| ຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ | |
| ພິທີອັດການຝຶກຊ້ອມສອງຝ່າຍລະຫວ່າງ ຫວຽດນາມ ແລະ ອິນເດຍ ກ່ຽວກັບການຮັກສາສັນຕິພາບ ສະຫະປະຊາຊາດ |
ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂດ້ຫວຽດຮຸ່ງ ໃຫ້ຮູ້ວ່າ ຫວຽດນາມ ໄດ້ເຂົ້າຮ່ວມຢ່າງຕັ້ງໜ້າ, ສ້າງບັນດາຂີດໝາຍ ນັບແຕ່ບັນດາການເຄື່ອນໄຫວທຳອິດ, ດ້ວຍຫຼາຍຂໍ້ລິເລີ່ມທີ່ເໝາະສົມກັບບຸລິມະສິດຂອງ ຫວຽດນາມ ແລະ ຄວາມສົນໃຈລວມຂອງໂລກ, ໄດ້ຮັບການຕີລາຄາສູງຈາກປະຊາຄົມສາກົນ.
ທີ່ກອງປະຊຸມຊຸດທີ 52 ເປີດອາຍຸການຂອງສະພາສິດທິມະນຸດ (ມີນາ-ເມສາ 2023), ທ່ານຮອງນາຍົກລັດຖະມົນຕີ ຫວຽດນາມ ເຈີ່ນລິວກວາງ ໄດ້ເຂົ້າຮ່ວມກອງປະຊຸມຂັ້ນສູງ ແລະ ແນະນຳຂໍ້ລິເລີ່ມສະເຫຼີມສະຫຼອງ 75 ປີຖະແຫຼງການສິດທິມະນຸດສາກົນ (UDHR) ແລະ 30 ປີຖະແຫຼງການ ແລະ ລາຍການກະທຳ Vienna (VDPA).
 |
| ທ່ານຮອງນາຍົກລັດຖະມົນຕີ ຫວຽດນາມ ເຈີ່ນລິວກວາງ ໄດ້ເຂົ້າຮ່ວມກອງປະຊຸມຂັ້ນສູງຊຸດທີ 52 ຂອງສະພາສິດທິມະນຸດ ສະຫະປະຊາຊາດ |
ບົນພື້ນຖານນັ້ນ, ຫວຽດນາມ ໄດ້ເປັນປະທານ, ນຳພາກຸ່ມຫຼັກແຫຼ່ງຂອງ 14 ປະເທດລະຫວ່າງພາກພື້ນ ແລະ ຫຼາກຫຼາຍກ່ຽວກັບລະດັບການພັດທະນາ ເພື່ອສ້າງສາແຜນຮ່າງ, ຈັດຕັ້ງປຶກສາຫາລືເພື່ອໃຫ້ສະພາສິດທິມະນຸດ ໄດ້ຮັບຮອງເອົາດ້ວຍການເຫັນດີເຫັນພ້ອມມະຕິຕົກລົງສະບັບເລກທີ 52/19 ກ່ຽວກັບບັນຫານີ້ ໂດຍການອຸປະຖຳຮ່ວມຂອງ 121 ປະເທດ - ໜຶ່ງ "ສະຖິຕິ" ຂອງສະພາສິດທິມະນຸດໃນຊຸມປີມໍ່ໆມານີ້.
ຫວຽດນາມ ກໍ່ເຂົ້າຮ່ວມຢ່າງເລິກເຊິ່ງກ່ວາອີກໃນບັນດາວຽກງານລວມ, ຊຸກຍູ້ການເຈລະຈາ ແລະ ການຮ່ວມມືຢູ່ສະພາສິດທິມະນຸດ ບົນຈິດໃຈ “ເຄົາລົບ ແລະ ເຂົ້າໃຈ. ການສົນທະນາ ແລະ ການຮ່ວມມື. ທຸກສິດທິ. ເພື່ອທຸກຄົນ".
ຫວຽດນາມ ໄດ້ມີກ່ວາ 80 ຄຳປາໄສແຫ່ງຊາດໃນບັນດາກອງປະຊຸມຂອງສະພາສິດທິມະນຸດ ກ່ຽວກັບການຮັບປະກັນສິດທິມະນຸດບົນບັນດາແງ່ມູມ ທີ່ປະຊາຄົມສາກົນມີຄວາມສົນໃຈ. ນັ້ນແມ່ນ ການພັດທະນາແບບຍືນຍົງ, ການຮັບມືກັບການປ່ຽນແປງຂອງດິນຟ້າອາກາດ, ການຍ້າຍຖິ່ນຖານ, ຊຸກຍຸ້ສະເໝີພາບລະຫວ່າງຍິງ-ຊາຍ, ຮັບປະກັນສິດທີ່ຢູ່ອາໄສ, ສິດສະບຽງອາຫານ, ສິດວັດທະນະທໍາ, ສິດພັດທະນາ, ສິດປົກປັກຮັກສາກຸ່ມຄົນທີ່ຖືກຄວາມສ່ຽງງ່າຍ...
ຫວຽດນາມ ໄດ້ມີວິທີເຂົ້າເຖິງການກໍ່ສ້າງບັນດາບັນຫາສິດທິມະນຸດທີ່ຍັງມີຄວາມແຕກຕ່າງກັນຫຼາຍຢ່າງ, ທີ່ຖືກເຫັນເປັນການເມືອງ, ມີຫຼາຍການຂັດແຍ້ງຢູ່ສະພາສິດທິມະນຸດຄື ສະພາບການຂອງບັນດາປະເທດສະເພາະ (ອູແກຣນ, ຣັດເຊຍ, ປາແລັດສະຕີນ, ຊູດັງ...), ການພົວພັນລະຫວ່າງການພັດທະນາ ແລະ ສິດທິມະນຸດ, ສຸຂະພາບການເກີດລູກ ແລະ ການສຶກສາທາງເພດ, ສິດທິຂອງເພດທີສາມ, ການປ່ຽນເພດ (LGBT), ເປີດໃຈຕໍ່ສາສະຫນາ ...
ດ້ານໜຶ່ງ, ຫວຽດນາມ ປະກອບສ່ວນເຂົ້າໃນການຕໍ່ສູ້ລວມຂອງບັນດາປະເທດພວມພັດທະນາ ເພື່ອປົກປັກຮັກສາຫຼັກການບໍ່ຫັນເປັນການເມືອງ, ບໍ່ນຳໃຊ້ບັນຫາສິດທິມະນຸດ ເພື່ອແຊກແຊງເຂົ້າວຽກງານພາຍໃນຂອງບັນດາປະເທດມີອະທິປະໄຕ. ດ້ານອື່ນ, ຫວຽດນາມ ໄດ້ຮັບຟັງ, ເຄົາລົບຄວາມຕ້ອງການໃນການຮ່ວມມືຂອງບັນດາປະເທດ, ຊຸກຍຸ້ການຮ່ວມມື, ການສົນທະນາເພື່ອໃຫ້ສະພາສິດທິມະນຸດສາມາດປະຕິບັດຕາມຄວາມຕ້ອງການອັນຊອບທຳຂອງບັນດາປະເທດໃນຂົງເຂດນີ້.
ຕາມທ່ານຮອງລັດຖະມົນຕີ ໂດ້ຫວຽດຮຸ່ງ ແລ້ວ, ການປະກອບສ່ວນຂອງ ຫວຽດນາມ ໃນສະພາສິດທິມະນຸດ ໄດ້ປະກອບສ່ວນຊ່ວຍໃຫ້ປະຊາຄົມ ມີຄວາມເຂົ້າໃຈກວ່າອີກກ່ຽວກັບຄວາມມານະພະຍາຍາມ, ຄຳໝັ້ນສັນຍາຂອງພວກເຮົາໃນການປົກປັກຮັກສາ ແລະ ຊຸກຍູ້ສິດທິມະນຸດ, ຜ່ານນັ້ນ ກໍ່ຊຸກຍູ້ການພົວພັນຮ່ວມມືຂອງປະເທດເຮົາກັບບັນດາປະເທດ, ບັນດາອົງການສາກົນ.
ບັນດາເນື້ອໃນກ່ຽວກັບການຮ່ວມມືຢູ່ສະພາສິດທິມະນຸດ ໄດ້ຮັບການຊຸກຍູ້ຈາກບັນດາປະເທດ, ໃນນັ້ນມີບັນດາຄູ່ຮ່ວມມືໃຫຍ່ທີ່ມີຄວາມສົນໃຈໃນການຍູ້ແຮງການແລກປ່ຽນກັບ ຫວຽດນາມ, ທັງບັນດາການເຄື່ອນໄຫວການຕ່າງປະເທດຂອງການນຳຂັ້ນສູງ ຫວຽດນາມ. ບັນດາປະເທດເພື່ອນມິດ, ຄູ່ຮ່ວມມື ທີ່ມີທັດສະນະດຽວກັນ, ອາຊຽນ... ກໍ່ໄດ້ຊຸກຍູ້ບັນດາກົນໄກແລກປ່ຽນທີ່ມີຢູ່ແລ້ວ ຫຼື ຈັດຕັ້ງການເຄື່ອນໄຫວໃໝ່ເພື່ອມີການແລກປ່ຽນຢ່າງເລິກເຊິ່ງກັບ ຫວຽດນາມ ກ່ຽວກັບການຮ່ວມມືຢູ່ສະພາສິດທິມະນຸດ.
ທ່ານ ໂດ້ຫວຽດຮຸ່ງ ໃຫ້ຮູ້ວ່າ ຖານະບົດບາດສະມາຊິກຂອງພວກເຮົາໃນສະພາສິດທິມະນຸດ ກໍ່ປະກອບສ່ວນຊ່ວຍພວກເຮົາລະດົມໄດ້ບັນດາປະເທດໜູນຊ່ວຍພວກເຮົາຕໍ່ສູ້ກັບບັນດາການເຄື່ອນໄຫວທີ່ບິດເບືອນສະພາບການຢູ່ ຫວຽດນາມ ທີ່ບັນດາກົນໄກ, ເວທີປາໄສສະຫະປະຊາຊາດ.
“ເຖິງວ່າສ່ວນທີ່ຍາວກ່ວາຂອງເສັ້ນທາງຍັງຢູ່ຕໍ່ໜ້າ, ດ້ວຍສິ່ງທ້າທາຍຫຼາຍຢ່າງ ແຕ່ໃນເວລານີ້, ສາມາດເວົ້າໄດ້ວ່າ ປີທຳອິດຂອງການເປັນສະມາຊິກສະພາສິດທິມະນຸດ 2023-2025 ແມ່ນຄວາມປະສົບຜົນສຳເລັດຂອງ ຫວຽດນາມ ດ້ວຍຫຼາຍຂິດໝາຍ” - ທ່ານ ຮຸ່ງ ໃຫ້ຂໍ້ສັງເກດ.
ຕາມທ່ານຮອງລັດຖະມົນຕີ ໂດ້ຫວຽດຮຸ່ງ ແລ້ວ, ປີ 2024 ແມ່ນປີບານພັບຂອງອາຍຸການເປັນສະມາຊິກສະພາສິດທິມະນຸດ 2023-2025, ດ້ວຍຫຼາຍການເຄື່ອນໄຫວສຳຄັນຄື ການນຳສະເໜີ ແລະ ການພົບປະສົນທະນາກ່ຽວກັບບົດລາຍງານແຫ່ງຊາດຕາມກົນໄກ UPR ຮອບວຽນທີ IV, ສືບຕໍ່ຊຸກຍູ້ບັນດາຂໍ້ລິເລີ່ມ, ບຸລິມະສິດ, ພິເສດແມ່ນຂໍ້ລິເລີ່ມກ່ຽວກັບການປ່ຽນແປງຂອງດິນຟ້າອາກາດ ແລະ ສິດທິມະນຸດ, ສົມທົບກັບວຽກງານລະດົມບັນດາປະເທດ ເພື່ອສືບຕໍ່ໜູນຊ່ວຍ ຫວຽດນາມ ເປັນຄັ້ງທຳອິດທີ່ອອກສະໝັກເລືອກຕັ້ງເປັນສະມາຊິກສະພາສິດທິມະນຸດ ສະຫະປະຊາຊາດ ຄືນອີກເທື່ອໜຶ່ງໃນອາຍຸການ 2026-2028.
ມິງດຶກ
