| ລັດຖະບານ ຈັດຕັ້ງງານພົບປະສັງສັນ “ຊົມເຊີຍພັກທີ່ມີກຽດສະຫງ່າ, ຊົມເຊີຍລະດູບານໃໝ່ ປີມະເສັງ 2025” | |
| ຊາວຫວຽດນາມ ອາໄສຢູ່ຕ່າງປະເທດ ແລະ ຄວາມຫວັງໃນລະດູບານໃໝ່ໃໝ່ຂອງປະເທດຊາດ |
ເມື່ອລະດູບານໃໝ່ວຽນມາຢູ່ໝູ່ບ້ານຊາຍແດນລາວ, ດອກຈໍາປາບານຂາວສະພັ່ງ, ເຮັດໃຫ້ພູຜາປ່າໄມ້ມີຄວາມສວຍສົດງົດງາມຂຶ້ນຕື່ມ, ກີບດອກໄມ້ບານເຫຼົ່ານັ້ນປຽບເໝືອນດັ່ງພວມເລົ່າເລື່ອງກ່ຽວກັບຄວາມຮັກດິນແດນ, ຮັກຜູ້ຄົນ, ນ້ຳໃຈສາມັກຄີ, ການແບ່ງປັນຂອງພະນັກງານ, ນັກຮົບທະຫານເຂດ 4 ກັບປະຊາຊົນປະເທດເພື່ອນລາວ.
ພວກຂ້າພະເຈົ້າໄດ້ມາຮອດເມືອງປາກກະດິງ, ແຂວງບໍລິຄໍາໄຊ, ແຫ່ງ ສປປ ລາວ ໃນມື້ໜຶ່ງຕົ້ນປີໃໝ່. ຕາເວັນຂຶ້ນສູງ, ແສງແດດລະດູບານໃໝ່ຊ່ອງໄປທົ່ວທຸກຫົນແຫ່ງ. ທາງດິນແດງ bazan ໄປຜ່ານປ່າຢາງພາລາພາໃຫ້ພວກຂ້າພະເຈົ້າໄປຮອດນິຄົມກະເສດຢາງພາລາຂອງບໍລິສັດຫຸ້ນສ່ວນອຸດສາຫະກໍາຢາງພາລາ COECCO (ບໍລິສັດໃຫຍ່ຮ່ວມມືເສດຖະກິດ, ທະຫານເຂດ 4).
ປຢ້ຽມຊົມນິຄົມກະເສດ, ທ່ານພັນຕີ ຫງວຽນຢຸຍແອງ, ຜູ້ອໍານວຍການບໍລິສັດໄດ້ແບ່ງປັນໃຫ້ພວກຂ້າພະເຈົ້າຮັບຮູ້ກ່ຽວກັບວິວັດການເລິ່ມທຸລະກິດທີ່ເຕັມໄປດ້ວຍສິ່ງທ້າທາຍຢູ່ເມືອງຊາຍແດນປະເທດເພື່ອນລາວ. ໃນຊຸມວັນທໍາອິດ, ບໍລິສັດຕ້ອງປະເຊີນໜ້າກັບຄວາມຫຍຸ້ງຍາກທີ່ສຸດ, ນັບແຕ່ຄວາມຫຍຸ້ງຍາກດ້ານພາສາຈົນເຖິງການທົດລອງກ້າເບ້ຍໄມ້, ຊອກຫາແຫຼ່ງແຮງງານ ແລະແກ່ງແຍ້ງກັບວິສາຫະກິດອື່ນໃນຂະແໜງດຽວກັນ.
ພາຍຫຼັງ 18 ປີ, ບໍລິສັດໄດ້ແກ້ໄຂທຸກສິ່ງທ້າທາຍ, ປູກຢາງພາລາຫວຽດນາມ ສໍາເລັດ 2.008 ເຮັກຕາ, ພັດທະນານິຄົມກະເສດສອງແຫ່ງ ແລະໂຮງງານປຸກແຕ່ງຢາງໜຶ່ງແຫ່ງມີສະມັດຕະພາບຂຶ້ນເຖິງ 4.500 ໂຕ່ນ/ປີ. ອີງໃສ່ສິ່ງດັ່ງກ່າວນັ້ນໄດ້ສ້າງວຽກເຮັດງານທໍາໃຫ້ແຮງງານທ້ອງຖິ່ນຫຼາຍຮ້ອຍຄົນດ້ວຍລາຍຮັບສະເລ່ຍ 3 ລ້ານກີບ/ຄົນ/ເດືອນ, ປະກອບສ່ວນຫຼຸດຜ່ອນອັດຕາຄອບຄົວທຸກຍາກ ແລະຍົກສູງຊີວິດການເປັນຢູ່ໃຫ້ວົງຄະນະຍາດຢູ່ແຫ່ງນີ້.
ໂອ້ລົມກັບກໍາມະກອນຄົນລາວ, ແຕ່ລະຄົນກໍມີເລື່ອງສ່ວນຕົວຂອງໃຜລາວ, ໜຶ່ງຊີວິດທີ່ມີການປ່ຽນແປງແມ່ນຍ້ອນອີງໃສ່ໂຄງການຢາງພາລາຂອງບໍລິສັດ. ເອື້ອຍ ສອນນວນ ໂພຄໍາ, ກໍາມະກອນຂູດຢາງແບ່ງປັນວ່າ: “ກ່ອນນີ້, ຊີວິດຄອບຄົວຂ້າພະເຈົ້າທຸກຍາກຫຼາຍ. ແຕ່ເມື່ອໄດ້ເຂົ້າມາເຮັດວຽກຢູ່ບໍລິສັດ, ຂ້າພະເຈົ້າມີລາຍຮັບທີ່ໝັ້ນຄົງ, ຊີວິດຄ່ອຍໆດີຂຶ້ນ ແລະມີສະຖຽນລະພາບກວ່າ”. ສ່ວນອ້າຍ ຢຽວ ວົງພະຈັນ ແບ່ງປັນວ່າ: “ຜົວເມຍຂ້າພະເຈົ້າເຮັດວຽກນຳບໍລິສັດມາໄດ້ 10 ປີແລ້ວ. ບໍລິສັດສ້າງເງື່ອນໄຂໃຫ້ພວກຂ້າພະເຈົ້າດີທີ່ສຸດ, ຜົວເມຍຈຶ່ງມີເຮືອນຫຼັງໃໝ່, ຊື້ລົດໄຖ, ລົດໃຫຍ່ໄດ້. ຂໍຂອບໃຈບໍລິສັດຫຼາຍໆ!”.
 |
| ພະນັກງານ, ພາລະກອນບໍລິສັດໃຫຍ່ຮ່ວມມືເສດຖະກິດທະຫານເຂດ 4 ເກັບຊື້ ຕົ້ນສາຄູ, ສີໄຄ, ຂີ້ໝິ້ນ ຂອງປະຊາຊົນລາວ. ພາບ: ຮວ່າງຖ໊າຍ |
ອອກຈາກເມືອງປາກກະດິງ, ພວກຂ້າພະເຈົ້າສືບຕໍ່ເດີນທາງໄປຄົ້ນຫາໝູ່ບ້ານເຂດຊາຍແດນລາວ-ຫວຽດນາມ. ແຕ່ລະຮ່ອງຮອຍທີ່ໄປຜ່ານ, ອາລົມຈິດສະໜິດຕິດພັນ ແລະຄວາມຮັກແພງກັນລະຫວ່າງພະນັກງານ, ພາລະກອນທະຫານເຂດ 4 ກັບປະຊາຊົນລາວ ໄດ້ສະແດງອອກໃຫ້ເຫັນຢ່າງຈະແຈ້ງ. ອາລົມຈິດນັ້ນບໍ່ພຽງແຕ່ໄດ້ສະແດງຜ່ານການໜູນຊ່ວຍປະຊາຊົນປະຕິບັດບັນດາໂຄງການກະສິກໍາ ແລະວັດຖຸຜະລິດຢາຢ່າງມີປະສິດທິຜົນເທົ່ານັ້ນ ແຕ່ຍັງໄດ້ພັດທະນາຕົ້ນສາຄູ, ສີໄຄ, ຂີ້ໝິ້ນ ຫຼື ສະໜອງເບ້ຍໄມ້ຕ່າງໆຊ່ວຍສ້າງລາຍຮັບຍືນຍົງໃຫ້ແກ່ປະຊາຊົນອີກດ້ວຍ. ພິເສດແມ່ນໄດ້ກວດພະຍາດ, ແຈກຢຸກຢາ ແລະໜູນຊ່ວຍປິ່ນປົວພະຍາດໃຫ້ປະຊາຊົນທຸກຍາກໂດຍບໍ່ເສຍຄ່າ.
ເລື່ອງລາວພົ້ນເດັ່ນແມ່ນຂອງທ່ານ ສີວັນດອນ ຢູ່ບ້ານສີວຽງຄໍາ, ເມືອງເມືອງຄູນ, ແຂວງຊຽງຂວາງ ເປັນຫວັດ ແລະເຈັບແອວ. ທ່ານ ສີວັນດອນ ໄດ້ໄປເອົາໃບໄມ້ປ່າມາຕົ້ນດິນເປັນຢາແຕ່ບໍ່ດີ. ກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຂອງກອງບັນຊາການທະຫານແຂວງເງະອານ ໄດ້ກວດ ແລະວາງຢາໃຫ້ເມືອກິນ, ອາການຂອງລາວດີຂຶ້ນໄວ ຫຼື ກໍລະນີຫຼານ ສາລີຄາ, ອາຍຸ 8 ປີ, ຢູ່ບ້ານນາແປ, ເມືອງຄໍາເກີດ, ແຂວງບໍລິສັດ ເປັນໄຂ້ຂຶ້ນສູງ ແລະອັນຕະລາຍ. ບໍລິສັດໃຫຍ່ຮ່ວມມືເສດຖະກິດໄດ້ປິ່ນປົວຫຼານ ສາລີຄາ ຢ່າງທັນການ.
ຄຽງຂ້າງກັບການສ້າງວຽກເຮັດງານທໍາເພື່ອລ້ຽງຊີບ ແລະເບິ່ງແຍງດູແລສຸຂະພາບໃຫ້ປະຊາຊົນປະເທດເພື່ອນລາວ. ການມີໜ້າຂອງບໍລິສັດໃຫຍ່ຮ່ວມມືເສດຖະກິດ ແລະກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ສັງກັດກອງບັນຊາການທະຫານ 6 ແຂວງຂອງທະຫານເຂດ 4 ຢູ່ດິນແດນລາວ ຍັງຈົດຈໍາກ່ຽວກັບນ້ຳໃຈຕິດພັນຢ່າງໝັ້ນແກ່ນ.
ບັນດາຫົວໜ່ວຍໄດ້ເປັນເຈົ້າການໜູນຊ່ວຍເພື່ອນລາວ ໃນການກໍ່ສ້າງຫຼາຍກິດຈະກຳທີ່ເປັນຈຸດສຸມ, ປະກອບສ່ວນພັດທະນາເສດຖະກິດ, ວັດທະນະທໍາ, ສາທາລະນະສຸກ, ການສຶກສາ ແລະການຮັບປະກັນຊີວິດສັງຄົມ, ໄດ້ຈັດຕັ້ງການກວດພະຍາດ, ແຈກຢຸກຢາໂດຍບໍ່ເສຍຄ່ານັບເປັນຮ້ອຍຄັ້ງ, ສະໜອງເຄື່ອງຂົນຂວາຍປະຊາຊົນ, ມອບຂອງຂວັນໃຫ້ຄົນທຸກຍາກ ແລະເປົ້າໝາຍນະໂຍບາຍ.
ທ່ານ ບຸນຂອບ ຈັນທະວົງ ເລຂາພັກ, ເຈົ້າເມືອງເມືອງປາກກະດິງ ເນັ້ນໜັກວ່າ: “ພວກຂ້າພະເຈົ້າເຄົາລົບ, ຕີລາຄາສູງບົດບາດ ແລະການປະກອບສ່ວນແທດຈິງຂອງກໍາລັງປະກອບອາວຸດທະຫານເຂດ 4. ພວກເພື່ອນບໍ່ພຽງແຕ່ໜູນຊ່ວຍພວກຂ້າພະເຈົ້າກໍ່ສ້າງກຸ່ມບ້ານໃຫ້ໝັ້ນຄົງເຂັ້ມແຂງ, ປ້ອງກັນຕ້ານພາຍຸ, ໄຟໄໝ້ປ່າ, ພະຍາດເທົ່ານັ້ນ ຫາກຍັງຊ່ວຍເບິ່ງແຍງດູແລສຸຂະພາບ, ສ້າງວຽກເຮັດງານທໍາໃຫ້ປະຊາຊົນຕື່ມອີກ. ດ້ວຍການຊ່ວຍເຫຼືອທີ່ຈິງໃຈນັ້ນ, ຫຼາຍຄອບຄົວໄດ້ຫຼຸດພົ້ນອອກຈາກຄວາມທຸກຍາກ, ໄຟໄໝ້ປ່າ, ການອົບພະຍົບ, ອາດຊະຍາກໍາ, ປະເພນີທີ່ຫຼ້າຫຼັງ, ການເຊື່ອຖືງົມງວາຍ... ໄດ້ຫຼຸດລົງຢ່າງແຂງແຮງ. ບັນດາການປະກອບສ່ວນນີ້ບໍ່ພຽງແຕ່ປະກອບສ່ວນເຂົ້າໃນການຮັກສາຄວາມສະຫງົບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມເທົ່ານັ້ນ ຫາກຍັງປະກອບສ່ວນເຂົ້າໃນການກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ ແລະພັດທະນາ, ຮັດແໜ້ນນໍ້າໃຈສາມັກຄີຫວຽດນາມ-ລາວ ອ້າຍນ້ອງຕື່ມອີກ!”.
 | ປະຊາຄົມຊາວຫວຽດນາມ ອາໄສຢູ່ ບຣາຊິນ ມີຄວາມສຸກໃນລະດູບານໃໝ່ບ້ານເກີດເມືອງນອນ 2025 ຍສໝ - ເນື່ອງໃນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (3 ກຸມພາ 1930 – 3 ກຸມພາ 2025) ແລະ ຂ່ຳນັບຮັບຕ້ອນລະດູບານໃໝ່ ປີມະເສັງ, ວັນທີ 11 ມັງກອນ, ຢູ່ນະຄອນ São Paulo (ບຣາຊິນ), ສະຖານທູດ ຫວຽດນາມ ... |
 | ບຸນເຕັດປຸ້ມລຸມກັນ - ລະດູບານໃໝ່ສະແດງຄວາມຮູ້ບຸນຄຸນຕໍ່ພັກ: ແຜ່ກະຈາຍຄວາມຮັກແພງໃຫ້ບັນດາສະມາຊິກສະຫະພັນ ແລະ ຜູ້ອອກແຮງງານແຂວງ ກວາງບິ່ງ ຍສໝ - ສະຫະພັນແຮງງານແຂວງ ກວາງບິ່ງ ຫາກໍ່ຈັດຕັ້ງລາຍການ “ບຸນເຕັດປຸ້ມລຸມກັນ - ລະດູບານໃໝ່ສະແດງຄວາມຮູ້ບຸນຄຸນຕໍ່ພັກ” ແລະ ງານຕະຫຼາດນັດອົງການກຳມະບານ ປີ 2025 ດ້ວຍຫຼາຍການເຄື່ອນໄຫວທີ່ມີຄວາມໝາຍ ແລະ ມີມະນຸດສະທຳ ໃຫ້ບັນດາສະມາຊິກສະຫະພັນ, ຜູ້ອອກແຮງງານ. |
