 | ເຊີນລາ ເອົາໃຈໃສ່ການພົວພັນຮ່ວມມືມິດຕະພາບແບບພິເສດກັບບັນດາທ້ອງຖິ່ນຂອງລາວ |
| ແຂວງ ຫາຍຟ່ອງ ແລະ ເຊີນລາ ໄດ້ຈັດຕັ້ງການພົບປະແລກປ່ຽນຂ່ຳນັບຮັບຕ້ອນວັນຊາດ ລາວ |
ເຂົ້າຮ່ວມພິທີມອບຮັບມີທ່ານ Sato Kenji, ທີ່ປຶກສາຄົ້ນຄວ້າຈາກສະຖານທູດ ຍີ່ປຸ່ນ ປະຈຳ ຫວຽດນາມ; ທ່ານ ຟ້າມຫວູຖັງ, ຫົວໜ້າຄະນະຄຸ້ມຄອງໂຄງການໜູນຊ່ວຍເຕັກນິກ ເພີ່ມທະວີການຄຸ້ມຄອງຊັບພະຍາກອນທຳມະຊາດແບບຍືນຍົງ ຢູ່ສູນກາງ, ຄະນະຄຸ້ມຄອງບັນດາໂຄງການປ່າໄມ້ (ກະຊວງກະສິກຳ ແລະ ພັດທະນາຊົນນະບົດ ຫວຽດນາມ); ທ່ານ ຟານກູຍເຢືອງ, ຮອງປະທານຄະນະກຳມະການປະຊາຊົນເມືອງ ຟູອຽນ, ພ້ອມກັບບັນດາຜູ້ຕາງໜ້າບັນດາຄະນະ, ຂະແໜງການທ້ອງຖິ່ນ ແລະ ລວມໝູ່ຄູອາຈານ, ນັກຮຽນຂອງໂຮງຮຽນ.
 |
| ບັນດາຜູ້ແທນຕັດແຖບຜ້າເປີດສະຫຼອງເຂດເຄິ່ງກິນນອນ, ເຂດເຮືອນຄົວຢູ່ໂຮງຮຽນປະຖົມ ແລະ ມັດທະຍົມຕອນຕົ້ນ ດ່າດໍ. |
ຕາມຂໍ້ມູນໃນເຫດການດັ່ງກ່າວ, ເມືອງ ຟູອຽນ ແມ່ນເຂດພູດອຍມີປະຊາກອນປະມານ 90% ແມ່ນຊົນເຜົ່າສ່ວນໜ້ອຍ, ມີຫຼາຍເຂດຍັງຂາດພື້ນຖານໂຄງລ່າງ. ຍ້ອນພູມປະເທດພູດອຍທີ່ທຸລະກັນດານ, ການເດີນທາງຂອງນັກຮຽນປະສົບກັບຄວາມຫຍຸ້ງຍາກຫຼາຍຢ່າງ, ຫຼາຍນ້ອງຕ້ອງຢູ່ນຳເຂດເຄິ່ງກິນນອນຂອງໂຮງຮຽນປະຖົມ - ມັດທະຍົມຕອນຕົ້ນ ດ່າດໍ. ຕາແສງ ດ່າດໍ ກໍ່ໄດ້ຮັບຜົນກະທົບຈາກສະພາບອາກາດທີ່ຮ້າຍແຮງ, ດ້ວຍອຸນຫະພູມທີ່ອາດຈະເກີນ 40 ອົງສາ ໃນລະດູແລ້ງ ແລະ ປະລິມານນ້ຳຝົນທີ່ຫຼາຍໃນລະດູຝົນ.
ໂດຍປະເຊີນໜ້າກັບສະພາບຕົວຈິງນັ້ນ, ຄະນະກຳມະການປະຊາຊົນເມືອງ ຟູອຽນ ໄດ້ຕັ້ງໜ້າປັບປຸງພື້ນຖານໂຄງລ່າງດ້ານການສຶກສາ. ໂຄງການເຂດເຄິ່ງກິນນອນ, ເຂດເຮືອນຄົວຄັ້ງນີ້ແມ່ນຂຶ້ນກັບ "ໂຄງການກໍ່ສ້າງເຂດເຄິ່ງກິນນອນໃຫ້ໂຮງຮຽນປະຖົມ - ມັດທະຍົມຕອນຕົ້ນ ດ່າດໍ, ເມືອງ ຟູອຽນ, ແຂວງ ເຊີນລາ" ດ້ວຍຍອດຈຳນວນທຶນກວ່າ 71.800 USD (ເທົ່າກັບ 1,7 ຕື້ດົ່ງ) ຈາກໂຄງການທຶນບ້ວງຊ່ວຍເຫຼືອລ້າລະດັບຮາກຖານ Kusanone ຂອງລັດຖະບານ ຍີ່ປຸ່ນ.
 |
| ເຂດເຄິ່ງກິນນອນຂອງໂຮງຮຽນປະຖົມ ແລະ ມັດທະຍົມຕອນຕົ້ນ ດ່າດໍ ໄດ້ຮັບການກໍ່ສ້າງໃໝ່. |
ກ່າວຄຳປາໄສທີ່ພິທີມອບຮັບ, ທ່ານ Sato Kenji ໃຫ້ຮູ້ວ່າ ໂຄງການທຶນບ້ວງຊ່ວຍເຫຼືອລ້າລະດັບຮາກຖານ Kusanone ໃຫ້ບຸລິມະສິດບັນດາບັນຫາຮີບດ່ວນມີລັກສະນະມະນຸດສະທຳສູງໃຫ້ຫຼາຍທ້ອງຖິ່ນຢູ່ຫ່າງໄກສອກຫຼີກ. ໂດຍເລີ່ມຕົ້ນຢູ່ ຫວຽດນາມ ເມື່ອປີ 1992, ມາຮອດປະຈຸບັນ ໂຄງການໄດ້ໜູນຊ່ວຍປະມານ 744 ໂຄງການ ດ້ວຍມູນຄ່າກວ່າ 66 ລ້ານ USD.
“ຜ່ານການໜູນຊ່ວຍນີ້, ສະຖານທູດຍີ່ປຸ່ນ ປະຈຳ ຫວຽດນາມ ປາດຖະໜາຢາກຮ່ວມມື, ເຊື່ອມຕໍ່ກັບອະນາຄົດພ້ອມກັບປະຊາຊົນ ຫວຽດນາມ. ໂຄງການນີ້ ຈະຊ່ວຍໃຫ້ບັນດານັກຮຽນ, ລຸ້ນໃໝ່ ຫວຽດນາມ, ມີເງື່ອນໄຂຮໍ່າຮຽນນັບມື້ນັບດີຂຶ້ນ ແລະ ສ້າງອະນາຄົດທີ່ສົດໃສ. ບັນດາການໜູນຊ່ວຍແທ້ຈິງເຫຼົ່ານີ້ ກໍ່ຍັງປະກອບສ່ວນເພີ່ມທະວີນ້ຳໃຈມິດຕະພາບທີ່ເປັນມູນເຊື້ອລະຫວ່າງ ຍີ່ປຸ່ນ ແລະ ຫວຽດນາມ”, ທ່ານກ່າວ.
ໃນສານທີ່ສົ່ງໄປຍັງໂຮງຮຽນ, ທ່ານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ຍີ່ປຸ່ນ ປະຈຳ ຫວຽດນາມ Ito Naoki ໄດ້ສະແດງຄວາມປິຕິຊົມຊື່ນທີ່ໂຄງການຊ່ວຍປັບປຸງເງື່ອນໄຂຮໍ່າຮຽນ ແລະ ຊີວິດການເປັນຢູ່ໃຫ້ນັກຮຽນ. ທ່ານເນັ້ນໜັກວ່າ ບົນພື້ນຖານການຮ່ວມມືຍຸດທະສາດຮອບດ້ານລະຫວ່າງ ຍີ່ປຸ່ນ ແລະ ຫວຽດນາມ, ບັນດາການໜູນຊ່ວຍທີ່ແທດຈິງນີ້ ຈະສືບຕໍ່ປະກອບສ່ວນເຂົ້າໃນການພັດທະນາແບບຍືນຍົງຂອງ ຫວຽດນາມ.
 | ເຊີນລາ: ເປີດນຳໃຊ້ຄູ່ດ່ານຊາຍແດນສາກົນ ລ້ອງເຊີບ - ປ່າຮ່າງ ຍສໝ - ຕອນເຊົ້າວັນທີ 19 ພະຈິກ, ຢູ່ດ່ານຊາຍແດນສາກົນ ລ້ອງເຊີບ (ຫຼັກໝາຍຊາຍແດນມີ 255), (ເມືອງ ມົກເຈົາ, ແຂວງ ເຊີນລາ) ໄດ້ຈັດພິທີປະກາດເປີດນຳໃຊ້ຄູ່ດ່ານຊາຍແດນສາກົນ ລ້ອງເຊີບ, ແຂວງ ເຊີນລາ, ສາທາລະນະລັດ ສັງຄົມນິຍົມ ຫວຽດນາມ ແລະ ປ່າຮ່າງ, ແຂວງ ຫົວພັນ, ສາທາລະນະລັດ ... |
 | ເພີ່ມທະວີການຄ້າລະຫວ່າງແຂວງ ເຊີນລາ ແລະ ບັນດາແຂວງພາກເໜືອຂອງ ລາວ ຍສໝ - ດ້ວຍເສັ້ນຊາຍແດນ 250 ກິໂລແມັດ, ມີຊາຍແດນຕິດກັບແຂວງ ຫົວພັນ ແລະ ແຂວງ ຫຼວງພະບາງ (ລາວ), ການຊຸກຍູ້ໂຄງລ່າງການຄ້າຊາຍແດນລະຫວ່າງແຂວງ ເຊີນລາ ແລະ ບັນດາແຂວງພາກເໜືອຂອງ ລາວ ຈະມີການປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມຂອງສອງປະເທດ. |
ແທັງຮັ່ງ
