 | ນັກຮຽນ, ນັກສຶກສາ ດົງທ໋າບ ພົບປະແລກປ່ຽນກັບນັກສຶກສາລາວ ແລະ ກຳປູເຈຍ |
| ຍ້ອງຍໍໃຫ້ບັນດານັກສຶກສາ ຫວຽດນາມ ທີ່ໄດ້ຮັບນາມມະຍົດ “ນັກສຶກສາ 5 ດີ” ຢູ່ສະຫະພັນ ລັດເຊຍ ໃນປີ 2024. |
 |
| ອາຈານ ເກີມທິຫງຽບ ແລະ ນັກສຶກສາ ລາວ ໃທີ່ການພົບປະ. (ພາບ: NVCC) |
ເຂົ້າໃຈຢ່າງເລິກເຊິ່ງ ແລະ ແບ່ງປັນກັບນັກສຶກສາ
ໂດຍຮັບຜິດຊອບທັງບົດບາດເປັນຜູ້ຄຸ້ມຄອງ, ຄູສອນ ແລະ ດູແລສຸຂະພາບໃຫ້ນັກຮຽນ, ນັກສຶກສາແລ້ວ, ທ່ານ ອາຈານ ເກີມທິຫງຽບ ຫາກຍັງເປັນຫົສໜ້າຂອງສະໂມສອນເພື່ອນໜຸ່ມ ຫວຽດນາມ - ລາວ, ບ່ອນຈັດຕັ້ງບັນດາການເຄື່ອນໄຫວພົບປະ, ແລກປ່ຽນວັດທະນະທຳລະຫວ່າງນັກສຶກສາ 2 ປະເທດ.
“ນັກຮຽນຫຼາຍຄົນທີ່ກັບຄືນໄປເຮັດວຽກ ຫຼື ສືບຕໍ່ຮຽນຕໍ່ຢູ່ບັນດາໂຮງຮຽນອື່ນຍັງຕິດຕໍ່ ແລະ ແບ່ງປັນ, ໃຫ້ຄຳປຶກສາກ່ຽວກັບການຮ່ຳຮຽນ. ຂ້າພະເຈົ້າເຕັມໃຈທີ່ຈະຮັບຟັງ ແລະ ສະໜັບສະໜູນພວກນ້ອງ,” ອາຈານ ຫງຽບ ແບ່ງປັນ.
 |
| ບັນດານັກສຶກສາ ລາວ ຖ່າຍຮູບທີ່ລະນຶກພ້ອມກັບອາຈານ ຫງຽບ. (ພາບ: NVCC) |
ປີ 2021, ສະມາຄົມສິລະປະ ເຈື່ອງເຊີນ ແຂວງ ອຽນບາຍ ໄດ້ສະເໜີໃຫ້ອຳນວຍການວິທະຍາໄລສາທາລະນະສຸກ ອຽນບາຍ (ປະຈຸບັນແມ່ນ ວິທະຍາໄລ ອຽນບາຍ) ຢາກຈັດຕັ້ງສະໜາມຫຼິ້ນໃຫ້ແກ່ບັນດານັກສຶກສາ ລາວ. ໃນເດືອນຕຸລາ 2021, ສະໂມສອນເພື໋ອນໜຸ່ມ ຫວຽດນາມ - ລາວ ໄດ້ຮັບການສ້າງຕັ້ງ ແລະ ເປີດຕົວໂດຍອາຈານ ເກີມທິຫງຽບ ເປັນຫົວໜ້າ.
 |
| ອາຈານ ຫງຽບ ພ້ອມກັບນັກສຶກສາໄປລົງຕົວຈິງ. (ພາບ: NVCC) |
ສ່ວນຫຼາຍການເຄື່ອນໄຫວຂອງນັກຮຽນ, ນັກສຶກສາ ລາວ ໂດຍອາຈານ ຫງຽບ ຮັບຜິດຊອບ. ໃນສົກຮຽນ 2023-2024, ເລີ່ມຕົ້ນຈາກຄວາມເຂົ້າໃຈຄວາມມຸ່ງມາດປາດຖະໜາຂອງນັກສຶກສາ ລາວ, ອາຈານໄດ້ແນະນຳນັກສຶກສາ ລາວ ຜູ້ໜຶ່ງພ້ອມກັບປະຕິບັດຂໍ້ລິເລີ່ມຄົ້ນຄວ້າວິທະຍາສາດ “ຮຽບຮຽງເອກະສານສາລະບານສັບວິຊາການພາສາ ຫວຽດນາມ - ລາວ ວິຊາກາຍະວິພາກ ແລະ ສະລີລະ ໃຫ້ນັກສຶກສາ ລາວ ຂະແໜງພະຍາບານຢູ່ວິທະຍາໄລ ອຽນບາຍ”.
ສັບວິຊາການພາຍຫຼັງທີ່ເລືອກຮຽບຮຽງເປັນຄຳສັບພາສາ ລາວ, ມີຜັນສຽງພາສາ ລາວ. ບາງຄຳສັບພິເສດຂອງພາສາລາວ ຖ້າພັນລະນາໄດ້ບໍ່ລະອຽດຖືກຕ້ອງ, ແມ່ນນຳໃຊ້ຄຳສັບສາກົນ (ພາສາອັງກິດ). ອາຈານ ຫງຽບ ບໍ່ໄດ້ຮຽບຮຽງສັບຊ້ອນຕາມລໍາດັບຕົວອັກສອນ, ແຕ່ຈຸດສຸມຂອງການແກ້ໄຂແມ່ນຜ່ານຜ່າຄວາມຫຍຸ້ງຍາກ ແລະ ຍົກສູງຄຸນນະພາບຂອງວິຊາຮຽນໃຫ້ນັກສຶກສາຕ່າງປະເທດ.
 |
| ໃກ້ຊິດຕິດພັນກັບນັກສຶກສາ. (ພາບ: NVCC) |
ດ້ວຍຄຳຂວັນ “ເອົາຜູ້ຮຽນເປັນສູນກາງ”, ສາລະບານສັບວິຊາການກາຍະວິພາກ ແລະ ສະລີລະ ໄດ້ຮຽບຮຽງຕາມແຕ່ລະບົດຮຽນ, ລຳດັບຂອງຄຳສັບໃນສາລະບານສັບຊ້ອນຕາມລຳດັບປະກົດຂອງຄຳສັບໃນເນື້ອໃນຂອງແຕ່ລະພາກ, ຫົວຂໍ້ຍ່ອຍ…
ອາຈານ ຫງຽບ ບໍ່ໄດ້ຖືວ່າມັນເປັນເປົ້າໝາຍຜົນງານ, ແຕ່ຫວັງວ່າຈະນຳໄປເຖິງຄວາມສະດວກສະບາຍຊ່ວຍໃຫ້ແກ່ນັກສຶກສາ ລາວ, ຊ່ວຍໃຫ້ພວກເຂົາຮັບເອົາຄວາມຮູ້ໄດ້ໄວ ແລະ ງ່າຍຂຶ້ນກວ່າ. ກໍ່ແຕ່ຂໍ້ລິເລີ່ມນີ້, ອາຈານ ຫງຽບ ໄດ້ຮັບນາມມະຍົດນາຍຄູໜຸ່ມດີເດັ່ນລະດັບແຂວງປີ 2024 ໂດຍຄະນະຊາວໜຸ່ມແຂວງ ອຽນບາຍ ມອບໃຫ້.
ທ້າວ ສີແສງເພັດ ໂອລາພັນ ເວົ້າວ່າ: “ອາຈານ ເກີມທິຫງຽບ ບໍ່ພຽງແຕ່ເປັນຄູສອນເທົ່ານັ້ນ, ຫາກຍັງເປັນແມ່, ເປັນເພື່ອນ ແລະ ເປັນແຫຼ່ງກຳລັງຜັກດັນໃຫ້ນັກສຶກສາຫຼາຍລຸ້ນຫຼັງຄືພວກນ້ອງ”.
ຍາມໃດກໍ່ເອົາໃຈໃສ່ເຖິງຊີວິດການເປັນຢູ່ຂອງລູກສິດ
ດ້ວຍບົດບາດເປັນຫົວໜ້າສະໂມສອນເພື່ອນໜຸ່ມ ຫວຽດນາມ - ລາວ, ອາຈານ ເກີມທິຫງຽບ ໄດ້ເສນາທິການເປັນປະຈຳກັບການນຳຂອງໂຮງຮຽນ ສົມທົບກັບສະມາຄົມສິລະປະ ເຈືອງເຊີນ ແຂວງ ອຽນບາຍ ເພື່ອຈັດຕັ້ງຫຼາຍການເຄື່ອນໄຫວການສຶກສາ, ບຳລຸງສ້າງອຸດົມການປະຕິວັດໃຫ້ພວກນ້ອງ.
 |
| ອາຈານ ຫງຽບ - ເປັນຜູ້ສົ່ງແຮງບັນດານໃຈໃຫ້ແກ່ນັກສຶກສາລາວ ຫຼາຍລຸ້ນ. (ພາບ: NVCC) |
ອາຈານ ຫງຽບ ແບ່ງປັນວ່າ: “ເມື່ອໄດ້ເຂົ້າຮ່ວມກອງປະຊຸມໃຫຍ່ສະມາຄົມສິລະປະ ເຈືອງເຊີນ ຫວຽດນາມ, ຂ້າພະເຈົ້າມີການແບ່ງປັນກັບບັນດາສະມາຊິກກ່ຽວກັບສະໂມສອນຂອງຕົນ, ບັນດາທ່ານໄດ້ມອບປຶ້ມໃຫ້ຫຼາຍຫົວ. ກ່ຽວກັບໂຮງຮຽນ, ແຕ່ລະອາທິດໃນການດຳເນີນຊີວິດຂອງສະໂມສອນ, ຂ້າພະເຈົ້າໃຫ້ພວກນ້ອງອ່ານໃຫ້ກັນຟັງ, ທັງຝຶກຝົນພາສາ ຫວຽດນາມ ແລະ ທັງເຂົ້າໃຈກ່ຽວກັບບັນດາເລື່ອງວັດທະນະທຳ, ປະຫວັດສາດຂອງ ຫວຽດນາມ ຕື່ມອີກ”.
 |
| ບັນດານັກສຶກສາ ລາວ ຍາມໃດກໍ່ມີຄວາມໃກ້ຊິດ, ຖື ອາຈານ ຫງຽບ ເປັນເອື້ອຍ ແລະ ແມ່ຂອງເຂົາເຈົ້າ. (ພາບ: NVCC) |
ອາຈານ ຫງຽບ ເລີ່ມຕົ້ນຈາກສະພາບການທີ່ຕົນເອງເປັນຊາວຊົນເຜົ່າສ່ວນໜ້ອຍ, ມີສະພາບການຄອບຄົວທີ່ຫຍຸ້ງຍາກ, ຕົນເອງຕ້ອງບືນຕົວຂຶ້ນຜ່ານຜ່າຄວາມຫຍຸ້ງຍາກ ແລະ ກໍ່ໄດ້ຮັບການຊ່ວຍເຫຼືອຈາກບັນດາຄູອາຈານ.
ອາຈານ ຫງຽບ ຈື່ຖືເປັນຄະຕິເຕືອນໃຈວ່າ ກຳລັງແຮງຂອງລາວຍັງນ້ອຍ ສະນັ້ນຍັງຊ່ວຍພວກນ້ອງບໍ່ໄດ້ຫຼາຍ, ແຕ່ລາວຢາກສົ່ງກຳລັງຜັກດັນໃຫ້ພວກນ້ອງ ເພື່ອພະຍາຍາມຜ່ານຜ່າຄວາມຫຍຸ້ງຍາກຈາກເລື່ອງໃນການຜ່ານຜ່າຄວາມຫຍຸ້ງຍາກຂອງຕົນເອງ.
 |
| ບໍ່ພຽງແຕ່ໃກ້ຊິດແບ່ງປັນຄວາມຮູ້ເທົ່ານັ້ນ, ອາຈານ ຫງຽບ ຍັງງເອົາໃຈໃສ່ເຖິງຊີວິດປະຈຳວັນຂອງພວກນ້ອງ. (ພາບ: NVCC) |
 | ນັກສຶກສາ ດານັງ ຝຶກງານ ແລະ ພົບປະແລກປ່ຽນຢູ່ ມະຫາວິທະຍາໄລພະບໍລົມວົງສານຸວົງ ອຸດອນທານີ (ປະເທດໄທ) ຍສໝ - ນັບແຕ່ວັນທີ 25 ມີນາ ຫາ ວັນທີ 22 ເມສາ 2024, ຄະນະນັກສຶກສາຈາກມະຫາວິທະຍາໄລພາສາຕ່າງປະເທດ ດານັງ ໄດ້ເຂົ້າຮ່ວມການຝຶກງານ ແລະ ພົບປະແລກປ່ຽນຢູ່ສູນຫວຽດນາມວິທະຍາ ຢູ່ມະຫາວິທະຍາໄລພະບໍລົມວົງສານຸວົງ ອຸດອນທານີ (ມະຫາວິທະຍາໄລ ຣາດຊະພັດ ອຸດອນທານີ) ໃນຂອບເຂດໂຄງການຮ່ວມມືລະຫວ່າງ ມະຫາວິທະຍາໄລພາສາຕ່າງປະເທດ ດານັງ ແລະ ມະຫາວິທະຍາໄລພະບໍລົມວົງສານຸວົງ ... |
 | ດານັງ: ນັກສຶກສາ ລາວ ຫຼາຍຄົນໄປວັດເພື່ອອະທິຖານກ່ອນລະດູສອບເສັງ ຍສໝ - ຕາມນັ້ນແລ້ວ, ກ່ອນການສອບເສັງທ້າຍສົກຮຽນ ປີ 2024, ນັກສຶກສາ ລາວ ຈາກບັນດາມະຫາວິທະຍາໄລໃນນະຄອນ ດານັງ ຫຼາຍຄົນໄດ້ໄປວັດ ຕາມບາວ ເພື່ອຖະຫວາຍທູບທຽນ, ໄຫວ້ພະພຸດທະເຈົ້າ, ຈູດທູບທຽນ ແລະ ໂຄມໄຟເພື່ອອະທິຖານ ແລະ ປະຕິບັດນັ່ງຕັ້ງສະມາທິເພື່ອໃຫ້ຮູ້ສຶກທຸ່ນທ່ຽງ, ເຊື່ອໝັ້ນຕົນເອງກ່ອນເຂົ້າຫ້ອງສອບເສັງ. |
ແທັງຮັ່ງ
