວມນຳໃຊ້ເຕັກໂນໂລຢີທີ່ທັນສະໄໝຢ່າງຕັ້ງໜ້າ ເພື່ອຍົກສູງການລົງຕົວຈິງການທ່ອງທ່ຽວ, ອະນຸລັກຮັກສາມໍລະດົກວັດທະນະທຳ. ຢູ່ກຳແພງພະລາຊະວັງທັງລອງ, ການຜັນຂະຫຍາຍຫ້ອງສາຍພາບ Panorama ດ້ວຍຈໍ 360 ອົງສາ ໄດ້ສ້າງບັນດາເຫດການປະຫວັດສາດຢ່າງມີຊີວິດຊີວາ, ຊ່ວຍໃຫ້ນັກທ່ອງທ່ຽວ “ສຳຜັດປະຫວັດສາດ” ແລະ ເຊື່ອມຕົວເຂົ້າກັຍຈັກກະວານຂອງລາຊະວົງສະໄໝບູຮານ.
ກ່ຽວກັບອາຫານການກິນ, ຫວຽດນາມ ພວມພັດທະນາບັນດາ tour ທີ່ລົງຕົວຈິງກັບວັດທະນະທຳອາຫານການກິນສົມທົບກັບການພັກຕາກອາກາດຊັ້ນນຳ. ຢ່າງໃດກໍຕາມ, ພວກເຮົາຍັງບໍ່ທັນໄດ້ພັດທະນາບັນດາ tour ອາຫານແບບສ້າງສັນໃນເວລາທີ່ທ່າແຮງໄດ້ຖືກປະເມີນວ່າມີຄວາມອຸດົມສົມບູນທີ່ສຸດ. ຕົວຢ່າງເຊັ່ນ, ບົດຮຽນການເຮັດເຂົ້າຈີ່ພື້ນເມືອງກັບພໍ່ຄົວແມ່ຄົວມາແຕ່ດົນນານຢູ່ຮ່າໂນ້ຍ, ຫຼືຄາບອາຫານການກິນທີ່ຕອບສະໜອງ hologram ທີ່ເຕັມໄປດ້ວຍຄວາມປະທັບໃຈຢູ່ນະຄອນໂຮ່ຈີມິນ, ຄັນຊັ້ນ ນັ້ນກໍ່ແມ່ນຮູບພາບທີ່ບໍ່ມີຄວາມເປັນຳປໄດ້ແມ່ນບໍ?
ນະໂຍບາຍການທ່ອງທ່ຽວ “ອັດສະລິຍະ”: ດຸ່ນດ່ຽງການເຕີບໂຕ ແລະ ການພັດທະນາແບບຍືນຍົງ
ນັບແຕ່ປີ 2023, ການເປີດກ້ວາງນະໂຍບາຍວີຊາເອເລັກໂຕນິກ 90 ມື້ ແລະ ເພີ່ມເວລາພັກເຊົາຊົ່ວຄາວຂຶ້ນເປັນ 45 ວັນຂອງ 13 ປະເທດ ໄດ້ຊ່ວຍດຶງດູດນັກທ່ອງທ່ຽວເອີຣົບ ເປັນຈຳນວນຫຼວງຫຼາຍ. ເຖິງຢ່າງໃດກໍຕາມ, ຕາມບົດລາຍງານດັດສະນີພັດທະນາການທ່ອງທ່ຽວ ແລະ ໄປທ່ຽວໄກ (TTDI) ຂອງເວທີປາໄສເສດຖະກິດໂລກ (WEF) 2023, ຫວຽດນາມ ຢືນອັນດັບທີ 59 ໃນຈຳນວນ 119 ປະເທດໃນການແຂ່ງຂັນດ້ານການທ່ອງທ່ຽວ. ເຖິງວ່າໄດ້ຮັບຄະແນນຫຼາຍໃນບາງໝວດໝູ່ກໍ່ຕາມ, ແຕ່ ຫວຽດນາມ ຍັງຄົງປະສົບກັບຄວາມຫຍຸ້ງຍາກໃນການຄຸ້ມຄອງສິ່ງແວດລ້ອມ ແລະ ພັດທະນາການທ່ອງທ່ຽວແບບຍືນຍົງ.
ເພື່ອແກ້ໄຂບັນຫາທີ່ຄ້າຍຄືກັນ, ອຽກລັງ ໄດ້ນຳໃຊ້ລະບົບການຈອງສະຖານທີ່ທ່ອງທ່ຽວທີ່ອ່ອນໄຫວຄື ຫ້ວຍນ້ຳຮ້ອນ Blue Lagoon, ເພື່ອຄວບຄຸມຈຳນວນຜູ້ມາຢ້ຽມຢາມ ແລະ ປົກປັກຮັກສາສິ່ງແວດລ້ອມ. ຫວຽດນາມ ສາມາດນຳເອົາຮູບແບບນີ້ເພື່ອຄຸ້ມຄອງການທ່ອງທ່ຽວແບບຍືນຍົງຢູ່ບັນດາສະຖານທີ່ທ່ອງທ່ຽວຄື Sa Pa. ກວ້າງກວ່ານັ້ນ, ສາມາດເຫັນໄດ້ວ່າ ຫວຽດນາມ ຕ້ອງສ້າງແລວທາງດ້ານກົດໝາຍເພື່ອຈຳກັດນັກທ່ອງທ່ຽວຢູ່ບັນດາສະຖານທີ່ມໍລະດົກ, ພ້ອມກັນນັ້ນກໍ່ພັດທະນາບັນດາຜະລິດຕະພັນປ່ຽນແທນເພື່ອສ້າງຄວາມຫຼາກຫຼາຍໃຫ້ແກ່ນັກທ່ອງທ່ຽວໃນຍາມລະດູບານໃໝ່ ຫຼື ບັນດາຈຸດໝາຍປາຍທາງທີ່ສຳຄັນ.
ຍຸດທະສາດໂຄສະນາ 4.0: ການປຸກລຸກຄວາມສາມາດບົ່ມຊ້ອນຂອງຕະຫຼາດສະເພາະຂະແໜງ ແລະ ກຳນົດຈຸດຢືນເຄື່ອງໝາຍການຄ້າຂອງປາຍທາງ
ເພື່ອດຶງດູດນັກທ່ອງທ່ຽວສາກົນໃຫ້ຫຼາຍກວ່າເກົ່າ, ຫວຽດນາມ ສາມາດປະຕິບັດບັນດາຍຸດທະສາດໂຄສະນາລະອຽດເພື່ອມຸ່ງໄປເຖິງບັນດາຕະຫຼາດໃໝ່ທີ່ພວມເຕີບໂຕຢ່າງແຮງໃນການທ່ອງທ່ຽວພາຍນອກ. ຕົວຢ່າງ, ປະເທດ ເອີຣົບເໜືອ ດ້ວຍປະຊາກອນທີ່ມີຄສາມາດໃນການໃຊ້ຈ່າຍສູງ ແລະ ຄວາມຕ້ອງການຄົ້ນຫາຈຸດຫມາຍປາຍທາງໃຫມ່, ຫຼື ເຂດຕາເວັນອອກກາງ, ບ່ອນທີ່ນັກທ່ອງທ່ຽວກໍາລັງຊອກຫາປະສົບການວັດທະນະທໍາທີ່ອຸດົມສົມບູນ ແລະ ສະຖານທີ່ທໍາມະຊາດທີ່ແຕກຕ່າງ, ນັ້ນລ້ວນແຕ່ແມ່ນເປົ້າຫມາຍທີ່ມີທ່າແຮງທັງຫມົດ.
ຄຽງຄູ່ກັນນັ້ນ, ຫວຽດນາມ ຕ້ອງຍູ້ແຮງການໂຄສະນາເອກະລັກສີສັນວັດທະນະທຳຂອງຕົນ. ບັນດາງານບຸນປະເພນີ, ອາຫານພິເສດ ແລະ ຮູບແບບສິລະປະພື້ນເມືອງຈະເປັນອົງປະກອບທີ່ໂດດເດັ່ນ, ສ້າງຄວາມແຕກຕ່າງຈາກຈຸດໝາຍປາຍທາງອື່ນໆ. ການຮ່ວມມືກັບບັນດາຜູ້ປະດິດສ້າງເນື້ອໃນ, ຊ່ອງສື່ມວນຊົນສາກົນ ແລະ ຜູ້ມີອິດທິພົນໃນຂະແໜງທ່ອງທ່ຽວ ຈະຊ່ວຍນຳຮູບພາບຂອງ ຫວຽດນາມ ເຂົ້າໃກ້ກັບນັກທ່ອງທ່ຽວຕ່າງປະເທດ.
ຫວຽດນາມ ສາມາດເປີດກວ້າງທ້ອງຕະຫຼາດທ່ອງທ່ຽວສາກົນແບບຍືນຍົງ, ທັງດຶງດູດນັກທ່ອງທ່ຽວໃໝ່ ແລະ ຮັກສາບັນດາຄຸນຄ່າທີ່ມີຢູ່ແລ້ວ. ໃນຂະບວນການພັດທະນາ, ພວກເຮົາຍາມໃດກໍຕ້ອງຕັກເຕືອນກັນ ແລະ ກັນປົກປັກຮັກສາວັດທະນະທຳຂອງຊາດ. ເພາະວ່າ ເສັ້ນແດນອັນບອບບາງລະຫວ່າງການອະນຸລັກ ແລະ ການພັດທະນາບໍ່ສາມາດເຫັນໄດ້ງ່າຍໆ, ນີ້ແມ່ນເລື່ອງ “ທີ່ເວົ້າໄດ້ງ່າຍ, ແຕ່ການເຮັດບໍ່ແມ່ນຍາກ, ຫາກແມ່ນຍາກທີ່ສຸດ”.
ເພື່ອນຳການທ່ອງທ່ຽວຫວຽດນາມ ຂຶ້ນສູ່ຈຸດສູງ
ເພື່ອຫັນ ຫວຽດນາມ ໃຫ້ກາຍເປັນ “ຈຸດໝາຍທີ່ບໍ່ອາດພາດ” ຄືການແນະນຳຂອງ Lonely Planet, ຕ້ອງຜັນຂະຫຍາຍບັນດາມາດຕະການແກ້ໄຂຈາກນະໂຍບາຍລະດັບມະຫາພາກໄປເຖິງການຍົກສູງຄຸນນະພາບການບໍລິການໃນລະດັບຈຸນລະພາກ. ຍຸດທະສາດພັດທະນາການທ່ອງທ່ຽວຫວຽດນາມ ຮອດປີ 2030 ໄດ້ຮັບການຮັບຮອງຈາກນາຍົກລັດຖະມົນຕີ ເພື່ອແນໃສ່ເຮັດໃຫ້ຫວຽດນາມ ກາຍເປັນຈຸດໝາຍທີ່ດຶງດູດໃຈ, ນອນໃນຈຳນວນ 3 ປະເທດພັດທະນາການທ່ອງທ່ຽວໃນອາຊີຕາເວັນອອກສ່ຽງໃຕ້ ແລະ ໃນຈຳນວນ 50 ປະເທດທີ່ມີຄວາມສາມາດແກ່ງແຍ້ງດ້ານການທ່ອງທ່ຽວຂອງໂລກ.
ເພື່ອບັນລຸເປົ້າໝາຍດັ່ງກ່າວ, ຕ້ອງປະຕິບັດບັນດາມາດຕະການແກ້ໄຂຄື ການສຳເລັດກົດບັນຢັດ, ນະໂຍບາຍພັດທະນາການທ່ອງທ່ຽວ; ພັດທະນາພື້ນຖານໂຄງລ່າງ ແລະ ເຕັກນິກດ້ານການທ່ອງທ່ຽວ; ແຫຼ່ງພັດທະນາຊັບພະຍາກອນມະນຸດດ້ານການທ່ອງທ່ຽວທີ່ມີຄຸນນະພາບສູງ; ຄວາມຫຼາກຫຼາຍ ແລະ ຍົກສູງຄຸນນະພາບຂອງຜະລິດຕະພັນການທ່ອງທ່ຽວ; ຊຸກຍູ້, ໂຄສະນາ ແລະ ສ້າງເຄື່ອງໝາຍການທ່ອງທ່ຽວ ຫວຽດນາມ; ການນຳໃຊ້ວິທະຍາສາດ ແລະ ເຕັກໂນໂລຊີ ໃນການຄຸ້ມຄອງ ແລະ ພັດທະນາການທ່ອງທ່ຽວ. ແຕ່ລະບາດກ້າວໄປຕ້ອງຖືຄວາມຍືນຍົງເປັນຈຸດໃຈກາງ, ປ່ຽນຊຸມຊົນເປັນເຈົ້າກຳ ແລະ ໝຸນໃຊ້ເຕັກໂນໂລຢີເພື່ອບອກເລົ່າເລື່ອງວັດທະນະທໍາທີ່ຫຼາກຫຼາຍສີສັນ.
 | ຍສໝ - ການແຂ່ງຂັນພາກສຽງທີ່ຄັດຈາກຕອນຮູບເງົາ, ການແຂ່ງຂັນເວົ້າພາສາ ແອັດສະປາຍ ເກັ່ງ, ຊິມອາຫານຂອງບັນດາປະເທດທີ່ເວົ້າພາສາ ແອັດສະປາຍ, ງານມະໂຫລານສິລະປະ Luminiscente... ແມ່ນບັນດາການເຄື່ອນໄຫວທີ່ຟົດຟື້ນ ເຊິ່ງໄດ້ດຳເນີນໃນສັບປະດາວັດທະນະທຳບັນດາປະເທດເວົ້າພາສາ ແອັດສະປາຍ ປີ 2024. ລາຍການ ກໍໄດ້ຈັດພິທີເປີດໃນວັນທີ 24 ເມສາ ຢູ່ມະຫາວິທະຍາໄລ ຮ່າໂນ້ຍ. |
 | ຍສໝ - ຕາມຂໍ້ມູນຈາກຄະນະຜູ້ຕາງໜ້າຫວຽດນາມ ປະຈຳອົງການສຶກສາ, ວິທະຍາສາ ແລະວັດທະນະທຳ ສປຊ (UNESCO) ແລ້ວ, ວັນທີ 4 ທັນວາ, ຢູ່ນະຄອນຫຼວງ Asuncion, ປາຣາກວຍ, ໃນຂອບເຂດກອງປະຊຸມຄັ້ງທີ 19 ຄະນະກຳມະການລະຫວ່າງລັດຖະບານ ສົນທິສັນຍາ 2003 ກ່ຽວກັບການປົກປ້ອງມໍລະດົກວັດທະນະທຳບໍ່ເປັນວັດຖຸ, UNESCO ໄດ້ຈັດຊື່ ວັນບຸນ ຂວັນບ່າຈົ່ວພູຊາມ ... |
ມີງດຶກ
