 | Habitat for Humanity Vietnam: ບັນດາຊາຍຄາທີ່ອົບອຸ່ນເຕັມໄປດ້ວຍຄວາມມິດຕະພາບ |
| ເປີດສະຫຼອງປ້າຍທີ່ລະນຶກ, ເຊີດຊູປະທານປະເທດ ໂຮ່ຈີມິນ ຢູ່ ບຣາຊິນ |
ການຊ່ວຍເຫຼືອຢ່າງທັນການ, ກວ້າງຂວາງ
ພາຍຫຼັງພາຍຸພັດຜ່ານໄປ, ຫຼາຍປະເທດ ແລະ ອົງການຈັດຕັ້ງສາກົນໄດ້ໜູນຊ່ວຍຫວຽດນາມ ຢ່າງວ່ອງໄວ. ວຽກງານບັນຊ່ວຍເຫຼືອເທົາທຸກໄດ້ຮັບການຜັນຂະຫຍາຍຢ່າງຮີບດ່ວນ, ໂດຍກວມລວມແຕ່ຕົວເມືອງເຖິງເຂດຫ່າງໄກສອກຫຼີກ, ນັບແຕ່ບັນດາເຄື່ອງໃຊ້ທີ່ຈຳເປັນເຖິງການແກ້ໄຂການກໍ່ສ້າງຄືນໃໝ່ໃນໄລຍະຍາວ.
ຕອນຄ່ຳວັນທີ 11 ກັນຍາ 2024, ຍົນ C17 ຂອງກອງທັບອາກາດລາດຊະວົງ ອົດສະຕາລີ ໄດ້ລົງຈອດຢູ່ສະໜາມບິນ ໂນ້ຍບາຍ, ເຊິ່ງຂົນສົ່ງເຄື່ອງຊ່ວຍເຫຼືອຄື: ມຸ້ງ, ຜ້າບາດກັ້ງ, ເຄື່ອງອະນາໄມສ່ວນຕົວ, ອຸປະກອນສ້ອມແປງເຮືອນ... ເຄື່ອງດັ່ງກ່າວໄດ້ສົ່ງເຖິງ ອຽນບ໋າຍ ໃນຄືນນັ້ນ.
 |
| ເຄື່ອງຊ່ວຍເຫຼືອສຸກເສີນຊຸດທຳອິດຂອງລັດຖະບານ ອົດສະຕາລີ ໄດ້ໄປຮອດ ຮ່າໂນ້ຍ ໃນຕອນຄ່ຳວັນທີ 11 ກັນຍາ 2024. (ພາບ: KT) |
ວັນທີ 13-14 ກັນຍາ 2024, ສູນປະສານງານພາກພື້ນ ອາຊຽນ ກ່ຽວກັບການຊ່ວຍເຫຼືອດ້ານມະນຸດສະທຳຟພທຳມະຊາດ ໄດ້ສົ່ງຕູ້ເຄື່ອງຊ່ວຍເຫຼືອ 3 ຕູ້ ເປັນມູນຄ່າປະມານ 254.000 USD ໄປຍັງແຂວງ ອຽນບ໋າຍ ແລະ ລາວກາຍ. ເຄື່ອງຊ່ວຍເຫຼືອປະກອບມີ ເຄື່ອງກອງນໍ້າ, ໄຟສາຍແສງຕາເວັນ, ເຄື່ອງອະນາໄມສ່ວນຕົວ, ເຄື່ອງໃຊ້ໃນເຮືອນຄົວ...
ວັນທີ 16 ກັນຍາ 2024, ທ່ານ Thomas Gass, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສະວິດ ປະຈຳ ຫວຽດນາມ ໄດ້ມອບເຄື່ອງເກືອບ 26 ໂຕນ ມູນຄ່າ 10,5 ຕື້ດົ່ງ ໃຫ້ແກ່ແຂວງ ອຽນບ໋າຍ, ໃນນັ້ນມີ ຜ້າບາດກັ້ງ, ນ້ຳສະອາດ. ຄະນະຜູ້ຊ່ຽວຊານຈາກ ສະວິດ ກໍ່ໄດ້ຈັດສົ່ງໄປດໍາເນີນການສໍາຫຼວດພື້ນທີ່ຢູ່ໃນທ້ອງຖິ່ນເພື່ອຊອກຫາວິທີແກ້ໄຂການຟື້ນຟູທີ່ເຫມາະສົມ.
ໄລ່ຮອດວັນທີ 16 ກັນຍາ 2024, ຕາມສະຖິຕິຂອງກະຊວງການຕ່າງປະເທດ, 20 ປະເທດ ແລະ ອົງການຈັດຕັ້ງສາກົນໄດ້ຕົກລົງ ຫຼື ຄາດຄະເນໜູນຊ່ວຍດ້ວຍຍອດມູນຄ່າກວ່າ 22 ລ້ານ USD (550 ຕື້ດົ່ງ) ພ້ອມກັບການສະໜອງອຸປະກອນຫຼາຍຢ່າງຄື່ ອຸປະກອນທີ່ພັກ, ນໍ້າສະອາດ, ສຸຂາພິບານ... ໃຫ້ແກ່ປະຊາຊົນໃນເຂດທີ່ຖືກນໍ້າຖ້ວມ.
ນອກຈາກບັນດາຂອງຂວັນທີ່ຈຳເປັນແລ້ວ, ບັນດາຄະນະຊ່ວຍເຫຼືອສາກົນຍັງນຳມາເຊິ່ງຈິດໃຈຈິງໃຈ ແລະ ບໍ່ຫວາດຫວັ່ນຕໍ່ຄວາມຫຍຸ້ງຍາກ. ອາສາສະໝັກສາກົນຫຼາຍຄົນ ບໍ່ຢ້ານກົວຕໍ່ຄວາມຫຍຸ້ງຍາກ ແລະ ຄວາມອັນຕະລາຍ, ໄດ້ເຂົ້າຮ່ວມສະຖານທີ່ເກີດເຫດເພື່ອໜູນຊ່ວຍປະຊາຊົນ.
ວັນທີ 11 ກັນຍາ 2024, ທ່ານ Nathan Ross Keers (ອາຍຸ 33 ປີ, ຊາວອັງກິດ) ພ້ອມດ້ວຍເຮືອນ້ອຍບັນທຸກອາຫານ 200 ຫໍ່ ໄດ້ລຸຍຜ່ານນ້ຳພຽງແອວ ເພື່ອໄປແຈກຢາຍໃຫ້ບັນດາຄອບຄົວຢູ່ຕາແສງ ຮວ໋າເທື້ອງ, ເມືອງ ດົ່ງຮີ, ແຂວງ ໄທງວຽນ.
"ຝົນຕົກໜັກ, ເສັ້ນທາງຖືກນໍ້າຖ້ວມ, ເຮືອນຊັ້ນ 1 ຈົມຢູ່ໃຕ້ນ້ຳ", ທ່ານ Nathan ກ່າວ. ມີຕອນໜຶ່ງທີ່ນໍ້າຂຶ້ນພຽງຄໍ, ໜ່ວຍກູ້ໄພຕ້ອງຢຸດເດີນທາງຕໍ່, ທ່ານ Nathan ອາສາສະໝັກລອຍນໍ້າເຂົ້າເຮືອນຢູ່ທ້າຍຮ່ອມ. ພໍ່ເຖົ້າອາຍຸ 60 ປີຢູ່ທີ່ນັ້ນກໍ່ມີຄວາມປະຫລາດໃຈເມື່ອໄດ້ຮັບການຊ່ວຍເຫຼືອຈາກ "ຜູ້ຊາຍຕາເວັນຕົກ".
 |
| ທ່ານ Nathan Ross Keers (ຂວາ) ແລະ ອາສາສະໝັກ ແຈກຢາຍສິ່ງຂອງທີ່ຈຳເປັນໃຫ້ບັນດາຄອບຄົວຢູ່ຕາແສງ ຮວ໋າເທື້ອງ, ເມືອງ ດົ່ງຮີ, ແຂວງ ໄທງວຽນ. (ພາບ: KT) |
ທ່ານ Nathan ໄດ້ສະແດງຄວາມໃນໃຈວ່າ "ພະຍຸYagi ບໍ່ພຽງແຕ່ເປັນໄພພິບັດທາງທໍາມະຊາດເທົ່ານັ້ນ, ແຕ່ຍັງເປັນບົດຮຽນຂອງຄວາມສາມັກຄີ. ຄົນຂັດສົນຍັງເຕັມໃຈທີ່ຈະຊ່ວຍຄົນຂັດສົນກວ່າ. ຂ້າພະເຈົ້າປະທັບໃຈແທ້ໆ ແລະ ຢາກເຮັດແບບດຽວກັນກັບເຂົາເຈົ້າ”. ກ່ອນອອກຈາກ ໄທງວຽນ ກັບຄືນເມືອ ຮ່າໂນ້ຍ, ທ່ານ Nathan ແລະ ພັນລະຍາ-ແມ່ຍິງຫວຽດນາມ ໄດ້ມອບເຂົ້າສານ 500 ກິໂລ, ໝີ່ສຳເລັດຮູບ ແລະ ເຄື່ອງໃຊ້ຈຳເປັນອື່ນໆໃຫ້ປະຊາຊົນຢູ່ເຂດປະສົບໄພນ້ຳຖ້ວມ.
ໃນໜ້າເວັບສ່ວນຕົວ, ລາວຂຽນວ່າ “ຂ້າພະເຈົ້າຢູ່ຫວຽດນາມ ເປັນເວລາ 6 ປີເຄິ່ງ, ມີເມຍທີ່ງາມ ແລະ ມີລູກຊາຍທີ່ປະເສີດສອງຄົນ. ປະເທດຫວຽດນາມ ໃຫ້ຂ້າພະເຈົ້າຫຼາຍກວ່າທີ່ຂ້າພະເຈົ້າສົມຄວນໄດ້ຮັບ, ປະເທດນີ້ໄດ້ກາຍເປັນສ່ວນທີ່ຂາດບໍ່ໄດ້ຂອງຂ້າພະເຈົ້າ. ຂ້າພະເຈົ້າຈະເຮັດທຸກສິ່ງທຸກຢ່າງເພື່ອໜູນຊ່ວຍປະຊາຊົນຜູ້ທຸກຍາກທີ່ມີຄວາມຫຍຸ້ງຍາກໃນເວລາພະຍຸ ແລະ ໄພນ້ຳຖ້ວມ”.
ຢູ່ຊາປາ (ແຂວງລາວກາຍ), ສາວ ແອັດສະປາຍ ສອງຄົນ, ທ່ານນາງ Violeta ແລະ ທ່ານນາງ Candela, ທີ່ຕິດຄ້າງຍ້ອນໄພນໍ້າຖ້ວມ ໄດ້ຫັນຄວາມລໍາບາກໃຫ້ເປັນໂອກາດຊ່ວຍເຫຼືອປະຊາຊົນ. ວັນທີ 9-10 ກັນຍາ 2024, ໂດຍໄດ້ຮັບການໜູນຊ່ວຍຈາກທ່ານນາງ ເຈີ່ນທິຫຽນ, ຜູ້ອໍານວຍການບໍລິສັດທ່ອງທ່ຽວ, ທັງສອງໄດ້ເຂົ້າຮ່ວມກະກຽມອາຫານຫຼາຍຮ້ອຍຊຸດເພື່ອໄປສົ່ງເຖິງເຂດຫ່າງໄກສອກຫຼີກຢຸ່ ເທດສະບານ ລາວກາຍ, ເມືອງ ບັກຮ່າ ແລະ ບາວອຽນ.
 |
| ທ່ານນາງ Violeta ແລະ ທ່ານນາງ Candela ຖ່າຍຮູບກັບທ່ານນາງ ເຈີ່ນທິຫຽນ. (ພາບ: KT) |
ຫົວໃຈຂອງຄົນໄກບ້ານ
ຢູ່ເຢຍລະມັນ, ແຕ່ວັນທີ 15-16 ກັນຍາ 2024, ຊາວຫວຽດນາມ ນັບພັນຄົນໄດ້ມາສູນການຄ້າ ດົງຊວນ (ເບີລິນ) ເພື່ອບໍລິຈາກເງິນ. ທ່ານນາງ ດັ້ງໂຕງາ, ອາຍຸ 84 ປີ, ດຳລົງຊີວິດດ້ວຍບ້ວງໜູນຊ່ວຍຂອງສັງຄົມ ແລະ ຂາຍເຂົ້ສໜົມແໜບ, ເຂົ້ົ້າໜົມປ່ານ, ມອບເງິນ 1.000 ເອີໂຣ (ປະມານ 26 ລ້ານດົ່ງ) ໃຫ້ປະຊາຊົນພາກເໜືອ. ນີ້ແມ່ນສ່ວນໜຶ່ງໃນຈຳນວນເງິນກວ່າ 150.000 ເອີໂຣ (4,2 ຕື້ດົ່ງ) ທີ່ປະຊາຄົມຊາວຫວຽດນາມ ອາໄສຢູ່ ເຢຍລະມັນ ໄດ້ທຳການບໍລິຈາກໃນ 2 ວັນ.
 |
| ທ່ານນາງ ດັ້ງໂຕງາ (ເບືອງຊ້າຍ, ແຖວຫຼັງ) ໃນງານລະດົມທຶນໜູນຊ່ວຍຜູ້ປະສົບໄພນ້ຳຖ້ວມຢູ່ສູນການຄ້າ ດົງຊວນ (ເບີລິນ, ເຢຍລະມັນ), ວັນທີ 15 ກັນຍາ 2024. (ພາບ: KT) |
ຢູ່ຮົງກາຣີ, ປະຊາຄົມຊາວຫວຽດນາມໄດ້ລະດົມທຶນ 44.000 EUR (ເກືອບ 1,2 ຕື້ດົ່ງ) ໃນເວລາ 2 ອາທິດປາຍ. ຄະນະບໍລິຫານງານສະມາຄົມຊາວ ຫວຽດນາມ ຢູ່ ຮຸງກາຣີ ໄດ້ຍົກເລີກບຸນກຸດຈີນ ເພື່ອແນໃສ່ບັນດາການເຄື່ອນໄຫວການກຸສົນໜູນຊ່ວຍປະຊາຊົນຢູ່ເຂດປະສົບໄພນ້ຳຖ້ວມ.
ຢູ່ລາວ, ວັນທີ 20 ກັນຍາ 2024, ທ່ານນາງ ເຈີ່ນທິໝາວ, ອາຍຸ 85 ປີ, ໄດ້ໃສ່ໝວກເກົ່າໆ, ຂີ່ລົດຖີບໄປສະຖານທູດຫວຽດນາມ ປະຈຳນະຄອນຫຼວງວຽງຈັນ ເພື່ອມອບເງິນຈຳນວນ 1.000 USD (24,5 ລ້ານດົ່ງ) ໃຫ້ແກ່ພີ່ນ້ອງຮ່ວມຊາດ. ທ່ານນາງກ່າວວ່າ: "ຟັງຂ່າວທາງວິທະຍຸ, ຂ້າພະເຈົ້າບໍ່ສາມາດນັ່ງຢູ່ລ້າໆໄດ້. ນີ້ແມ່ນຫົວໃຈຂອງຂ້າພະເຈົ້າສົ່ງກັບຄືນສູ່ບ້ານເກີດເມືອງນອນ".
ຢູ່ ຍີ່ປຸ່ນ, 2 ການແຂ່ງຂັນເຕະບານການກຸສົນໂດຍປະຊາຄົມຊາວຫວຽດນາມ ຈັດຕັ້ງໄດ້ລະດົມທຶນ 346.500 JPY (ກວ່າ 60 ລ້ານດົ່ງ). ລາງວັນທັງໝົດຂອງທີມກິລາບານເຕະຍັງໄດ້ສົ່ງກັບຄືນໄປຊ່ວຍເຫຼືອປະຊາຊົນໃນເຂດປະສົບໄພນໍ້າຖ້ວມອີກດ້ວຍ.
ທ່ານນາງ ຖາວຫງວຽນ, ເຈົ້າຂອງຮ້ານເຝີ ຢູ່ Melbourne (ອົດສະຕາລີ), ໄດ້ບໍລິຈາກ 2 AUD ຈາກເຝີແຕ່ລະຖ້ວຍ ແລະ ລະດົມທຶນ 2,000 AUD (ກວ່າ 33 ລ້ານດົ່ງ) ໃນເວລາພຽງ 5 ວັນ. ສະມາຄົມ “ແມ່ຫວຽດນາມ ຢູ່ ອົດສະຕາລີ” ກໍ່ຮຽກຮ້ອງໄດ້ 50.000 AUD (ປະມານ 800 ລ້ານດົ່ງ) ຜ່ານ fanpage.
ວັນທີ 20 ກັນຍາ 2024, ທ່ານນາງຮອງລັດຖະມົນຕີກະຊວງການຕ່າງປະເທດ ຫວຽດນາມ ເລທິທູຮັ່ງ, ປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໄດ້ຕາງໜ້າໃຫ້ປະຊາຄົມຊາວ ຫວຽດນາມ ທີ່ມາຈາກຫຼາຍປະເທດ ມອບ 19,3 ຕື້ດົ່ງໃຫ້ຄະນະກຳມະການສູນກາງແນວໂຮມປະເທດຊາດ ຫວຽດນາມ. ໃນນັ້ນ, ປະຊາຄົມຊາວຫວຽດນາມ ຢູ່ ໄທ ປະກອບສ່ວນເກືອບ 4,7 ຕື້ດົ່ງ, ປະຊາຄົມຊາວ ຫວຽດນາມ ຢູ່ ສ.ເຊັກໂກ ມອບ 3,3 ຕື້ດົ່ງ ແລະ ປະຊາຄົມຊາວ ຫວຽດນາມ ຢູ່ ອາເມລິກາ ປະກອບສ່ວນ 105.000 USD (ປະມານ 2,6 ຕື້ດົ່ງ). ກ່ອນໜ້ານັ້ນ, ວັນທີ 13 ກັນຍາ 2024, ເງິນ 600 ລ້ານດົ່ງຈາກຊາວຫວຽດນາມ ຢູ່ຕ່າງປະເທດໄດ້ໂອນກັບມາ ຫວຽດນາມ ເພື່ອໜູນຊ່ວຍສຸກເສີນ.
 | ປູກຕົ້ນໄມ້ເພີ່ມພູນຄູນສ້າງຄວາມມິດຕະພາບຫວຽດນາມ - ອິນເດຍ ຍສໝ - ຕອນເຊົ້າວັນທີ 11 ມີນາ, ຢູ່ເຂດຮ່ອງຮອຍແຫ່ງຊາດພິເສດ ວັດໄຕ (ເມືອງກວ໋ກອາຍ), ສະມາຄົມມິດຕະພາບ ຫວຽດນາມ - ອິນເດຍ ຮ່າໂນ້ຍ ໄດ້ຈັດຕັ້ງພິທີປູກຕົ້ນໄມ້ເພີ່ມພູນຄູນສ້າງຄວາມມິດຕະພາບຫວຽດນາມ - ອິນເດຍ ປີ 2024. |
 | Festival ຊາວໜຸ່ມໂລກ: ບັນດາການພົບປະທີ່ເຊື່ອມໂຍງເຂົ້າກັບຄວາມມິດຕະພາບຫວຽດນາມ ກັບບັນດາປະເທດ ຍສໝ - ໃນຂອບເຂດງານບຸນຊາວໜຸ່ມໂລກ (WYF 2024), ຜ່ານການພົບປະກັບຜູ້ແທນຄະນະຊາວໜຸ່ມຈາກບັນດາປະເທດ; ບັນດາຜູ້ແທນຊາວໜຸ່ມຫວຽດນາມ ໄດ້ປະກອບສ່ວນໂຄສະນາພາບພົດຂອງປະເທດຊາດ, ແລະ ໃນຂະນະນັ້ນ ໄດ້ເຜີຍແຜ່ຂ່າວສານກ່ຽວກັບຄວາມສາມັກຄີ ແລະ ການຮ່ວມມືເພື່ອຄວາມສັນຕິພາບ ແລະ ການພັດທະນາ. |
ມີງດຶກ
