ທີ່ລາຍການ, ທ່ານ ນາງ ເລຖິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ, ປະທານຄະນະກຳມະການແຫ່ງລັດ ກ່ຽວກັບຄົນຫວຽດນາມ ຢູ່ຕ່າງປະເທດ ໄດ້ລາຍງານກ່ຽວກັບສະພາບການຂອງວົງຄະນະຍາດຊາວ ຫວຽດນາມ ຢູ່ຕ່າງປະເທດ ແລະ ລາຍການລະດູບານໃໝ່ບ້ານເກີດເມືອງນອນ 2025 ດ້ວຍຫຼາຍຮູບການເຄື່ອນໄຫວທີ່ມີຄວາມໝາຍຂອງຄະນະພີ່ນ້ອງຊາວຫວຽດນາມ ຢູ່ຕ່າງປະເທດດີເດັ່ນ ເຊັ່ນ ໄຫ້ວສຸສານ ປະທານ ໂຮ່ຈີມິນ, ວາງພວງມາລາທີ່ ອະນຸສາວະລີ ນັກຮົບເສຍສະຫຼະຊີວິດເພື່ອຊາດ, ຖະຫວາຍທູບທຽນຢູ່ພະລາຊະວັງ ກິງທຽນ, ເຂົ້າຮ່ວມພິທີປ່ອຍປາໄນ ຮ່ວມກັບປະທານປະເທດພ້ອມດ້ວຍພັນລະຍາ ແລະ ພິທີມອບຂໍ້ຕົກລົງວ່າດ້ວຍການຮັບຮອງຊັບສົມບັດວັດຖຸພັນແຫ່ງຊາດ... ນອກນັ້ນຄະນະກໍ່ຍັງໄດ້ໄປຢ້ຽມຢາມ ແລະ ເຊື່ອມຕໍ່ກັບແຂວງ ຮຶງອຽນ.
 |
| ພາບທີ່ການພົບປະ. |
ໃນການພົບປະ, ພີ່ນ້ອງຊາວຫວຽດນາມ ຢູ່ຕ່າງປະເທດ ຈໍານວນໜຶ່ງໄດ້ແບ່ງປັນຄວາມຄິດຈິດໃຈ, ຄວາມມຸ່ງມາດປາດຖະໜາ, ປະກອບຄວາມຄິດຄວາມເຫັນກ່ຽວກັບການເສີມຂະຫຍາຍກຸ່ມມະຫາສາມັກຄີແຫ່ງຊາດ.
ພຣະອາຈານ ທິກດຶກຕວນ (ເຊື້ອຊາດຫວຽດນາມ ຢູ່ອາເມລິກາ) ສະເໜີໃຫ້ສ້າງວັດຫວຽດນາມ ຢູ່ ອາເມລິກາ ເພື່ອພັດທະນາວັດທະນະທຳ ແລະ ພາສາຫວຽດນາມ.
ທ່ານ ນາງ ຫງວຽນຖິບິກລຽນ (ເຊື້ອຊາດຫວຽດນາມ ຢູ່ມາເລເຊຍ), ທູດພາສາ ຫວຽດນາມ ໃນປີ 2023, ຫວັງວ່າ ບັນດານັກຮຽນທີ່ເຂົ້າຮ່ວມຊຸດອົບຮົມພາສາຫວຽດນາມ ຈະສືບຕໍ່ເຜີຍແຜ່ຄວາມຮັກແພງພາສາຫວຽດນາມ ໃຫ້ແກ່ລຸ້ນໜຸ່ມຢູ່ຕ່າງປະເທດ ເພື່ອບໍ່ໃຫ້ເຂົາເຈົ້າລືມກົກເຄົ້າເຫວົ້າກໍ. ທ່ານ Jean Pierre Dinh, ກົງສຸນກິດຕິມະສັກຫວຽດນາມ ປະຈຳ New Caledonia ກ່າວວ່າ: ພາສາຫວຽດນາມ ແມ່ນຊັບສົມບັດຂອງພໍ່ແມ່ທີ່ປະໄວ້ໃຫ້ ແລະ ຕ້ອງໄດ້ຖ່າຍທອດໃຫ້ລູກຫຼານ.
 |
| ຄະນະກຳມະການແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີມອບໃບຍ້ອງຍໍບຸກຄົນໃຫ້ແກ່ພີ່ນ້ອງຊາວຫວຽດນາມ ຢູ່ຕ່າງປະເທດດີເດັ່ນ 18 ທ່ານ |
ຄຳເຫັນຊົມເຊີຍຄະນະຕົວແທນພີ່ນ້ອງຊາວຫວຽດນາມ ຢູ່ຕ່າງປະເທດ ກ່ຽວກັບການເຂົ້າຮ່ວມໂຄງການລະດູບານໃໝ່ບ້ານເກີດເມືອງນອນ ແລະ ໄປຢ້ຽມຢາມສູນກາງແນວໂຮມປະເທດຊາດ ຫວຽດນາມ, ທ່ານປະທານ ໂດ໋ວັນຈ໋ຽນ ໄດ້ຖະແຫຼງຂ່າວກ່ຽວກັບບັນດາເຫດການສຳຄັນຂອງປະເທດໃນປີ 2024, ພິເສດ, ແມ່ນບັນດາຜົນງານໃນດ້ານເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບ, ການຕ່າງປະເທດ... ທ່ານ ໂດ໋ວັນຈ໋ຽນ ກ່າວວ່າ: ປີ 2025, ຄະນະກຳມະການສູນກາງແນວໂຮມປະເທດຊາດ ຫວຽດນາມ ຈະຈັດຕັ້ງວັນບຸນມະຫາສາມັກຄີແຫ່ງຊາດ ຢູ່ປະເທດ ສ.ເຊັກໂກ ເພື່ອເຜີຍແຜ່ນ້ຳໃຈ ຂອງຄວາມມະຫາສາມັກຄີ ຫວຽດນາມ ອອກໄປທົ່ວໂລກ.ໃນລາຍການ, ຄະນະກຳມະການແນວໂຮມປະເທດຊາດ.
ຫວຽດນາມ ໄດ້ມອບໃບຍ້ອງຍໍຂອງປະທານແນວໂຮມປະເທດຊາດຫວຽດນາມ ໃຫ້ກັບ 8 ກົມກອງລວມໝູ່ ແລະ ພີ່ນ້ອງຊາວຫວຽດນາມ ຢູ່ຕ່າງປະເທດດີເດັ່ນ 18 ທ່ານທີ່ມີຜົນງານດີເດັ່ນໃນວຽກງານວົງຄະນະຍາດ ແລະ ອວ່າຍໜ້າກັບມາຫາບ້ານເກີດເມືອງນອນ.
 | ຄະນະປະຕິບັດງານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄປເຮັດວຽກຢູ່ Fukuoka, ຍີ່ປຸ່ນ ຍສໝ - ແຕ່ວັນທີ 7-8 ມິຖຸນາ, ຄະນະປະຕິບັດງານ ຫວຽດນາມ ໂດຍທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫວຽນຮູຍຢຸ້ງ ນຳໜ້າຄະນະ ໄປຢ້ຽມຢາມເຮັດວຽກຢູ່ Fukuoka, ຍີ່ປຸ່ນ. |
 | Lanny Phetnion: ຄົນຕ່າງປະເທດຄົນທຳອິດທີ່ໄດ້ຮັບນາມມະຍົດທູດພາສາຫວຽດນາມ ຢູ່ຕ່າງປະເທດ ຍສໝ - ທ່ານນາງ Lanny Phetnion, ອາຈານພາກວິຊາພາສາຫວຽດນາມ, ມະຫາວິທະຍາໄລແຫ່ງຊາດລາວ, ໄດ້ຮັບນາມມະຍົດເປັນທູດພາສາຫວຽດນາມ ຢູ່ຕ່າງປະເທດໃນປີ 2024. ນີ້ແມ່ນຄົນຕ່າງປະເທດຄົນທຳອິດທີ່ໄດ້ຮັບນາມມະຍົດເປັນທູດພາສາຫວຽດນາມ ຢູ່ຕ່າງປະເທດ ດ້ວຍພາລະກິດໂຄສະນາວັດທະນາ, ສົ່ງແຮງບັນດານໃຈ, ສ້າງກຳລັງຜັກດັນໃນການສິດສອນ, ຮຽນຮູ້ ແລະ ນຳໃຊ້ພາສາຫວຽດນາມ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ ແລະ ບັນດາເພື່ອນມິດສາກົນ. |
ທອງມີ ສີຫາວົງ
