 | ແທງຮວ່າ ຕ້ອນຮັບ ແລະ ບຳລຸງສ້າງນັກສຶກສາຕ່າງປະເທດ 58 ຄົນທີ່ມາຈາກແຂວງ ຫົວພັນ (ລາວ) |
| ຄະນະຜູ້ແທນນັກຮົບອາສາສະໝັກເກົ່າ ແລະ ນັກຊ່ຽວຊານການທະຫານຫວຽດນາມ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງຈຳປາສັກ |
ວັນທີ 7 ກຸມພາ, ມະຫາວິທະຍາໄລ ຟ້າມວັນດົ່ງ (ກວາງຫງາຍ) ໄດ້ຕ້ອນຮັບ ແລະ ເຮັດວຽກກັບຄະນະປະຕິບັດງານຂອງພະແນກພົວພັນຕ່າງປະເທດ, ພະແນກສຶກສາທິການ ແລະ ກິລາ ແຂວງຈໍາປາສັກ, ອັດຕະປື ແລະ ເຊກອງ, ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ມາຢ້ຽມຢາມ ແລະ ພານັກສຶກສາຕ່າງປະເທດໄປເຂົ້າຮຽນຢູ່ໂຮງຮຽນ.
ການນຳມະຫາວິທະຍາໄລ ຟ້າມວັນດົ່ງ ໄດ້ສະແດງຄວາມຂອບໃຈຄະນະປະຕິບັດງານຂອງສາທາລະນະລັດ ປະຊາທິປະໄຕ ປະຊາຊົນ ລາວ ທີ່ໄດ້ມາຢ້ຽມຢາມໂຮງຮຽນ ເນື່ອງໃນໂອກາດປີໃໝ່ ແລະ ຕ້ອນຮັບນັກສຶກສາລາວ 16 ຄົນ ທີ່ມາເຂົ້າຮຽນຢູ່ໂຮງຮຽນ ສົກຮຽນ 2024-2025.
ນັບແຕ່ປີ 2008 ເປັນຕົ້ນມາ, ມະຫາວິທະຍາໄລ ຟ້າມວັນດົ່ງ ໄດ້ຖືກມອບໝາຍໜ້າທີ່ບຳລຸງສ້າງແຫຼ່ງຊັບພະຍາກອນມະນຸດຈາກແຂວງ ກວາງງາຍ ໃຫ້ບັນດາແຂວງພາກໃຕ້ຂອງລາວ. ມາຮອດປະຈຸບັນ, ຈຳນວນນັກສຶກສາລາວ ໄດ້ຮັບການບຳລຸງສ້າງພາສາຫວຽດນາມ ແລະ ວິຊາສະເພາະຢູ່ມະຫາວິທະຍາໄລຈາກໂຮງຮຽນ ປະມານ 650 ຄົນ. ໃນໄລຍະທີ່ຮ່ຳຮຽນຢູ່ມະຫາວິທະຍາໄລ ຟ້າມວັນດົ່ງ, ນັກສຶກສາໄດ້ຮັບການຈັດບ່ອນຢູ່, ດຳລົງຊີວິດຢູ່ໃນຫໍພັກສໍາລັບນັກສຶກສາລາວ. ຫ້ອງພັກມີເຄື່ອງໃຊ້ໃນຄົວເຮືອນຄົບຊຸດ, ລະບົບໄຟຟ້າ ແລະ ນໍ້າ, ເຄື່ອງໃຊ້ສ່ວນຕົວ. ໄດ້ເຂົ້າຮ່ວມບັນດາການເຄື່ອນໄຫວກັບບັນດານັກສຶກສາ ຫວຽດນາມ, ພິເສດແມ່ນສະເຫຼີມສະຫຼອງບັນດາວັນບຸນໃຫຍ່ຂອງລາວຄື: ບຸນປີໃໝ່ ແລະ ວັນຊາດ 2 ທັນວາ ແຕ່ລະປີ.
 |
| ວິທະຍາໄລ ໄທງວຽນ ແລະ ພະແນກສຶກສາທິການ ແລະ ກິລາ ແຂວງ ບໍລິຄຳໄຊ ໄດ້ມອບ-ຮັບນັກສຶກສາແຂວງບໍລິຄຳໄຊ ສົກຮຽນ 2024-2025. |
ຜູ້ຕາງໜ້າແຂວງຈໍາປາສັກ, ອັດຕະປື ແລະ ເຊກອງ ໄດ້ສະແດງຄວາມຂອບໃຈການນໍາ ແລະ ກົມກອງລວມໝູ່ອາຈານຂອງມະຫາວິທະຍາໄລ ຟ້າມວັນດົ່ງ ທີ່ໄດ້ໃຫ້ການໜູນຊ່ວຍການບຳລຸງສ້າງໃຫ້ແກ່ນັກສຶກສາລາວ. ບັນດານັກສຶກສາລາວ ທີ່ຮຽນຈົບຈາກໂຮງຮຽນ ແລະ ກັບບ້ານທັງໝົດລ້ວນແຕ່ມີວຽກເຮັດງານທຳທີ່ໝັ້ນຄົງ. ສິ່ງນີ້ສະແດງໃຫ້ເຫັນຢ່າງຈະແຈ້ງກ່ຽວກັບຄຸນນະພາບຂອງການບຳລຸງສ້າງຂອງໂຮງຮຽນ. ອົງການທີ່ມີໜ້າທີ່ 3 ແຂວງຈໍາປາສັກ, ອັດຕະປື ແລະ ເຊກອງ ສືບຕໍ່ສົມທົບກັນຢ່າງແໜ້ນແຟ້ນກັບໂຮງຮຽນໃນການແນະນໍາ, ຄຸ້ມຄອງ ແລະ ສົ່ງນັກສຶກສາລາວ ໄປຮຽນຢູ່ໂຮງຮຽນ. ການບຳລຸງສ້າງບໍ່ພຽງແຕ່ສ້າງຄວາມຮູ້, ທັກສະ, ເພື່ອໃຫ້ນັກສຶກສາລາວ ກາຍເປັນພະນັກງານທີ່ມີຄຸນນະພາບໃນການຮັບໃຊ້ບ້ານເກີດເມືອງນອນເທົ່ານັ້ນ, ຫາກຍັງເປັນຂົວຕໍ່ວັດທະນະທຳ, ປະກອບສ່ວນເຂົ້າໃນການພັດທະນາແບບຍືນຍົງຂອງຄວາມສາມັກຄີ, ມິດຕະພາບລະຫວ່າງ 2 ປະເທດ, ປະຊາຊົນ 2 ຊາດ ຫວຽດນາມ - ລາວ.
ກ່ອນໜ້ານັ້ນ, ຕອນບ່າຍວັນທີ 5 ກຸມພາ 2025, ວິທະຍາໄລ ໄທງວຽນ ໄດ້ມີການພົບປະເຮັດວຽກກັບຄະນະປະຕິບັດງານມາຈາກພະແນກສຶກສາທິການ ແລະ ກິລາ ແຂວງບໍລິຄຳໄຊ, ສປປ ລາວ. ທີ່ການພົບປະ, ສອງຝ່າຍຢືນຢັນຈະສືບຕໍ່ຮ່ວມມືແບບຍືນຍົງ ແລະ ຍາວນານ.
ທ່ານ ປອ. ເລກິມແອງ - ຮອງອຳນວຍການໂຮງຮຽນໄດ້ສົ່ງຄວາມຂອບໃຈຕໍ່ການສະໜັບສະໜູນຂອງແຂວງບໍລິຄຳໄຊ ໃນວຽກງານຮັບສະໝັກນັກຮຽນ. ທ່ານ ປອ. ເລກິມແອງ ໄດ້ແຈ້ງໃຫ້ຊາບໂດຍຫຍໍ້ກ່ຽວກັບວຽກງານບຳລຸງສ້າງຂອງໂຮງຮຽນໃຫ້ແກ່ນັກສຶກສາລາວ ເວົ້າລວມ ແລະ ນັກສຶກສາແຂວງບໍລິຄຳໄຊ ເວົ້າສະເພາະ ກໍ່ຄືບັນດານະໂຍບາຍໃໝ່ກ່ຽວກັບນັກສຶກສາຕ່າງປະເທດ. ໃນນັ້ນ, ເນັ້ນໜັກວ່າ ແຂວງ ໄທງວຽນ ໄດ້ຍົກສູງລະດັບໜູນຊ່ວຍໃຫ້ນັກສຶກສາຕ່າງປະເທດເພື່ອຊ່ວຍໃຫ້ເຂົາເຈົ້າມີຄວາມສະດວກສະບາຍກວ່າໃນການດຳລົງຊີວິດ ແລະ ຮ່ຳຮຽນ.
ທ່ານ ລົມ ແພງສຸກ - ຫົວໜ້າພະແນກສຶກສາທິການ ແລະ ກິລາ ແຂວງບໍລິຄຳໄຊ ໃຫ້ຮູ້ວ່າ ໃນໄລຍະຈະມາເຖິງ, ແຂວງບໍລິຄຳໄຊ ຈະມານະພະຍາຍາມໜູນຊ່ວຍການຮັບສະໝັກນັກຮຽນໃຫ້ຫຼາຍຂຶ້ນ ເພື່ອຍົກສູງຈຳນວນນັກສຶກສາຕ່າງປະເທດຂອງແຂວງທີ່ຮຽນຢູ່ຫວຽດນາມ ເວົ້າລວມ ແລະ ວິທະຍາໄລ ໄທງວຽນ ເວົ້າສະເພາະ.
ທີ່ການພົບປະເຮັດວຽກ, ສອງຝ່າຍໄດ້ດຳເນີນການມອບ-ຮັບນັກສຶກສາແຂວງບໍລິຄຳໄຊ ສົກຮຽນ 2024-2025.
 | OneSky ໜູນຊ່ວຍການເບິ່ງແຍງ, ການສຶກສາເດັກຂັ້ນອະນຸບານຢູ່ບັນດາເຂດ-ກຸ່ມອຸດສາຫະກຳຢູ່ ກວາງນາມ. ຍສໝ - ຄະນະກຳມະການປະຊາຊົນແຂວງ ກວາງນາມ ຫາກໍອອກມະຕິສະບັບເລກທີ 1517/QD-UBND ລົງໃນວັນທີ 24 ມິຖຸນາ 2024 ອະນຸມັດບ້ວງເງິນໜູນຊ່ວຍກວ່າ 4,3 ຕື້ດົ່ງ ຈາກໂຄງການໜູນຊ່ວຍການເບິ່ງແຍງ, ການສຶກສາເດັກຂັ້ນອະນຸບານຢູ່ບັນດາເຂດອຸດສາຫະກຳ, ກຸ່ມອຸດສາຫະກຳໃນແຂວງ ກວາງນາມ ໂດຍອົງການ OneSky ອຸປະຖຳ. |
 | ນັກສຶກສາ ກວາງນາມ 150 ຄົນໄດ້ຮັບທຶນການສຶກສາຈາກອົງການ Children of Vietnam ຍສໝ - ໃນວັນທີ 4 ແລະ 5 ທັນວາ, ຢູ່ແຂວງກວາງນາມ, ອົງການ Children of Vietnam (COV/ອາເມລິກາ) ໄດ້ສົມທົບກັບສະຫະພັນບັນດາອົງການມິດຕະພາບແຂວງ ກວາງນາມ ເພື່ອມອບທຶນການສຶກສາ 150 ທຶນໃຫ້ແກ່ນັກຮຽນທີ່ປະສົບກັບຄວາມຫຍຸ້ງຍາກໃນບໍລິເວນ. |
ມີງດຶກ
