 | ສະມາຄົມຊາວຫວຽດນາມ ຢູ່ເຂດ Gwangju-Jeonnam (ສ.ເກົາຫຼີ) ເປີດຫ້ອງການໃໝ່ |
| ທ່ານ Park Hang Seo ແມ່ນເອກອັກຄະລັດຖະທູດການພົວພັນມະຫາຊົນກິດຕິມະສັກ, ເຊື່ອມຕໍ່ການພົວພັນລະຫວ່າງ ຫວຽດນາມ - ສ.ເກົາຫຼີ |
 |
| ການສ້າງຕັ້ງສະໂມສອນວິສາຫະກິດ ຫວຽດນາມ - ສ.ເກົາຫຼີ ຢູ່ນະຄອນ ຫ່າຍຟ່ອງ |
ທ່ານ ເລແອັງກວນ, ຮອງປະທານຄະນະກຳມະການປະຈໍາປະຊາຊົນນະຄອນ ຫ່າຍຟ່ອງ, ປະທານສະມາຄົມມິດຕະພາບ ຫວຽດນາມ - ສ.ເກົາຫຼີ ມີຄໍາເຫັນໃນງານວ່າ: ຫວຽດນາມ ແລະ ສ.ເກົາຫຼີ ແມ່ນສອງປະເທດມີການພົວພັນຮ່ວມມືມິດຕະພາບອັນຍາວນານ ແລະ ແມ່ນການຮ່ວມມືໃນລະດັບສູງສຸດຂອງຄູ່ຮ່ວມມືຍຸດທະສາດຮອບດ້ານ. ປະຈຸບັນ ສ.ເກົາຫຼີ ຢືນເປັນອັນດັບທີ 2 ໃນຈຳນວນໂຄງການ (185 ໂຄງການ) ແລະ ເປັນອັນດັບທີໜຶ່ງໃນດ້ານການລົງທຶນ (14,1 ຕື້ USD) ໃນ 40 ປະເທດ ແລະ ເຂດແຄ້ວນທີ່ລົງທຶນຢູ່ນະຄອນ ຫ່າຍຟ່ອງ. ບັນດາວິສາຫະກິດ ສ.ເກົາຫຼີ ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ ແລະ ສັງຄົມຂອງນະຄອນ, ເຊັ່ນ ນຳໃຊ້ເຕັກໂນໂລຢີທີ່ທັນສະໄໝ, ຊຸກຍູ້ການຖ່າຍທອດເຕັກໂນໂລຢີ, ສ້າງແຫຼ່ງວຽກເຮັດງານທຳ, ເພີ່ມລາຍຮັບງົບປະມານ ແລະ ອື່ນໆ.
ພ້ອມກັນນັ້ນ, ວິສາຫະກິດຕ່າງໆກໍ່ເຂົ້າຮ່ວມບັນດາການເຄື່ອນໄຫວການຮັບປະກັນຊີວິດສັງຄົມ ແລະ ສະໜັບສະໜູນການສອນພາສາເກົາຫຼີ ໃຫ້ບາງໂຮງຮຽນໃນບໍລິເວນດັ່ງກ່າວ. ບັນດາການເຄື່ອນໄຫວກ່ຽວກັບການຊ່ວຍເຫຼືອທີ່ບໍ່ຂຶ້ນກັບລັດຖະບານ, ການຮ່ວມມືດ້ານວັດທະນະທຳ, ການສຶກສາ, ສາທາລະນະສຸກ, ວິທະຍາສາດເຕັກໂນໂລຢີ, ການຮ່ວມມືກັບທ້ອງຖິ່ນ ລະຫວ່າງແຂວງ ຫ່າຍຟ່ອງ ກັບບັນດາຄູ່ຮ່ວມມື, ທ້ອງຖິ່ນ ສ.ເກົາຫຼີ ກໍ່ໄດ້ຮັບການຜັນຂະຫຍາຍຢ່າງເຂັ້ມແຂງ. ບັນດາການເຄື່ອນໄຫວກິດຈະກໍາການແລກປ່ຽນວັດທະນະທຳໄດ້ຮັບການຈັດຂຶ້ນເປັນປະຈຳ, ສືບຕໍ່ປະກອບສ່ວນຊຸກຍູ້ການແລກປ່ຽນ ແລະ ຄວາມເຂົ້າໃຈເຊິ່ງກັນ ແລະ ກັນ.
“ການສ້າງຕັ້ງສະໂມສອນວິສາຫະກິດ ຫວຽດນາມ - ສ.ເກົາຫຼີ ແລະ ບັນດາສັນຍາຮ່ວມມືໄດ້ລົງນາມ ລະຫວ່າງ ສະໂມສອນ ແລະ ບັນດາອົງການຈັດຕັ້ງ, ສະມາຄົມ, ນັກທຸລະກິດ ສ.ເກົາຫຼີ ຈະປະກອບສ່ວນຊຸກຍູ້ກການຮ່ວມມືຂອງວິສາຫະກິດ 2 ຝ່າຍໃຫ້ເຂັ້ມແຂງຕື່ມອີກ,” ທ່ານ ເລແອັງກວນ ຢັ້ງຢືນ.
 |
| ທ່ານ ເລແອັງກວນ ຮອງປະທານຄະນະຜູ້ປະຈໍາການຄະນະກຳມະການປະຊາຊົນນະຄອນ ຫ່າຍຟ່ອງ, ປະທານ ສະມາຄົມມິດຕະພາບ ຫວຽດນາມ - ສ.ເກົາຫຼີ (ພາບ: ສູນເຕັກໂນໂລຢີຂໍ້ມູນຂ່າວສານ ນະຄອນຫ່າຍຟ່ອງ) |
ຕາມທ່ານ ເລແອັງກວນ ແລ້ວ, ສ.ເກົາຫຼີ ແມ່ນປະເທດພັດທະນາທີ່ມີທ່າແຮງຫຼາຍດ້ານ ແລະ ຫ່າຍຟ່ອງ ມີຄວາມສາມາດບົ່ມຊ້ອນຫຼາຍຢ່າງ, ທ່າໄດ້ປຽບ ແລະ ພື້ນທີ່ສໍາລັບບັນດາຄູ່ຮ່ວມມື ສ.ເກົາຫຼີ ໄດ້ມາຫາກັນເພື່ອມາຊອກຮູ້, ຮ່ວມມື, ລົງທຶນ. ວັດທະນະທຳ, ປະຊາຊົນ 2 ປະເທດມີຫຼາຍຈຸດຄ້າຍຄືກັນ. ສະນັ້ນ, ການຮ່ວມມືມິດຕະພາບ ແລະ ການພົບປະແລກປ່ຽນປະຊາຊົນລະຫວ່າງ ຫວຽດນາມ ແລະ ສ.ເກົາຫຼີ ເວົ້າລວມ, ເວົ້າສະເພາະ ຫ່າຍຟ່ອງ ແລະ ສ.ເກົາຫຼີ ຈະສືບຕໍ່ບັນລຸໄດ້ຜົນສຳເລັດຫຼາຍຢ່າງໃນໄລຍະຈະມາເຖິງ.
ນະຄອນ ຫ່າຍຟ່ອງ ຫວັງວ່າຈະສືບຕໍ່ໄດ້ຮັບຄວາມເອົາໃຈໃສ່ຈາກສະຖານທູດ ສ.ເກົາຫຼີ ປະຈຳ ຫວຽດນາມ, ການຮ່ວມມືຢ່າງມີປະສິດທິຜົນຂອງບັນດາວິສາຫະກິດ ແລະ ນັກລົງທຶນ ສ.ເກົາຫຼີ, ພ້ອມນັ້ນກໍ່ຫວັງວ່າ ບັນດານັກລົງທຶນ, ກຸ່ມບໍລິສັດໃຫຍ່ທີ່ໄດ້ຮັບຄວາມໄວ້ວາງໃຈຍັງຄົງສືບຕໍ່ລົງທືນ, ສ້າງສາ, ພັດທະນາພື້ນຖານການຄົ້ນຄ້ວາຢູ່ ຫ່າຍຟ່ອງ, ໃນບັນດາຂົງເຂດນະຄອນເອົາໃຈໃສ່ພິເສດເຊັ່ນ: ນະວັດຕະກຳ, ເສດຖະກິດສີຂຽວ, ເສດຖະກິດດີຈີຕອນ, ເສດຖະກິດໝູນວຽນ, ພະລັງງານທົດແທນ...
 |
| ທ່ານ Chang Ho-Seung, ອັກຄະລັດຖະທູດທີ່ປຶກສາ ທັງເປັນ ກົງສຸນໃຫຍ່, ຮອງເອກອັກຄະລັດຖະທູດ ສ.ເກົາຫຼີ ປະຈໍາ ຫວຽດນາມ. (ພາບ: ສູນເຕັກໂນໂລຢີຂໍ້ມູນຂ່າວສານ ນະຄອນຫ່າຍຟ່ອງ) |
ທ່ານ Chang Ho-Seung, ອັກຄະລັດຖະທູດທີ່ປຶກສາ ທັງເປັນ ກົງສຸນໃຫຍ່, ຮອງເອກອັກຄະລັດຖະທູດ ສ.ເກົາຫຼີ ປະຈໍາ ຫວຽດນາມ ຢືນຢັນວ່າ: ໃນການພົວພັນຮ່ວມມືຍຸດທະສາດຮອບດ້ານ, ທັງ 2 ປະເທດ ລ້ວນແຕ່ເນັ້ນໜັກເຖິງຄວາມສຳຄັນຂອງນະຄອນ ຫ່າຍຟ່ອງ - ນະຄອນທີ່ມີວິສາຫະກິດ, ມີປະຊາຊົນ ສ.ເກົາຫຼີ ເຂົ້າມາລົງທຶນ ແລະ ດຳລົງຊີວິດຢູ່. ມີວິສາຫະກິດ ສ.ເກົາຫຼີ ຫລາຍແຫ່ງໄດ້ເຂົ້າມາລົງທຶນຢູ່ແຂວງ ຫ່າຍຟ່ອງ ແລະ ໄດ້ມີການພົວພັນຮ່ວມມື, ພັດທະນາພ້ອມກັບວິສາຫະກິດ ຫວຽດນາມ ກໍ່ຄືບັນດາການເຄື່ອນໄຫວທີ່ສະແດງໃຫ້ເຫັນຄວາມຮັບຜິດຊອບຕໍ່ສັງຄົມວິສາຫະກິດ. ສາມາດເວົ້າໄດ້ວ່າ ຫ່າຍຟ່ອງ ແມ່ນສະພາບແວດລ້ອມແຫ່ງການລົງທຶນຕົວແບບໃຫ້ກັບວິສາຫະກິດ ສ.ເກົາຫຼີ. ໝາກຜົນນີ້ບັນລຸໄດ້ດ້ວຍການໜູນຊ່ວຍຂອງການນຳນະຄອນ ຫ່າຍຟ່ອງ, ບັນດາອົງການ, ຫົວໜ່ວຍທີ່ກ່ຽວຂ້ອງ.
 |
| ສະໂມສອນວິສາຫະກິດ ຫວຽດນາມ - ສ. ເກົາຫຼີ ນະຄອນ ຫ່າຍຟ່ອງ ໄດ້ລົງນາມບັນດາຂໍ້ຕົກລົງການຮ່ວມມືກັບບັນດາອົງການ, ສະມາຄົມ, ວິສາຫະກິດ ສ.ເກົາຫຼີ (ພາບ: ສູນເຕັກໂນໂລຢີຂໍ້ມູນຂ່າວສານ ນະຄອນຫ່າຍຟ່ອງ) |
ເນື່ອງໃນໂອກາດນີ້, ສະໂມສອນວິສາຫະກິດ ຫວຽດນາມ - ສ.ເກົາຫຼີ ນະຄອນ ຫ່າຍຟ່ອງ ໄດ້ລົງນາມບັນດາຂໍ້ຕົກລົງການຮ່ວມມືກັບບັນດາອົງການ, ສະມາຄົມ ແລະ ວິສາຫະກິດ ສ.ເກົາຫຼີ.
 | 100.000 ຄົນເຂົ້າຮ່ວມງານບຸນລະດູບານໃໝ່ບ້ານເກີດເມືອງນອນ 2025 ຢູ່ນະຄອນ ໂອຊາກາ ຍສໝ - ວັນທີ 4-5 ມັງກອນ, ງານບຸນລະດູບານໃໝ່ບ້ານເກີດເມືອງນອນ 2025 ດ້ວຍຫົວຂໍ້ “ຫົວໃຈ ຫວຽດນາມ” ໄດ້ດຳເນີນຢູ່ນະຄອນ ໂອຊາກາ, ຍີ່ປຸ່ນ. |
 | ເພີ່ມພູນຄູນສ້າງນ້ຳໃຈມິດຕະພາບແຂວງ ບິ່ງເຢືອງ ແລະ ນະຄອນ Daejeon (ສ.ເກົາຫຼີ) ຍສໝ - ວັນທີ 4 ມັງກອນ 2025, ທີ່ສະໜາມກິລາແຂວງ ບິ່ງເຢືອງ ໄດ້ດຳເນີນການແຂ່ງຂັນບານເຕະມິດຕະພາບລະຫວ່າງ ທີມພະນັກງານ-ລັດຖະກອນ ແຂວງ ບິ່ງເຢືອງ ແລະ ທີມສະຫະພັນບານເຕະ Daejeon (ສ.ເກົາຫຼີ). |
ທອງມີ ສີຫາວົງ
